ISAIA 48:1 - ASII LAKDAP Bible (BSI)

¹ Ara taironglaq, Israilnok lei, Namshiq Juda saüsetiim raq: Namshiq raq Tatiwe mang chong lantea tiitumtlan; kiimaq Israilnok Shiikeawe ka shomnoqtiikai nguta tiitsakitlan. Shatmaq namnübok maq bomtlan ka rakhütsiri miili bomtlan.

Hawa Naga Bible 2001

¹ Yuda suiuz vsaz wawc Israel miqsaz lex, vruex tay shuinz: Nuimshiq kuex Yehowa muingc jungx vtueq kvtuemc ruiux, Israel Tishox muex nawk palx tvkoc jungx tuit, yuq muinz nuimshiq rueq jungx toq bomc poshiz kuex vlvmz tvdung muq ruez vshuiux.

ISAIA 48:1 Referencias Cruzadas

RAPHA HIQWA LAK 32:28

Kriiwe raq nguto, “Ümmang ka Jakob riimak she. Ümniika Shiikeawe rai riikilaü kiimaq maiqrai min riikilaü. Laüta ümniiriisii tanglaü. Kra ningkhan ümmang ka Israil she miraq.”

RAPHA HIQWA LAK 35:10

Shiikeawe raq apaiq ma nguto, “Üm mang ka Jakob. Shatmaq ümchaü armiiphat sanha, ümmang ka Israil miraq.” Kiimaq Shiikeawe raq apaiq mang ka Israil ngutiishe mangto.

2 HOKHVMX 17:34

Tsangshiqnok riika ümchaü niitaq saüli tsangshiq thunglai chü kra lang raütli sitlo. Tsangshiq raq Tatiwe ka shomnoq mak. Kiimaq Tatiwe raq Jakob saüsetiim ma kuqtaq, Jakob ka apaiq raq Israil nguta mang wantaq, kra saüsetiim ma kuq wantaq thungtri thun nai aming thun kriimin lang mak.

2 HOKHVMX 5:20

Kiijiishe Elisha jaqshise Gehaji raq apaiq nai apaiq ka akha tiingoto, “Itijongwe raq Naaman jaq wiika jamlai phan min jaü mak maq atu niili tiiwa baiqto! Siria mungtiwe raq apaiq ma jamlai phan wa kuqtaq kriika apaiq raq jaü chang wa. Atra Tatiwe mang na, ngi raq ajai ka mijo wanha. Lata ngi raq phanshi ra mijaü phaq wa ha.”

Tvtsvmc 63:11

Shiikeawe raq apaiq ma rekhat tiitangke kha maq, hokhamwe ka kai michochi. Jurwa Shiikeawe mang na kiqkham thütlaqti thun raq apaiq ka mitiitsam, shatmaq arot chongtibi nübok ka asuk mirbaiq.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

Tvtsvmc 68:26

“Shiikeawe ka tiitsam ronglaq, asenginok mung thungtlaq kiijaq; Tatiwe ka tiitsam ronglaq, namshiq Jakob saüse phan wiita raq!”

Tvtsvmc 68:27

Lamsheati ka Benjamin phan watlo, tsangshiq ka maiq atsap pinthum, kriijai na Juda phan sheati welabi tsangshiqnok kong kra shea raüta watlo, tsangshiq jai niika welabi Jebulun phan nai Naphtali phan sheati kong watlo.

DUNGWVNC 23:13

“Ngi, Tatiwe raq ümniima tsii ümchuwa chongkuq kang kra tiitsang tailaq. Laihin phra kong jaq wa achu naq jaüki. Tsangshiq mang thun kiimin achong maimak.

TAKSU LAK 5:16

Nyunghin thun alam haü setiim ka, ümniima jamliip min ahü miraq.

ISAIA 26:13

Tati, naishiq Shiikeawe lei, naishiq ka maiq raq pengto, Shatmaq naishiq Tatiwe ka ümniili.

ISAIA 44:5

“Ashishi maq, maiq raq akha mingu, ‘Ngi ka Tatiwe rii.’ Tsangshiq ka waraüta Israilnok rai mipong wan. Maiq loweatek raq ajaq phum na Tatiwe mang mikhat thü, raüta apaiq kiimin Shiikeawe sengi weshi nguta mitiichong.”

ISAIA 45:23

Ikiq kham ka tengteng, kriika klai mak phan. Ngi raq iramkok sham lata sinkham tiikang; Maiqse loweatek ngi phana miwa raüta ikhaki na kaütsrong na mibum, raüta iwokhong na misiha nguta sin mikham.

ISAIA 46:12

“Ibom chong ara tai ronglaq, nilannok lei, namshiq raq rekhat tang wan miika rahiq luhea dea asi shaq nguta tiimatlan.

ISAIA 51:1

Tatiwe raq ngutlo, “Ibom tai ronglaq, namshiq atiichhii wan rotlanti raq, namshiq iphana khrum jaüwa tlanti raq. Namshiq dongchang longkaü kra tiima ronglaq, namshiq tiidong thechang longkhat kra tiima ronglaq.

