JEPHANIA 1:5 - ASII LAKDAP Bible (BSI)

⁵ Ngi raq wukhu na wa raüta, jurwa rashe, jipi, raiqsaiq thun kra, noqti ka wiita mitsat baiqha. Kiimaq imang chong raüta ngi shomnoqti, kiimaq iwokhong na siti nguta tiitumtati, shatmaq Molekh phra mang na, tumkham nyangti ka, wiita mishthenbaiqha.

Hawa Naga Bible 2001

⁵ Ukhaq muinz miqmac yuimx wux khux htauk nuex duiz vtueq shalx, yapix nuiyc ruiysuiyq htenc nawk palx jix kuex ngaz rueq tvbac gay shaungx. Ngaz muex nawk palx vtueq tvmtuing httax taungx ngoz tueq kvtuemc tvy jix htenc kuex ngvy kox wawc dawk wvnc vtueq Molek tishox muingc maq kvtuemc jix htenc kuex ngaz rueq tvbac gay shaungx.

JEPHANIA 1:5 Referencias Cruzadas

1 HOKHVMX 11:33

Ngi raq akha klo wantiikang arka, Solomon raq Ngi ka shishe baiq wanto. Raüta pongmungti phrakong kra shomnoq wanto kriikha arthun ara klo wantiikang. Apaiq raq Sidon mungwa jechak phrakaü Astarte; Mob mung wa phrakaü Kemosh; Ammon mung wa phrakaü Molekh thun kra shomnoqto. Kiimaq Solomon raq ikiq khü wanto. Raüta ashut klo wanto. Raüta awe Dawit raq ngi tri raütu thun nai aming thun jamkho lang wantaq kiikha apaiq raq lang wan mak riito.

1 HOKHVMX 11:5

Apaiq raq Sidon mungti phra jechak nyung Astarte kra shomnoq wanto. Kiimaq Ammon mungti phra kaü maiqphai asi Molekh phra kriimin shomnoqto.

1 HOKHVMX 18:21

Kiimaq Elija ka mungmaiqse tho na wato. Raüta akha nguto, “Riita namshiq raq ara tiima anai ka ümtincho na saüli wa mithühan? Tatiwe kiidea Shiikeawe jiika apaiq kli shomnoq ronglaq; kiimaq Baal kiidea Shiikeawe jiika, apaiq kli shomnoq ronglaq!” Shatmaq maiq thun riika poshi min bom mak riito.

2 HOKHVMX 17:32

Riita arnok thun riika Tatiwe kiimin shomnoq wanto. Shatmaq tsangshiqnok phong wa maiq ka phanrap phanrii maiq wa tsea raüta kra thatsang maiqse phra kong thun noqchang hiqlam na jamthun kriijaq ramwebi miitu shong wanto. Raüta tsangshiq miitu Tatiwe ma honglu takuq wanto.

2 HOKHVMX 17:33

Akha tsangshiq raq Tatiwe ka shomnoq wanto. Kiimaq tsangshiqnok sumla phra kong thun kriimin tsangshiq kitaq kra mung na jamkho shomnoq tlaq kra phan phan maiqmiimii mung thungtri maq shomnoq wanto.

2 HOKHVMX 17:41

Krai mren tsangshiq riika siimko maq Tatiwe kra shomnoqtlo. Shatmaq siimko miika tsangshiqnok sumla phra thun kiimin shomnoqtlo. Krai mren, ümchaü niitaq tsangsaü tsangsetiim riimin kriithun kra shomnoq raütli sitlo.

2 HOKHVMX 23:12

Kiimaq Hokhamwe Josia raq Juda mung hokhambi raq Hokhamwe Ahaj hokham jam wukhu wuthung na berong-wacha thun ahai thun ka, Hokhamwe Manase raq Shomjam wang mong rinkea banairi na berong-wacha phong haitaq thun kriirai adam na wiita runbaiqto. Apaiq raq kra berong-wacha thun ka bunlak buncha tiibun baiqto. Raüta apun awun thun ka Kidron raise tan na wiita wanbaiqto.

ISAIA 22:1

Arka Riisham bomchong chang hiqthung Tan tsütsa. Jamlai wa trang kongchatla? Kra chelati mungmaiqse ka tsangshiq kiitelong jam wukhu thung na thungtii raüta jamlai poi wa klorattla?

