JEREMIA 7:30 - ASII LAKDAP Bible (BSI)

³⁰ “Juda mungti raq abi jaq sham wanto. Tsangshiq raq I Shomjam na, ngi raq saisitiikang sumla phra phong kra thüto. Raüta Shomjam ka tiishe baiqto.

Hawa Naga Bible 2001

³⁰ Yehowa rueq, “Yuda miqsaz kuex ngarvyx shuimx kaz yaq. Tsuingshiq kuex ngaz rueq suirsac vshaungx yac yuimx htenc kuex ngvy Shomc Yuimx nuex lvmz laq vtueq tvshuy shac yaq.

JEREMIA 7:30 Referencias Cruzadas

2 HOKHVMX 21:3

Awe Hejekia raq thatsang chang hiqba thun tiithenbaiq wantaq kra apaiq raq hali tiihea hai nongto. Apaiq raq Baal phra noqchang berong-wacha thun haito. Raüta Israil mung Hokhamwe Ahab raq klotaq kiikha apaiq riinin jechak phra Ashera sumla thun kra haito. Kiimaq Manase riika raiqsaiq thun min shomnoqto.

2 HOKHVMX 21:4

Apaiq raq thatsang chang berong-wacha thun ka Shomjam mong na Tatiwe raq apaiq shomnoq chang ba nguta atseathü kiijaq haito.

2 HOKHVMX 21:7

Apaiq raq Shomjam mong na jechak phra Ashera sumla thüto. Ara Shomjam haiwantaq arka Tatiwe raq tingsang atsea arwan, apaiq raq Dawit nai ase Solomon ma akha nguto: “Ara Jerusalem na, ara Shomjam arka, Israilnok maiq phan phanroqshi ri phannai sichang hiqshong thun kriiwa, Ngi ka arba arjiili shomnoq wan raa nguta tingsang pong na athiiq arwanha hiqba.

2 HOKHVMX 23:12

Kiimaq Hokhamwe Josia raq Juda mung hokhambi raq Hokhamwe Ahaj hokham jam wukhu wuthung na berong-wacha thun ahai thun ka, Hokhamwe Manase raq Shomjam wang mong rinkea banairi na berong-wacha phong haitaq thun kriirai adam na wiita runbaiqto. Apaiq raq kra berong-wacha thun ka bunlak buncha tiibun baiqto. Raüta apun awun thun ka Kidron raise tan na wiita wanbaiqto.

2 KAÜWA WERAÜ 33:15

Kiimaq apaiq raq Shomjam mong wa pong mungti phrakong thun ka alam she rii baiqto. Kiimaq apaiq raq sumla phra phong thütaq thun kra lambaiqto. Kiimaq Shomjam haitaq hiq lam na thatsang chang berong-wacha thun kra, kiimaq Jerusalem na hiq bahin thun wa kiimin wiita lam baiqto. Apaiq raq arthun kunli ka chela phai na lamhoto. Raüta kiijaq phong baiq kito.

2 KAÜWA WERAÜ 33:3

Apaiq raq thatsang chang jam thun awe Hejekia raq arunbaiq thun kra wiita hali tiihea hai nongto. Apaiq raq Baal phra shomnoq chang berong-wacha thun kra hai nongto. Kiimaq jechak phrakaü Ashera sumla phong ka kloto. Kiimaq ra na raiqsaiq thun kra noqto.

2 KAÜWA WERAÜ 33:7

Apaiq raq Shomjam mong na sumla ashi shongto. Kra hiq ba miitu ka Shiikeawe raq Dawit nai ase Solomon ma akha nguto: “Ara Jerusalem na, ara Shomjam arka, Israilnok maiqphan phanroqshi ri phannai sichang hiqshong thun liipan wa ara hiq ba arka ngi shomnoq wan miitu ngi raq tsea wan kang she.

