DANIEL 9:19 - ASII LAKDAP Bible (BSI)

¹⁹ Tatiwe lei, naishiq achu jaü tre laq. Tatiwe lei, naishiq mra diikuq laq. Tatiwe lei naishiq achu jaü tailaq. Laüta jaq ka shamkuq laq! Kra nguraü jiitiq maiqse angu wiita raq, ümniika Shiikeawe dea nguta misap wan. Naq tiihitkiq she! Ara chela arka ümchela. Kiimaq arnok arka ümsengi.”

Hawa Naga Bible 2001

¹⁹ Taungjix lex, nuiyshiq muex tay kuq koq. Taungjix lex, nuiyshiq muex dawc kuq koq. Taungjix lex, nuiyshiq kvjaz tay vtueq tvyaungx kuq koq! Mnoz Tishox rvtoq kuex miq tek vtueq mtuiuz wvnc shueq, nauk thauk kaz! Vruex ghaqyungx nuiyc vruex miq htenc kuex mnoz rueq guimz yaq,” ngoz tueq jungx tauk.

DANIEL 9:19 Referencias Cruzadas

2 KAÜWA WERAÜ 6:21

Ngi achu jaü tiikang thun ara tailaq kiimaq ümsengi Israilnok raq ara hiqba nü na nyi raüta achu jaütlaq kra trekuq laq. Ramungtan na ümjam jong maq naishiq achu jaü ka tai laq kiimaq naishiq ngarai ka diikuq laq.

2 KAÜWA WERAÜ 6:39

tsangshiq achu jaü ka tai laq. Ramungtan na ümjam jong maq tsangshiq achu jaü ka tai laq. Laüta tiihang wan mangchan ka tsangshiq ma tiichhi kuq laq. Kiimaq ümsenginok ngarai thun ka kumli diikuq laq.

ISAIA 43:7

Tsangshiq ka isenginok shaq, kiimaq Ngi raq tsangshiq ka ikhushü tiijonglu ma phansang kang.”

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 14:9

Jam nguto ümniika maiqwe ashi tiihanghiiq maq atiihangrat ikha jam nguto jaki laü? phenla weshi ningkun ahü maiq khrum kuqlot mak ikha jam nguto jaki laü? Tengteng, Tatiwe lei, ümniika naishiq rai asi! Naishiq ka ümsenginok; naishiq ka naqbaiqthükiq.’”

JEREMIA 25:29

Ngi raq atiithenbaiq jaqsham ka ichela kriimaq miphahoha. Tsangshiq nga tsangshiq ka imo homak miili mihang wan rong i ngutiisha tiimasiq tla? Riimak, tsangshiq raq mo ka horaa dongdii. Jamkhano ngukla Ngi raq mangjong maiqse kunli ma re mitiidongha. Arka Ngi, Tati Ningkun Ajongwe raq toqtan tiikang.

EJEKIEL 20:14

Shatmaq Ngi raq tsangshiq ka tiithenbaiq mang dea. Jamkhano ngukla kra riiha jiika, maiq mung pahea raq Ngi raq Israilnok ka Ejip mung wa tsuq wan kang kra chhitinok liipan na imang ka abi mirki.

EJEKIEL 20:22

Shatmaq Ngi raq tsangshiq ka jiipbaiq wan mangdea. Jamkhano ngukla kra nguraü ka Ngi raq Israilnok ka Ejip mung wa tsuq wankang akhing na maiq pongmungti thun raq tsangshiq tsuq wan kang kra achhi. Kra ningkhan imang khoti mibiki. Kra ningkhan tsangshiq ka jiipbaiq wan mang riikang.

EJEKIEL 20:9

Shatmaq Ngi raq kra tiichhi kuq mangdea riikang. Jamkhano ngukla kra riiha jiika, imang chong shreng kra mibiki. Jamkhano ngukla tsangshiq ka maiqnok rai adam na siwanto. Tsangshiq pongnok phan makki na Ngi raq Israilnok ma tsangshiq ka Ejip mung kiiwa mung ahin na mitsuq wanha nguta tiitai chongkuq kang.

EJEKIEL 36:22

“Riita ümchaü min, Israilnok ma, Ngi, Tati Rakaü Hiqwe raq tsangshiq ma jamlai tsütsa chongke chang wa sitlaq kra chong kuqlaq: Ngi raq jamlai jaqsham wa kloho dan tiikang arka, namshiq Israilnok tiiwongke miitu riimak. Shatmaq i mang asii ara tiiwongke miitu klo tiikang. Namshiq raq i mang ka namshiq ümriibaba no siwan lan kra mung na i khushü ka tiijam wan lan.

EJEKIEL 39:25

Tati Rakaü Hiqwe raq nguto, “Shatmaq ümchaü ka Ngi Jakob saüsetiim phan, Israilnok ma tiihang mangchan she mitiichhi kuqha. Lata tsangshiq ka thongshiri hali pinthum arong awinnok ma mitiija wan nongha. Ngi raq i mang chong asii kra mitiiwong wanha.

DANIEL 9:18

Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.

AMO LUIK DVP (AMOS) 7:2

Ngi raq riisham mak maq hiq na nyiipjaq nümwan tlaq kra tiisiirai kupchi raq phaqbaiq chhikang. Kra chhilata ngi raq akha achu jaü kang: “O, Ajong Thaq Na Ajong Pinthum Tatiwe lei, Jakob raq jamkho minin? Apaiq ka aran se chaplot mak!”

WEAWEA 14:19

Riita ümchaü min, Tatiwe lei, ngi raq achu jaütiikang, ümnaq lungwii tsantsii ümtiikiimin klai kimak phan rümtlaü kriimaq mra ka diikuqlaq. Ümniiraq tsangshiq ka Ejip mung maq wawan li miiphat, ümchaü niitaq saüli jamkho diikuq wan laü kiikha diikuqlaq.”

WEAWEA 6:27

Kiimaq Tatiwe raq nguto, “Tsangshiq raq imang chong raüta Israilnok ma, ramkham ka tiibok kuq raüla, Ngi raq tsangshiq ka mishman kuqha.”

Luke 11:8

Tengtlo kriika. Shatmaq, ümniika apaiq kongtiwe kha maq, akon maq tiidoki raüta, winsii kuqro makli jiimin, ümniiraq jeasi maü maq, jaüruq jaüruq jaürat tlaü kriikha miishe, apaiq ka akon wa tiidoki raüta, ümniima jamlai phan wa ra tlaq, kriithun ka wiita milam kuq.

Acts 15:17

Krai mren, mangjong maiqse kunli ka, i wokhong niishe mirtam wan. Pongnok phan maiqse kunli, ngi raq i sengi miishe hea wankang.

Ephesians 1:12

Riita, ara miitu, nashiq raq Khristo ma kongkhu kamwan kaitibi raq, Shiikeawe khushü jonglu kra tiitsamkam rong i!

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Ephesians 3:10

Arka, ümchaü pat akhing niishetiq, phungtuti lü miishetiq, ara apaü raüta athü arwan jaqsham ara, ra na siti munglangti, rasetiim raq, kiimaq ramungtan na siti ningkun rümti winji welabi riimin, Shiikeawe anyan phaqchi jonglu kriika, atinkhan dea nya nguta, misap wan laq ngutiishe, tiichhi kuq tlo. Arka, Shiikeawe ningkun ka phanrap phanrii jaqsham maq tiichhi kuq tlaq kra, tiisap wan miitu she chongkuqtlo.