ISAIA 44:5

“Ashishi maq, maiq raq akha mingu, ‘Ngi ka Tatiwe rii.’ Tsangshiq ka waraüta Israilnok rai mipong wan. Maiq loweatek raq ajaq phum na Tatiwe mang mikhat thü, raüta apaiq kiimin Shiikeawe sengi weshi nguta mitiichong.”

ISAIA 45:23

Ikiq kham ka tengteng, kriika klai mak phan. Ngi raq iramkok sham lata sinkham tiikang; Maiqse loweatek ngi phana miwa raüta ikhaki na kaütsrong na mibum, raüta iwokhong na misiha nguta sin mikham.

ISAIA 48:1

Ara taironglaq, Israilnok lei, Namshiq Juda saüsetiim raq: Namshiq raq Tatiwe mang chong lantea tiitumtlan; kiimaq Israilnok Shiikeawe ka shomnoqtiikai nguta tiitsakitlan. Shatmaq namnübok maq bomtlan ka rakhütsiri miili bomtlan.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

JEREMIA 49:1

Tati Ningkun Ajongwe raq Ammon mung miitu akha nguto; “Israilnok maiqwere kong ka ümbano? Tsangmung kra khebomti maiq ka jumin ahüshe sha? Molekh phra kaü shomnoqtinok ma Gad wang kra jam nguto tiijii wanta. Kiimaq tsangshiq kiijaq jam nguto tiisi tla?

JEREMIA 5:2

Namshiq riika Tatiwe shomnoq tiikai nguta tiima tlan, shatmaq namnii maq jamlai wa ngutlan kriika tsan mong maq abom riimak.

JEREMIA 5:7

Tatiwe raq waito, “Ngi raq isenginok ngarai ka jam nguto midiikuqha? Tsangshiq raq ngi miimbaiqto. Raüta phra thun, riikhaqli tisho riimak kra shomnoq wanto. Ngi raq isenginok ka wok phetaktak dunghiq wan kang. Shatmaq tsangshiq raq sethoq ngarai tangto. Raüta tsangshiq akhing ka mephe nyungre rai siwanto.

JEREMIA 7:10

Namshiq raq arthun ashut jaqsham wantlan. Arthun arka ngi raq kai saisi tiikang. Arthun ara klowan lot lantiishe, namshiq ka imakki na i Shomjam na walanta chap wa tlan. Lantea, ‘Naishiq ka hansang!’ nguta bomtlan.

JEREMIA 7:9

Namshiq ka ahuk jatlan, maiq tsat lantea matwe ma jatlan, maiqchak rai sraki tlan, rung maq atiitum lantea arot chongtlan, Baal phra ma nyamse honglu takuqtlan, kiimaq namshiq raq man na sap wan man phra thun kra shomnoqtlan.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

AMO LUIK DVP (AMOS) 5:26

Shatmaq ümchaü san, namshiq raq hokham Sakkuth phra sumla nai raiqsaiq phra Kaiwan sumla kriishe shomnoq wan lan. Arningkhan namshiq phra sumla thun ka howan lanta,

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Acts 10:9

Kiimaq anap ranaiq niishe, tsangtsam ka Joppa chela na saüho nam nam she riito. Kra bala ka ranaiq shethung shekham bala. Kra akhing na Petar ka achu jaü wa wukhu na ngawato.

Romans 14:11

Arka, Asii bomtsi na Shiikeawe raq chongtlaq kra phan phan mihong tha wan. Asii bomtsi na akha chongtlo: “Ngi ka pattup atra sitiwe Tati. Ngi raq chongtiikang arka tengteng poimak phan. Maiqse angu tarü raq i jichong na bum raüta, ngi mishomnoq wan. Kiimaq maiq phan aweatek raq, ngi ardea Shiikeawe nguta, chiiriim raüta mitsaki wan.”

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 4:19

Namshiq mak maq jamlai phan wa chhiha tlan, rashe kaü, jipi kaü, kiimaq raiqsaiq phong kra shomnoq maimak. Tatiwe namshiq Shiikeawe raq arthun arka maiq phan ahin thun raq mishom noq laq nguta tsangshiq ma kuqto.

JOSHUA 23:7

Kiimahali, namshiqnok phong na tsangshiqnok abung tiichongkitaq kra rai, adam na shongnga maimak, kiimaq tsangshiqnok phra kong kra mang chong lanta sinkiitiq bomkham maimak, kiimaq kra phra thun ka shomnoq raamak, riimakla tsangshiq khaki na anoq bumkai maimak.