JEREMIA 7:9 - ASII LAKDAP Bible (BSI)

⁹ Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

Hawa Naga Bible 2001

⁹ Nuimshiq kuex vguiuq vrot, miq thvy, miq juik muex yaq, kvtuemc vtueq rot kaq jungphvnx, Bala muex shomc nawk kuq ruiux, kungkhux nuex tuiuz muit tishox htenc muex nawk palx wuez tuit.

JEREMIA 7:9 Referencias Cruzadas

1 HOKHVMX 18:21

Kiimaq Elija ka mungmaiqse tho na wato. Raüta akha nguto, “Riita namshiq raq ara tiima anai ka ümtincho na saüli wa mithühan? Tatiwe kiidea Shiikeawe jiika apaiq kli shomnoq ronglaq; kiimaq Baal kiidea Shiikeawe jiika, apaiq kli shomnoq ronglaq!” Shatmaq maiq thun riika poshi min bom mak riito.

DUNGWVNC 20:3

“Ngi tlea laüta ahin phra shomnoq maimak.

ISAIA 1:13

Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 11:13

Juda mungti sumla phra phong ka Juda mung na chela thun ümchuwa sitlaq kiichu sitlo. Kiimaq Jerusalemti raq maiqphai asi Baal shomnoq chang honglu take wan chang berong-wacha thun ka Jerusalem na chiiheawea lam ümchuwa sitlaq kiichu hai wan raüta shomnoqtlo.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 13:10

Ara abinok raq ibom taimak ngiimtlo. Tsangshiq ka pinthum wanshakshak. Kiimaq abi thaq niimin abi klo wanti. Krai mren tsangshiq raq laihin phra thun shomnoq wanto. Kiimaq shiikumpanto. Kra ningkhan, tsangshiq ka ara patulong thun riimkitaq akhiisiisaq miriimki. Jamkam min taimak she.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 19:4

Ngi raq ara hiqshong ara jamkhano tiithenbaiq tiikang ngukla, tsangshiq raq ngi ka no na miimbaiqto. Raüta ara hiqshong ara laihin phra kong ma honglu takuq raüta wiita tiishe shibaiqto. Tsangshiq raq nai tsangtitiim riimin sapmak kiimaq Juda mung wa hokhambi riimin sapmak phan phra kong kra shomnoq wanto. Kiimaq tsangshiq raq ara hiqshong na khühü lamhü na maiqsang sepii thun kra tsatbaiqto. Raüta maiqsang tiijai pahea raübaiqto.

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

JEREMIA 44:3

Jamkhano ngukla kiijaq siti mungmaiqse raq abi kloto. Raüta itsan tiikhiqto. Tsangshiq raq phanhin sumla phrakaü thun ma honglu thun takuqto. Kiimaq phra kaü thun tsangshiq riimin sapmak, namshiq riimin sapman, namtitiim riimin sapmak phra thun ka shomnoq wanto.

JEREMIA 44:8

Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

JEREMIA 44:9

Namshiq raq alaq she sha riibaiq lan, man na namtitiim raq abi ashut pinthum Juda mung na chela thun na kiimaq Jerusalem chela chiiheawea lam jong thun na klo wantaq ira? Juda mung hokhambi raq, kiimaq tsang nyungtiim raq, kiimaq namshiq raq kiimaq nam nyungtiim raq klo wan lan ira?

JEREMIA 48:35

Ngi raq Mob mungti ka tsangshiq raq phra sumla thun shomnoq chang hiq ba thun kiijaq wa na chaq chang honglu takewan ka wiitashe mitiitsaq baiqha. Kiimaq tsangshiq sumla phra kong ma laihin honglu take wan kiimin wiita she mitiitsaq baiqha. Arka Ngi, Tatiwe raq toqtan tiikang.

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

JEREMIA 5:7

Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto.

JEREMIA 7:6

Pongmungti wanshawe namshiq rai sidamtlaq kra, manti liihi sekong, kiimaq manti nyungre kra naq nanshan rongkiq. Armung na maiqsangti ka kha ahü na naqtsatbaiq rongkiq. Sumla phra kong shomnoq ka athaqshe riibaiq ronglaq. Kra shomnoq tlan kriiriili namshiq ka mishthen baiq.

EJEKIEL 18:18

Awe riika, maiq laolii wanto. Thiimeaq ja raüta maiq tekto. Kiimaq maiqse wiitarü ma abi kli kiimung wanto. Kra ningkhan apaiq ka tsaito. Apaiq maiqmii ngarai homa raq tsatto.

EJEKIEL 20:30

Riita ümchaü min, Israilnok ma chonglaq, Ngi, Tati Rakaü Hiqwe raq jamlai wa chongtiikang ara: Riita namwetiim raq jamlai ngarai thun wa tang wantaq kriithun ka namshiq raq jam nguto tangho nong lan? Lanta namshiq ka tsangshiq sumla phra kong kra jaiphan jam nguto juraiholan?

EJEKIEL 23:39

Tsangnai raq ümra akhing niiwa isetiim ka sumla phra shomnoq wan ma honglu na takuqtaq, kra ranaiq akhing niisii hali tsangshiq ka i Shomjam kiijaq kiraüta tiisheshi kito!

EJEKIEL 5:11

“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.

Hosea 2:13

Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 6:9

Thiimeaqkong raq thiimeaq tek tlaq ikha, ramwebi raq thiimeaq tektlo. Asii Shekhem chela lam wa, bom hairaüta maiqtsattlo. Tsangshiq raq abi pinthum ngarai tangtlo.

AMO LUIK DVP (AMOS) 4:5

Kechutum honglu winsii kra kuq wan rong liita, lanta achan anase kuq wan tlan kra miitu, nokwe ma chiiriim lanta tiitai kuq wan lili rong liina. O, Israilnok lei, namshiq riika akha, Shiikeawe shomnoq wan kra kai lungwii tlan kata, nguta Tatiwe Shiikeawe raq ngutlo.

JEPHANIA 1:5

Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Romans 2:2

Shiikeawe raq, akha ashut kiimungti maiqse kha ka, riikhaqli kappe maq shin raüta, phokuq tlo nguta, nashiq raq asap i.

TRI CHONGKE 32:17

Tsangshiq arot phrakong ma honglu takuqto, tsangtitiim raq sap mak dongdii anye phra kong, Israil raq noq wan mak phra kong noqto.

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

PHOWEBI 5:8

Kiitiika mung na re dongto, kiitiikaq Israil raq phrakong anye tseato, Israil mung wa rewe hingroqblai raq, weshi ra raq liiq riimakla, piq lamho tiishea?