JEPHANIA 1:6 - ASII LAKDAP Bible (BSI)

⁶ Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

Hawa Naga Bible 2001

⁶ Ngvy yix nuex phvnx muq maq kvroz kay wvnc jix htenc nuiyc ngvy kox nuex kvnvp muq, ngaz rueq shunshvlc tvkoc thoz muq jix htenc kuex ngaz rueq tvbac gay shaungx,” ngoz tueq jungx tueq.

JEPHANIA 1:6 Referencias Cruzadas

2 SAMUEL 22:22

Ngi raq Tatiwe tri lang tiikang; ngi ka i Shiikeawe wokhong wa, ahin na juho mang.

2 KAÜWA WERAÜ 15:13

Maiq ashi ra nose lo, nyungwe lo, maiqwe lo jechak lo, jurwa Tatiwe ka shomnoq mak riijiiq, kriiti ka atsa baiq raa.

Tvtsvmc 10:4

Abiwe riika Tatiwe ka shümü mak; ashkong tsi ma atsan na Shiikeawe ngori shea nguta tiimatlo.

Tvtsvmc 125:5

Shatmaq ümtiikiiwa ümniiraq abi maiqse ma mo tiihotlaü, ümlam phan miimbaiqtibi kra miimin mo tiiholaq. Israilnok ma hansang mirlaq!

Tvtsvmc 36:3

Apaiq raq bom abi kiimaq arot akiqli chongtlo; apaiq raq athuk atsom nai ahea awa jaqsham ka shammak she.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 43:22

Tatiwe raq ngutlo, “Shatmaq ümniika iwokhong na si angiishe, Israil lei; ümniiraq Ngi ka shomnoq maü she riilaü.

ISAIA 9:12

Siria mungti raq shedong nü maq kiimaq Philistain mungti raq shenyap nü maq Israilnok phaq wan miitu tsangnü tiikiraq khetlo. Kiitinkhan taü maq dongdii min, Tati tsankhiq ka mishi shaqli. Apaiq jaq ka tsangshiq khuthaq na tiinyishatli, tsangshiq ma mo tiihoke miitu.

ISAIA 9:13

Ajong Pinthum Tati raq Israilnok ka tsatto. Shatmaq tsangshiq mra ka tiidiimak dea. Tsangshiq ka apaiq wokhong na jang wan mak dea.

JEREMIA 10:25

Ümtsankhiq ka pongmungti thun ümnaq shomnoq makti thaq na raübaiqlaq. Kiimaq ümnaq shishetinok khuthaq na raükuqlaq. Tsangshiq raq ümsenginok tsatbaiqto; Tsangshiq raq naishiq tiinamtok tiithenbaiqto, raüta naimung ka botkhulai rai shotbaiqto.

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 3:10

Riita ija, arthun ngarai ara tang wan jai she, Juda, Israil ma anyino nyung sethoq nyung ka iwokhong niishe nyap wan nongtiikang nguta tiimanhiito. Shatmaq apaiq raq atsantsii kuq raütiika riimak. Arka, Ngi Tatiwe raq ngutiikang.”

EJEKIEL 3:20

“Kiimahali maiqshaqti ashi raq abi kloho khana, Ngi raq apaiq ka tsailam maakho tho na miraq, kiimaq ümniiraq apaiq ma hon chongkuq maü kha maq apaiq ka maiqmii ngarai khana mitsai. Raüla apaiq raq ümchuwa kechu jaqshamtaq kriika Ngi raq tsan na thümangshe. Kiimaq apaiq tsaitaq mat kha ka ümkhu thaq na mitiideaha.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 7:10

Israilnok maiqmii shiikong ka tsangshiq tiideabaiqti, ümtinkhan wa sintsang tiisaüto, shatmaq tsangshiq ka, Tatiwe jaqkhong na jang wan mak sitlo.

Hosea 7:7

Raüta tsanghokham ka tsatbaiqtlo. Tsang hokham thun weshi shi maq tsatbaiq wanto. Shatmaq jurmin ijaq wa achu wan mak riitlo,” nguta Tatiwe raq ngutlo.

JEPHANIA 3:2

Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

Romans 3:11

Jumin maiqshaq nguta ahü; jurmin Shiikeawe ka shomnoq mak.

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

JOSHUA 23:12

Shatmaq namshiq ka Tatiwe wokhong na phaqchii nichii maq shonga man riihan la kiimaq namshiq rai pongnok phan maiqse tiichong kitaq thun krai, namshiq ka adam na riishot riishaq sihanla, lanta tsangshiqnok rai sikhe sirü riija hanla,

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.