JEREMIA 7:10 - ASII LAKDAP Bible (BSI) Namshiq raq arthun ashut jaqsham wantlan. Arthun arka ngi raq kai saisi tiikang. Arthun ara klowan lot lantiishe, namshiq ka imakki na i Shomjam na walanta chap wa tlan. Lantea, ‘Naishiq ka hansang!’ nguta bomtlan. Hawa Naga Bible 2001 Nuimshiq kuex ngaz rueq suirsac vshaungx kuex shuimx kaz ruiux, ngvy Shomc Yuimx nuex kaz vtueq, ngvy khaungkac nuex jvp ruiux, ‘Naungshiq kvwungx tiq shex!’ Miqsuirc vsac phvnx kuex shuimc mvy yaq shex, ngoz vshuinx. |
Raüta Tatiwe raq apaiq ma akha nguto, “Ngi raq ümnaq achujaü ka trekang she. Ngi raq ara Shomjam ümniiraq pattup pat-sa Ngi shomnoq wan miitu hailaü arka, ümchaü Ngi raq iram kham maq tiibok kang she. Arka asii she. Ngi raq arka khebom kuqshat she mirha. Lata pattup khupwong kuq shat mirha.
Apaiq raq thatsang chang berong-wacha thun ka Shomjam mong na Tatiwe raq apaiq shomnoq chang ba nguta atseathü kiijaq haito.
Kiimaq apaiq raq Tatiwe raq apaiq shomnoq chang ba hiqphu ma nguta athü wan Shomjam mong na thatsang berong-wacha thun shongto.
Apaiq raq Shomjam mong na sumla ashi shongto. Kra hiq ba miitu ka Shiikeawe raq Dawit nai ase Solomon ma akha nguto: “Ara Jerusalem na, ara Shomjam arka, Israilnok maiqphan phanroqshi ri phannai sichang hiqshong thun liipan wa ara hiq ba arka ngi shomnoq wan miitu ngi raq tsea wan kang she.
Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.
Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.
Tsangshiq riika Maiqphai asi sumla phra kaü thun ka imang na ahai wan Ngi shomnoq chang Shomjam mong na thü wanto. Raüta tsangshiq raq Shomjam ka tiisheshi baiqto.
Ümnap ümji ka tsantsii klai lanta namshiq raq Ngi tiichochi chang jaq sham wan lan. Namshiq tarü kiqri tsiimri lanta namshiq wokhong na maiqmii phan Jehudinok disetiim sitlaq kra atiidong riibaiq wan lan. Lanta namshiq raq iman na, Ngi shomnoq chang Shomjam maq, tongshong raukha thüwan lan.
Namshiq raq alaq she sha riibaiq lan, man na namtitiim raq abi ashut pinthum Juda mung na chela thun na kiimaq Jerusalem chela chiiheawea lam jong thun na klo wantaq ira? Juda mung hokhambi raq, kiimaq tsang nyungtiim raq, kiimaq namshiq raq kiimaq nam nyungtiim raq klo wan lan ira?
Namshiq raq i Shomjam ka thiimeaq kong tiipaü chang ngutiisha tiimatlan? Namshiq raq jamlai wa klotlan thun ka ngi raq achhiha siisaq.
Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.
“Juda mungti raq abi jaq sham wanto. Tsangshiq raq I Shomjam na, ngi raq saisitiikang sumla phra phong kra thüto. Raüta Shomjam ka tiishe baiqto.
Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.
Kiimaq tsangshiq raq ümniika ngengtlo, kra ningkhan tsangshiq raq ümjaq wa ümchuwa tsiiq nai nyan tum rümtlaü thun ka wiita mitsuq wan, raüta ümniika naiqhü ma she mephe nyung ikha kheahü ma mibaiqthü. Ümsethoq ja sükhatsi nai üm mephe ja rilung riishe
Tsangnai raq awese sishat maq maiq rai srato. Kiimaq maiq tsat baiqto. Sumla phra thun rai sethoq jato. Kiimaq tsangnai raq asetiim Ngi ma achiikuq thun kra tsatbaiqto. Tsangnai raq isetiim maiq wesere ka sumla phra thun noq ma takuqto.
Tsangnai raq ümra akhing niiwa isetiim ka sumla phra shomnoq wan ma honglu na takuqtaq, kra ranaiq akhing niisii hali tsangshiq ka i Shomjam kiijaq kiraüta tiisheshi kito!
“Tsangshiq ma, Ngi, Tati Rakaü Hiqwe raq jamlai wa ngutiikang ara chongkuqlaq: Namshiq raq ngam ka wiitiijai tam maq lumphaq tlan. Namshiq raq sumla phra thun shomnoq tlan. Namshiq raq maiq tsat tlan. Jamlai tiima lanto kra mung ka namshiq riishe nguta tiima tlan?
Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.
“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.
Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.
Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.
Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.
Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.
Jamkhano ngukla, shiikong miilong maiqse kra khoti, apeowiq polokhiq sitlo chhitiikai. Ashut aphit maiqsetiim kra khoti chiithe lüwa sitlo. Kiimaq tsangshiq raq ashut kiimung raüta, Shiikeawe raq anin wan tsii rüm tlaq kra tairai tlo. Kiimaq raüta juho tlo’” nguta tsütsit tlo.
“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!
“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.
Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.