TAKSU LAK 15:8 - ASII LAKDAP Bible (BSI)

⁸ Maiqshaqti raq achu jaü raüla, Tatiwe ka chochikhiq; shatmaq abi ati maiqse raq, apaiq ma honglu atakuq ka, apaiq raq saisitlo.

Hawa Naga Bible 2001

⁸ Yehowa rueq miq hvlx jix htenc vjux thoz yaq bomc kuex raungc raq yaq, yuq muinz layx bac jix htenc rueq vlvmz laq shomc nawk kuy juing htenc kuex vpiq rueq shuiuc yaq.

TAKSU LAK 15:8 Referencias Cruzadas

2 SAMUEL 15:12

Kiimaq apaiq raq honglu thun kra take lam maq, Absalom raq Gilo chela na maiq tiiwa raüta, Dawit rung na ngadamti phong wa ngowe, Ahithophel kriimin tiihea wato. Krai mren, hokhamwe tiideabaiq kha shuktlaq kriika, henghea she heng wanto. Kiimaq, Absalom rai pong wanti maiq ka pahea she pawanto.

1 HOKHVMX 3:10

Solomon raq ara jaütaq ningkhan Tatiwe ka kai khoqriiqto.

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

Tvtsvmc 17:1

Tailaq, O Tatiwe lei, ngi raq tingting phokuq laq nguta tiipaiqnea tiikang; khrum jaü hoqtiikang ara tiitsang tailaq! ngi tsan tiitsi lata achu jaütiikang ara tai kuqlaq.

TAKSU LAK 10:24

Kechu maiqse riika, jamlai wa rittlaq kra milap. Shatmaq abi maiqse riika, jamlai mo haisong tlaq kra mihum.

TAKSU LAK 15:29

Maiqshaqti raq achu jaü raüla, Tatiwe raq tretlo; shatmaq ashut maiqse achujaü ka, apaiq raq tremak.

TAKSU LAK 15:7

Taksu maiqse riika, nanok ma phaqchi wan kuqtlo. Shatmaq angiti raq riimak.

TAKSU LAK 21:27

Ashutwe raq akuq honglu ka, Tatiwe raq tao mak. Akhek ka tsan na ajiq tiima raüta, honglu akuq kra saisitlo.

TAKSU LAK 21:3

Kechu jaqsham nai riikhaqli jaqsham ka, Tatiwe ma, honglu pahea akuq thaq na ahea.

TAKSU LAK 28:9

Jurwa thungtri jin raüta sitlaq, kriiti achu jaü ka Shiikeawe raq, pinthum saisitlo.

THARC TVLUINGC 5:1

Honkamshat maq Shomjam na kilaq. Kiijiika ataikai miitu kilaq. Maiqjiqti raq ajiq alam sapmak maq honglu kuqtlaq ikha ka naqki kiq.

ASHICHONG 2:14

Ümshamhea ka haütaü ikha, Longraqkam na atiipaü nga ikha. Ümtheaphi tsomhea liipha na. Ümbom sumhea atsaisea ma, ümmaklii min tsomhea tsomhea.

ISAIA 61:8

Tatiwe raq ngutlo, “Ngi raq tingting kappe sham kra lungwiitiikang. Kiimaq Ngi raq ji maq nishishi haihü Kiimaq mat atsa kloti ka liiro mang. Ngi raq isenginok ka tsapkapkap maq poksi mikuqha Lata tsangshiq rai pattup pat-sa miitu tong mishongha.

ISAIA 66:3

“Maiqse riika maiqmii raq aroro kli klotlo. Tsangshiq ma honglu na minsaü pongwe take nai maiqse take wan ka mrenli. Tsangshiq miika skuranse honglu na take nai hikaü dangkong tiingo buk kriika adam siili. Tsangshiq miika wong-hong luke wan nai waq tiijai hongluke wan kriimin adamli. Kiimaq tsangshiq miika homseng hongluke wan nai sumla phra shomnoq ka mrensiili. Tsangshiq ka maiqphai asi klo raüta shomnoq wantlaq kriima pinthum peotlo.

JEREMIA 6:20

Tsangshiq raq Sheba mung wa homseng lam wan raüta honglu na chaqtlaq kra ngi ma jamlai liip wa? Riimakla pongmung luhea wa süsetapan homhea phan lam wan raüta honglu na chaqtlaq kra ngi ma jamlai liip wa? Tsangshiq raq ngi ma honglu kuq wantlaq kra ngi raq tao mang. Kiimaq tsangshiq raq ngi ma nyamse honglu takuq wan tlaq kra miitu min ngi ka shümü mang.

DANIEL 9:23

Ümtiikiiwa ümniiraq Shiikeawe ma tiipaiq nea wan laü, apaiq raq ümnaq achu jaü ka treto. Apaiq raq ümnaq lungwiitlo. Kra ningkhan ngi ka ümniipha na kra bomtre liichum kra chongkekai saükikang. Riita ümchaü min riisham bomtsi liichum kra chongpha samhea tiitsang tailaq.

LEWI 7:18

Kiimaq ranaiqtsam ngoja na kra ngam bung kla phaqsiq raüla, Shiikeawe raq kriiwe honglu ka tao mak she miraq. Kra honglu ka apaiq raq kuqto nguta weamak she miraq. Shatmaq kriika ashe miishe mijaki. Krai mren jurwa kra phaqtlaq, kriiti raq mra miho. Raüta chamchao mirhum.

Mikha 6:6

Ngi raq ramungtan Tati Shiikeawe man na, jamlai wa mikuq wanha? apaiq shomnoq wa watiikang na? Ahea pinthum minsaüsetiim honglu wa na chaq ma, kuq wan latiishea miwaha?

Mikha 6:7

Tatiwe ma skulise hingshi, riimakla, Olip tai ka khamkai ikha miishea mishreng? Ngi ngarai dokda miitu Ise chhikhuwe kriisha mikuqha?

HAGAI 2:14

Kiijiishe, “Akhiisii hali, armungti raq, kiimaq tsangshiq raq wak ajam wa atsi ango, kiimaq tsangshiq raq ümchuwa honglu berong-wacha na kuq tlaq thun ka ashe siisaq nguta Tatiwe raq ngutlo,” nguta Hagai raq tsangshiq ma chongto,

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

John 4:24

Shiikeawe ka Wenyi kiimaq tengteng. Krai mren, maiqse raq apaiq ka, apaiq Wenyi maq, apaiq raq maiqse jaq wa, jamkha shomnoq wa lungwii tlaq, kra phan phan li apaiq ka shomnoq chang.”