ISAIA 51:2

Namti Abraham kra tiima rongliina, kiimaq Sara, namwijong kra shiwea rong liina. Ngi raq Abraham hea wan kang akhing na, apaiq ka sehü, shatmaq Ngi raq apaiq ma shiiman kuqkang, lata apaiq ka saütam serü tiijakang. Ngi raq apaiq laila ka ra ma hiq ma tiipuchi kang.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

ISAIA 62:8

Tatiwe raq sinkhamto, Krai mren aningkun maq kra jaq misham: “Ümtsamtum ka ümjaqtinok raq siq mak she miraq, Kiimaq pongmungti raq ümspiqtai khap ka nyanglu mak she miraq.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

ISAIA 65:16

Armung na siti jurwa achu shiiman lap wan lungwiitlaq, kriiti raq Tsapkapkap Shiikeawe jaq wa achu shiiman kuqlaq nguta achu mijaü wan. Kiimahali jurwa atiitum riiwantlaq kriiti riimin, Tsapkapkap Shiikeawe mang ka chong raüta mitiitum wan. Man na chamchao litkot ümchuwa lea wan lan, kriika ahü she miraq. Kiimaq wiita alaq she mirbaiq wan han.”

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

JEREMIA 44:26

Shatmiitiina, ümchaü namshiq raq, Ngi Tatiwe raq, namshiq Ejip mung na sitibi khuthaq na imang chong ningkun aheng pinthum chong lata sinkham bom chong tiikang ara tiitsang tai rong laq: Namshiq ma imang ara tiichong lata sinkham raüpot ka tiipaq wan mang she. Namshiq raq, ‘Ngi raq atra Tati Rakaü Hiqwe mang na tiitum tiikang!’ nguta imang tiichong mang she mirha.

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

LEWI 19:12

Namshiq raq jaqsham maq tiichhi man chang ka imang na kiq naq kham rongkiq. Kra riika imang tiibi changli. Ngi ka Tatiwe namshiq Shiikeawe.

Mikha 2:7

Israilnok ka Tatiwe manson ho raüta sitlo ngutiisha tiima tlaü? Tatiwe raq abi jaqsham ka ninlot mak she ngutiisha tiima tlaü? Tatiwe raq atinkhan abi kiimung ka miklo wandea shea? Tatiwe raq athuk atsom kloti lungwiitlo riimak shea?”

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

JEKERIA 5:3

Kiijiishe apaiq raq ngi ma akha chongto, “Kra lakdam na armungti tlotli ma manson tiinishi saü wan tlaq kra waiq thüto. Kra lakdam jaq, siimko niika armungti phong wa, juwa ahuk arot jawan tlaqti kra kunli, armung wa alamshe mirbaiq nguta waiqto. Kiimaq siimko niika armungti jurwa rung na atiitum raüta, arot akiq saqse kuq tlaq, kriiti ka wiita kunli alam she mirbaiq nguta waiqto.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

WEAWEA 24:7

Tsangshiq ma ra chamtraq mijun kuq Raüta alai thun ka kham chamtraq Wak ram thun michhi jang. Tsang hokhamwe ka Agag thaq na ajong miraq, Kiimaq apaiq mungtan ka Luhea na misaü wan kiimaq jonghea mijong wan.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

John 1:47

Jesuq raq Nathaniel ka apaiq phanü na awa rai kra chhi raüta, apaiq miitu akha chongto, “Arhata miikiim se ashi Israil we. Apaiq ka chiisan maiqse ashi!”

John 4:24

Shiikeawe ka Wenyi kiimaq tengteng. Krai mren, maiqse raq apaiq ka, apaiq Wenyi maq, apaiq raq maiqse jaq wa, jamkha shomnoq wa lungwii tlaq, kra phan phan li apaiq ka shomnoq chang.”

Romans 2:17

Riita, namshiq kiiha? Namshiq raq, namshiq ka Jehudinok phan nguta tiitsaki rai tlan. Namshiq riika, Shiikeawe raq Thungtri ka, namshiq ma kuqto nguta tiima tlan. Kiimaq namshiq ka, Shiikeawe sengi nguta shiikong tlan.

Romans 9:6

Ngi riika Shiikeawe raq akuq, kiqkham kongphiq raükha kriika apoi riikito nguta ka ngu mang. Kra kiqkham ka tiiku wanto. Ara jamkhano chongtiikang ngukla, Shiikeawe raq asengi miitu maiqse ümchuwa akhek atiitsang raüta tsea wantaq thun kra, ümchaü sanha, ümsiimiiwa Israilnok phan sitlaq kra thaq niimin apa she.

Romans 9:8

Riita, ara chong tlaq ara phanphan hali, joli han-ngam maq adong wan setiim kriika, Shiikeawe setiim ngutiika wea wan mak. Shatmaq, Shiikeawe raq, tiitsangdada Abraham ma kiqkham kuqtaq, kra tiiku wan miitu rawii chhi wantaq setiim kra thun kriili, chiisan Shiikeawe setiim dea nguta wea wan tlo.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 33:28

Krai mren, Jakob saüsetiim ka hansang maq shong wanto, tsam nai spiqtai chamtraq mung na khusang maq shong nga wanto, kiijaq ra wa bang rok raüta hiq ka traptlo.

TRI CHONGKE 5:28

“Ümtiikiiwa Tatiwe raq ara bom ka taitaq, apaiq raq ngi ma akha nguto, ‘Arnok raq jamlai wa chongtaq kra Ngi raq taikang she. Kiimaq tsangshiq raq chongtlaq ka riikhaqli.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

1 Timothy 4:2

Arka joksaü liiqse shrabi raq, tsangshiq traho bom chongke lümaq mitiinyam wan. Tsangshiq tsantsii ka thawe lamphan na arap baiqho wishe. Tsangshiq ka ngarai kharü mong niishe sitlo.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.