ISAIA 66:4

Kra ningkhan, Ngi raq tsangshiq khuthaq na tiimiqchup then wan chamchao mitiisaüha. Tsangshiq ka jamlai phan mo haisongtlaq kra phan chamchao sawa mitiisaüha. Jamkhano ngukla Ngi raq tsangshiq ka heawan kang akhing na, jurmin ibom tremak. Riimakla Ngi raq tsangshiq rai riibom kang akhing na, tsangshiq raq ibom taimak riito. Tsangshiq raq tam lam lam maq ikiq khü wanto. Raüta abi kli kloto.”

JEREMIA 16:18

Ngi raq tsangshiq ka tsangshiq ngarai ümchuwa klo wantaq kra thaq na thep tliip lata tsangshiq ma mithamkuqha. Tsangshiq raq thep liip raüta imo ka miho. Jamkhano ngukla tsangshiq raq ngi raq akuqha mungtan ka tsitsü ahü sumla phra phong kra noq wan raüta wiita tiisheshi baiq wanto. Kiimaq tsangshiq raq arot akiq phra phong kra hiqma rama phong wan raüta ihiq shong ka tiisheshi wanto.”

JEREMIA 23:11

Tatiwe raq ngutlo, “Shammibi nai ramwebi ka ra weahü kong siisaq; Ngi raq tsangshiq ka Shomjam na abi klorea wa lapkang.

JEREMIA 32:34

Tsangshiq riika Maiqphai asi sumla phra kaü thun ka imang na ahai wan Ngi shomnoq chang Shomjam mong na thü wanto. Raüta tsangshiq raq Shomjam ka tiisheshi baiqto.

JEREMIA 32:35

Tsangshiq raq Hinnom Thung Tan na Baal phra shomnoq chang honglu wacha thun haito. Kriika tsangsetiim maiqwe sere nai jechak sere ka honglu na Molekh phra kaü ma take wan ma haito. Ngi raq tsangshiq ma arthun ara klo wan miitu aming ka kuq mang dea. Tsangshiq raq arthun ara miklo wan raüta, Juda mungti ka ngarai na mitiidea wan ngutiika ikhutsai na akhiismin ahü dongdii riito.”

EJEKIEL 7:20

Akhing ashi na tsangshiq ka tsang longseng laktum tsomhea kra lak raüta kai shiikongto. Shatmaq tsangshiq raq kriithun kiimaq maiqphai asi sumla phra thun kra tiiq wanto. Kra ningkhan tiina Tatiwe raq tsang tsiiq tum thun ka tsang mak lii na maiqphai asi she tiijabaiqto.

EJEKIEL 8:3

Apaiq raq ajaq ikha kriika ngi phanü na tliisaq riito. Raüta ngi ka ikhudap maq dopot laphoto. Kiijiishe ara riisham makchhi maq chhikang, ngi ka Shiikeawe wenyi raq ra na rawang win na luhea na dowanto. Raüta ngi ka Jerusalem na sheahoto. Raüta apaiq raq ngi ka Jerusalem Shomjam shekhu nü nü kilamchong wang mong kilam chongti ba kiijaq shea wanto. Kiijaq Shiikeawe mak lii na riiqkhiq phan sumla kaü ashi kra tiinga raü riito.

DANIEL 11:31

Apaiq phenlabi wiijamti raq Shomjam ka mitiishe baiq. Raüta tsangshiq raq Shomjam na ranaiqtek honglu kuq tlaq kra atiithaq mirbaiq. Raüta Riikhiq Phiiptsi Chang Sumlakaü she mitiinga shong.

DANIEL 9:27

Kra tuwe ka mangjong hiq na siti maiqmung pahea rai, rawii wiimiishi na saüli pharang rang maq silu mirja. Kra rahiq akhing ka wiijam she nyiwanto angu na, apaiq raq nyamse honglu takuq wan tlaq kra nai laihin honglu kuq wan tlaq jaqsham ka atiitsaq she mirbaiq. Raüta Riiqkhiq Phiiptsi Chang Sumla Kaü kriishe diilu pinthum ba asii thaq na asii Shomjam khok kriijaq mishong wan. Kra Shomjam tiisheshi wantiwe ka, Shiikeawe raq mitsat baiq wan shaq wiiwii, kra Riiqkhiq Phiiptsi Chang Sumla Kaü ka tiingashat li miraq.”