DANIEL 9:17 - ASII LAKDAP Bible (BSI)

¹⁷ O, Shiikeawe lei, ngi achujaü nai tiipaiqnea tiikang ara tai kuq laq. Ümshomjam tiithen baiqtaq kra tiiheakuq nonglaq. Tiiheakuq liidea, haüla maiqse angu kunli raq, ümniidea Shiikeawe nguta misap wan.

Hawa Naga Bible 2001

¹⁷ O Tishox lex, ngvy vjux thoz bomc nuiyc kvmenc jenc thoz bomc kuex tay kuq koq. Tvbac gay rvhumc tueq Mshomc Yuimx kuex tvhvlc yek shuiuz; tvhvlc yek shuiuz, kvkaq miq ruip rawx rueq mnoz Tishox rvtoq kuex tuiuz wvnc wuez shuex.

DANIEL 9:17 Referencias Cruzadas

1 HOKHVMX 8:28

Tatiwe i Shiikeawe lei, ngi ka ümjaqshi se. Ngi achujaü ara trekuq laq. Laüta ümchaü ranaiq ngi raq achu jaükang thun ara tre kuq laq.

NEHEMIA 1:6

Tatiwe lei, ngi phanü na liilaq. Laüta ngi raq ranaiq rawa ümdisekong, Israilnok miitu achu jaü tiikang ara tailaq. Ngi raq naishiq Israilnok raq ngarai tang wan kai dea nguta mra tiidii tiikang. Kiimaq ngi nai naititiim raq, ngarai ka tang wan kai dea.

Tvtsvmc 119:135

Ümnaq ngi rai silaüta shiimanlaq; laüta ngi ma ümtri thun shrinkuqlaq.

Tvtsvmc 4:6

Maiq pahea raq akha achu jaütlo: “Naishiq ma apapa achu shiiman laq, O Tatiwe lei. Naishiq ka lungwiikhiq ma liilaq!”

Tvtsvmc 67:1

Shiikeawe lei, naishiq tiihangkuq shat riilaq laüta shiimanlaq; naishiq ka mangchan shatmaq liilaq,

Tvtsvmc 67:2

krai mren mangjong tlotli raq ümniiraq jamlai wa thapthi tlaü kra misap wan laq, raüta maiq mung kunli raq ümnaq tiichhii wan jaqsham kra misap wanlaq.

Tvtsvmc 74:3

Ümji maq walaüta ara botkhulai rai riishottlii atiithenbaiq kriijaq khum wakiq naishiqnok jaqtibi raq Shomjam wa phanrap wiita tiithenbaiqto.

Tvtsvmc 80:1

Naishiq achujaü tailaq, O Israilnok Rümtiwe lei; naishiq achujaü tailaq, naishiq ka ümskukong, ümniika naishiq pengti. Üm hokham ngacho ka cherubim rasetiim thaq na, ümniika kiijaq ngatiwe.

Tvtsvmc 80:19

Naishiq ka tiijang shea wan nonglaq, Tati Ajong Pinthum Shiikeawe lei, Naishiq ma ümtiihang mangchan tiichhilaq; raüla naishiq ma hansang miraq.

Tvtsvmc 80:3

Naishiq ka shea wan nonglaq! O Shiikeawe lei! Naishiq ma ümtiihang mangchan tiichhilaq, raüla naishiq ka mitiichhii wan!

Tvtsvmc 80:4

Ümtincho na saüli wa, Tati Shiikea Ajong Pinthumwe lei, ümniika ümsenginok achujaü tre maü mikhiq haü?

Tvtsvmc 80:7

Naishiq ka naimung na hali tiijang shea wan nonglaq, Ningkun Ajong Shiikeawe lei! Naishiq ma ümtiihang mangchan tiichhilaq, raüla naishiq ka mitiichhii wan!

ISAIA 48:11

Ngi raq jamlai wa klotiikang kriika imang chong tiiwong miituli klotiikang, Ngi raq imang chong ka tiibi romang; riimakla ikhushü ka jumiimin riishakuq mang. Kriika Ngi miituli khamaq Ngi riili dongdii riichang.”

AJONJÜ 3:56

Ümtiikiiwa ngi raq, ümniima tiipaiqneakang, ümniiraq tailaü.

AJONJÜ 5:18

Jamkhano ngukla Jajon chela ka apaiq laqlaq li she, maiq min ahü she. Kiimaq chela rüm mong maq, miikakoi kong li she ngam rit phaq khumtlo.

DANIEL 9:19

Tatiwe lei, naishiq achu jaü tre laq. Tatiwe lei, naishiq mra diikuq laq. Tatiwe lei naishiq achu jaü tailaq. Laüta jaq ka shamkuq laq! Kra nguraü jiitiq maiqse angu wiita raq, ümniika Shiikeawe dea nguta misap wan. Naq tiihitkiq she! Ara chela arka ümchela. Kiimaq arnok arka ümsengi.”

John 16:24

Ümchaü niitaq, namshiq raq i mang na jamlai phan min jaü man shaqli. Jaürong laq, namshiq raq milap han. Krai mren, namshiq chochi kiimin, alüm alei she mima wan.

2 Corinthians 1:20

Apaiq ka Shiikeawe kiqkham ümchuwa sitlaq kra tiiku wanti “Tengto Dea” nguta tre bomtsi. Arkha miitiina, nashiq raq Jesuq Khristo mang na “Amen” nguta Shiikeawe tiishomra tiikai.

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.