DANIEL 9:20 - ASII LAKDAP Bible (BSI)

²⁰ Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

Hawa Naga Bible 2001

²⁰ Ngaz rueq tvhttoarc vtueq vjux thoz tauk, ngvy mvrax htenc nuiyc ngvy miqsaz Israel phvnx mvrax htenc kuex kvjungc vtueq vsawc Shomc Yuimx tvhvlc guirc yek tvkoc Yehowa ngvy Tishox kox wawc vjux thoz vshaungx.

DANIEL 9:20 Referencias Cruzadas

EJRA 10:1

Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.

NEHEMIA 1:6

Tatiwe lei, ngi phanü na liilaq. Laüta ngi raq ranaiq rawa ümdisekong, Israilnok miitu achu jaü tiikang ara tailaq. Ngi raq naishiq Israilnok raq ngarai tang wan kai dea nguta mra tiidii tiikang. Kiimaq ngi nai naititiim raq, ngarai ka tang wan kai dea.

Tvtsvmc 145:18

Apaiq ka amangchongti tho na sitlo, jurwa tsangri ri maq amang chongtlaq.

Tvtsvmc 32:5

Kiijiishe ngi raq ingarai ka ümman na tiidii wan kang; ngi raq ishut iphit thun dam mang riikang. Ngi raq kriithun ka ümman na mitiidii wanha nguta thapthi wan kang, kiimaq ümniiraq ingarai thun wiita diibaiq laü.

THARC TVLUINGC 7:20

Mangjong hiq na rilung pattup jangshi min ashut klomak phan, riikhaqli jaqshamti maiqse ka jumin ahü.

ISAIA 56:7

“Ngi raq namshiq ka Jajon na, Ngi asii kin na mishea wanha. Ngi raq namshiq ma chochi jonghea ijam achujaü chang jam na mikuqha. Kiimaq namshiq raq Ngi ma berong-wacha na honglu akuq wanhan thun kra mitao wanha. I Shomjam ka mangjong maiqse tlotli miitu achu jaü chang jam ngutiishe mingu.”

ISAIA 58:9

Ümtiikiiwa namshiq raq achu jaütlan, Ngi raq namshiq achu jaü mitreha. Ümtiikiiwa namshiq raq imang chongtlan, Ngi raq namshiq bom mitreha. “Kiimaq namshiq raq maiq ji maq nishishi haihiitlan kra thaqbaiq han jiila, phan phan maiq shummii shaq shaq tiimatlan kra baiqhan jiila, lantea abi bomtsi awea kra baiqhan jiila;

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

ISAIA 65:24

Tsangshiq raq ijaq wa achu jaü tlaq kriimin milot shaq niili, Ngi raq tsangshiq achu jaü ka mitreha.

DANIEL 10:12

Kiijiishe apaiq raq nguto, “Daniel lei, naqhaikiq. Ümra ranaiq akhing miishe wa ümniika aranse ma ja laüta, phanrap saptsin wan miitu, thapthi wan laü, kra ranaiq akhing miiphat she, Shiikeawe raq ümnaq achu jaü ka trekuqto she. Ngi saükikang arka ümnaq achujaü trekai saükikang.

DANIEL 10:2

Kra akhing na ngi ka liipan tsam she makphai trok lata, aho anyi siwan kang.

DANIEL 11:45

Kiimaq apaiq raq apaiq hokham tombutiip thun jonghea ka khamjong raikii nai Shomjam haichang hiqlam liipan na mihai. Shatmaq apaiq ka re na mitsai. Apaiq khrumti maiq ka jumin ahü she miraq.”

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Romans 3:23

Maiqse angu kunli raq ngarai ka tangto. Raüta Shiikeawe raq akuq rilung khushü khuphok kriika, phok lap mak dea ngarai mong na chhan wanto.

James 3:2

Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

Revelation 21:10

Asii Wenyi raq ngi ka rom wanto. Raüta rase raq ngi ka pum ashi diiluhea langlang thaq niishe shea wanto. Apaiq raq ngi ma Asii Chela Jerusalem ka ramungtan wa Shiikeawe pha wa akai rai kra tiichhi kuqto.

Revelation 21:2

Kiimaq ngi raq Asii Chela Jerusalem anye ka junriise, awese phana ajun wakai ma tiimiikhiiq raüta kitlaq ikha, tiimii raüta Shiikeawe pha wa ramungtan maq asat kai chhikang.