DANIEL 9:18 - ASII LAKDAP Bible (BSI)

¹⁸ Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.

Hawa Naga Bible 2001

¹⁸ O Tishox lex, nuiyshiq muex tay kuq koq, nuiyshiq kuex lawc vtueq, nuiyshiq rvhumc vtix kuilc daz nuiyc mmuingc ruingc yaq ghaqyungx kuilc daz jamjaux yaq kuex khiz kuq koq. Nuiyshiq rueq vlvmz shuimx kaz vshix ningkhvnc nuex rvmuq, mnoz kuex menjenc kuy jix waz rvtoq ningkhvnc nuex nuiyshiq rueq vjux thoz vphix.

DANIEL 9:18 Referencias Cruzadas

1 HOKHVMX 8:29

Ranaiq rawa ara Shomjam ara liishat maq thülaq. Ara hiqba ara ümniiraq ümnaq shomnoq wan chang hiqba miitu she tseatsiiq wan laü. Ngi raq ara Shomjam nü na liilata achu jaü tiikang kra tre laq.

2 HOKHVMX 19:16

Riita ümchaü min liilaq, naishiq khuthaq na jamlai mra she wa saü wantaq. Sennacherib raq ümnaq atra Shiikeawe shummii bomtsi ümchuwa bom tlaq kra tiitsang tai laq.

Tvtsvmc 116:1

Ngi raq Tati lungwiitiikang, jamto ngukla apaiq raq ibom taitlo; apaiq raq ngi achujaü tretlo.

Tvtsvmc 25:6

Tsan na tiitsanglaq, O Tatiwe lei, üm mangchan nai tiipit maü lungwii tsii rümtlaü kra ümniiraq rathupse miiphü tiichhi kuq laü.

DUNGWVNC 3:7

Kiijiishe Tatiwe raq nguto, “Ngi raq Ejip mung na isenginok pinthum tiichamchao haihiitlaq kra chhikang she. Ngi raq tsangshiq ka maiq jaq khon mong na tsangti jongnok raq tiichamchaotlaq kriiwa tiichhii kuqlaq nguta hoq trangtlaq kra taikang she. Ngi raq tsangshiq chamchao thun ka kunli sapkang she.

ISAIA 37:17

Ümchaü min, Tatiwe lei, naishiq achu jaü ara tailaq. Laüta naishiq ma jamlai mra wa pinwantaq kra liilaq. Sennacherib raq ümnaq atra Shiikeawe ma shumtsü miitsü bombi ümchuwa kuqtlaq kra tiitsang tailaq.

ISAIA 43:7

Tsangshiq ka isenginok shaq, kiimaq Ngi raq tsangshiq ka ikhushü tiijonglu ma phansang kang.”

ISAIA 64:12

Tatiwe, riita arthun ara chhishat taü miimin ümtsan ka bimak shea? Riita ümniika jaq tiihot laüta kaiqshakli shea mingasiq haü? Laüta naishiq raq ninlot maichang chamchao litkot wa mong niili she mitiikhiim haü?

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 37:20

Riita ümchaü min, Chaü lei, ngi raq ümniima tiipaiq nealata ngutiikang, ibom chong ara tai laq. Mangchan laüta, ngi ka Jonathan jam na phaqtek khok kiijiika naq thükikiq she. Ümniiraq ngi ka kiijaq hali la thüki raüla, ngi ka mitsaiha ngushat.”

EJEKIEL 36:22

“Riita ümchaü min, Israilnok ma, Ngi, Tati Rakaü Hiqwe raq tsangshiq ma jamlai tsütsa chongke chang wa sitlaq kra chong kuqlaq: Ngi raq jamlai jaqsham wa kloho dan tiikang arka, namshiq Israilnok tiiwongke miitu riimak. Shatmaq i mang asii ara tiiwongke miitu klo tiikang. Namshiq raq i mang ka namshiq ümriibaba no siwan lan kra mung na i khushü ka tiijam wan lan.

EJEKIEL 36:32

Israil lei, namshiq raq ara bomtsi ara sap wan ratlo; Ngi raq arthun klo wan tiikang arka, namshiq ka maiqshaq jalanta riimak. Arka namshiq raq jamlai ngarai wa klo tlan kra miitu jeasi ronglaq kiimaq jea ngaü tlan kra nai nam mun juktlaq kra sap ronglaq nguta klo kuq tiikang. Arka Ngi, Tati Rakaü Hiqwe raq ngutiikang.”

DANIEL 9:7

Ümniika Tatiwe, ümniika phanrap tingting tri raükha tiipha shatti. Shatmaq naishiq riika maiqmii khu na, jeasi thoda hophaq wan laitli wranaiqshe siwankai. Arka tengto dea. Naishiq wiitarü raq hophaq tiikai. Juda mung na siti ngu i kiimaq Jerusalem na siti ngu i, kiimaq tlotli Israilnok mungmaiqse thun, ümniiraq pongmung na, aje na nai maiqmung thun luhea na, tiipin jobaiq laü. Jamkhano ngukla tsangshiq ka ümwokhong na simak riito.

WEAWEA 6:27

Kiimaq Tatiwe raq nguto, “Tsangshiq raq imang chong raüta Israilnok ma, ramkham ka tiibok kuq raüla, Ngi raq tsangshiq ka mishman kuqha.”

1 Corinthians 1:2

Korin chela na siti Shiikeawe phungtuti, kiimaq Shiikeawe sengi asii maiqsetiim miitu ahea wantibi ma, juwa Jesuq rai pumshi hanshi sitlaq kra lümaq Shiikeawe riishe jawantiiti thun ma, kiimaq Tati Jesuq Khristo shomnoqti mangjong tlotli na sitibi rai adam maq, tsangshiq TATIWE kiimaq nashiq TATIWE shomnoqti ma: