ISAIA 48:2 - ASII LAKDAP Bible (BSI)

² Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.

Hawa Naga Bible 2001

² Yuq muinz nuimshiq kuex vsawc ghaqyungx miqsaz ngoz tueq kv-ngoc kvjungc ruiux Israel Tishox ngoz tueq muingc yaq Tvphaungc Tvsuip Yehowa nuex kvwungx kvguing vtix ngoz tueq muinz kvsomc parc jungx vshuiux.

ISAIA 48:2 Referencias Cruzadas

NEHEMIA 11:1

Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

NEHEMIA 11:18

Asii Jerusalem chela na siwanti Lewinok tarü tlotli ka 284 riito.

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

Tvtsvmc 87:3

Tailaq, Shiikeawe chela lei, apaiq raq ümmang chong tsaki awangchang chongtlaq thun kra:

ISAIA 10:20

Akhing ashi misaü wan, kra akhing na, re jaqsong atiichong Israilnok ka, tsangshiq miqchup tiithenbaiqtinok mungti ma tlam raüta simak she miraq. Tsangshiq raq tsang tsantsii ka riikhaqli maq Tatiwe, Israilnok asii Shiikeawe miishe mikam wan.

ISAIA 47:4

Asii Israilnok Shiikeawe raq nashiq tiichhiito, apaiq mang ka Ajong Pinthum Tatiwe.

ISAIA 51:13

Ümnaq phansangti Tatiwe ka alaq rea shea riilaü, ramungtan thun kra chantiwe ka, kiimaq hiq tiichap wan chang jamkhü kra phong wantiwe ka? Ümniika jam nguto hairuqruq haisiqtlaü, ümniika shiikeng raüta tiikiinyiitlaqti ma, ümniika tsatbaiq haijaq nguta tankhantlaqti ma? Tsangshiq tsankhiq moktlaq kra riika ümdü na thanlot mak.

ISAIA 51:15

“Ngi ka Tatiwe, üm Shiikeawe; Ngi raq khamjong chum ka shotshaqshaq tiibrak tiikang, lata atso jonghea tiimok tiikang. Imang ka Ajong Thaq Ajong Tatiwe!

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

JEREMIA 21:2

“Mangchan laüta naishiq miitu Tatiwe rai riibomlaq. Jamkhano ngukla Bebilon mung Hokhamwe Nebukadnejar raq apaiq phenlabi shea raüta Jerusalem chela ka komtam maq kombaiqto. Jursap Tatiwe raq nashiq miitu phanshi ra awang chang jaqsham raüta Nebukadnejar ka nashiq ka khat mak tsaqki raüta mitiiwa baiqlaq.”

JEREMIA 44:26

Shatmiitiina, ümchaü namshiq raq, Ngi Tatiwe raq, namshiq Ejip mung na sitibi khuthaq na imang chong ningkun aheng pinthum chong lata sinkham bom chong tiikang ara tiitsang tai rong laq: Namshiq ma imang ara tiichong lata sinkham raüpot ka tiipaq wan mang she. Namshiq raq, ‘Ngi raq atra Tati Rakaü Hiqwe mang na tiitum tiikang!’ nguta imang tiichong mang she mirha.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Matthew 27:53

Kiimaq tsangshiq ka makho mong wa dong wan raüta, ahin niishe wawanto. Kra jai maq, Jesuq ka ama wa dong wan jai she, tsangshiq ka Asii Chela Jerusalem kiina wawanto. Kiijaq maiq pahea raq tsangshiq ka chhito.

Matthew 4:5

Kra jai miishe, Thawe raq Jesuq ka Asii chela Jerusalem niishe shea wanto. Raüta apaiq ka Shomjam wukhupong diilu pinthum ba kiiniishe shea wan raüta tiichapto.

Romans 2:17

Riita, namshiq kiiha? Namshiq raq, namshiq ka Jehudinok phan nguta tiitsaki rai tlan. Namshiq riika, Shiikeawe raq Thungtri ka, namshiq ma kuqto nguta tiima tlan. Kiimaq namshiq ka, Shiikeawe sengi nguta shiikong tlan.

Revelation 11:2

Shatmaq, shomjam kinphai ka naq shinkiq. Jamkhano ngukla, kriika thatsang maiqse ma alike kun she. Tsangshiq raq Asii Chelati ka jipi lüroq blai ri lünai, ji maq nishishi mihaihii baiq.

Revelation 21:2

Kiimaq ngi raq Asii Chela Jerusalem anye ka junriise, awese phana ajun wakai ma tiimiikhiiq raüta kitlaq ikha, tiimii raüta Shiikeawe pha wa ramungtan maq asat kai chhikang.

Revelation 22:19

Kiimaq ashi ra raq, ara shammi bom chong lakdap mong wa, bomtsi poshi ra kra lambaiq raüla, Shiikeawe raq, ara lakdap na chong tlaq apaiq rii, rilung pechong tsi kiimaq Asii Chela mong wa achu shiiman kra alam mirbaiq.

PHOWEBI 17:13

Mika raq nguto, “Riita, ümchaü kla, ngi ma Lewi weshi ramwe jaqshamti asi she. Ngi raq asapha, ümchaü kla Tatiwe riimin, ngi ma achu shiiman mikuq she. Ahea she misiha.”