JEPHANIA 1:7 - ASII LAKDAP Bible (BSI)

⁷ Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.

Hawa Naga Bible 2001

⁷ Yehowa kuex ngaungc vtueq phoc muex raungnuiyq vnyek shex; kvkhoc rvtueq vpiq khaungkac nuex suinglix lix maq httax wuez kuinz. Yehowa rueq vpiq miqsaz htenc kuex shomc nawk kuy tvkoc moalx tvhungx ruiux Yuda mungx kuex nyvlc wvnc tvkoc ralx htenc kuex gvl taq shec tueq.

JEPHANIA 1:7 Referencias Cruzadas

YOBA 24:1

Shiikeawe raq jam nguto khapho ranaiq akhing tiihong mak, apaiq shiikumpantibi kha ka tingting maq phoke chang kata?

Tvtsvmc 46:10

“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”

ISAIA 13:3

Tati raq asengi phenlabi ngi ngulichhaq kiimaq srea nolabi thun ka asii rekhat miitu riichom heato apaiq tsan tiikhiqtinok kiima amo tiiho miitu.

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 29:2

Kra raütiitiq Shiikeawe raq “Shiikeawe berong-wacha” ngutlaq kriishe laimiq mitiithen baiq. Kiijaq maiq ka agi asii aho anyi watrangli she miraq. Kiimaq chela tlotli ka berong-wacha ikha maiq tiijai phongli she miraq.

ISAIA 34:5

Tatiwe raq anep jasaikaü ka ramungtan maq tiije thüto she. Kiimaq ümchaü sanha kriiraq Edom mung ka mijiipbaiq. Maiq thun ümchuwa apaiq raq tiishutbaiqtaq thun kra mijiipbaiq.

ISAIA 34:6

Anep jasai ka tsangshiq tiijai raq nai tsangpü raq mijop wan. Skusekong tiijai nai apü da kiimaq chhechhi kong honglu na ataakuq tiijai nai ngampü raq joptlaq ikha mijop. Tatiwe raq ara honglu thun arka Bojra chela na mitaakuq wan. Ara maiqjiip baiq wan jonghea arka Edom mung maq mitaa kuq wan.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

JEREMIA 46:10

Arka Tati Rakaü Hiqwe Ningkun Ajongwe ranaiq; ümchaü ranaiq apaiq raq phuk milam; ümchaü ranaiq apaiq raq ajaqtinok ma mo mitiiho. Apaiq nepja raq tsangshiq ka awok mipheshaq wiiwii mibak phaq, raüta tsan miheashaq wiiwii tsang tiijai ka minyang. Ümchaü ranaiq Ningkun Ajongwe raq ajaqti thun honglu na takuqtlo, shekhu nü na Euphretis rai maq.

EJEKIEL 7:10

Israilnok ma athen wan rahiq ka saü wanto she. Riitsea riita kiimung riili she ma wanto. Shiikong tsii kriika ratsan ramong nyang niishe saü wanto.

EJEKIEL 7:7

Namshiq nam mung na siti ma athum wan rahiq she saü wanto. Namshiq raq pum na shomnoq chang hiqba thun na poi klotlan kra akhing ka thum wanto she. Ümchaü ka mang rang miirali she mirhan.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

AMO LUIK DVP (AMOS) 6:10

Kra maiqta jiimtaq kra, kra maa saiqsamti tanyang seno weshi ra raq maiq maa kra kinphai na mipiho. Raüta kriiwe raq jamtati weshi ra atiichong kriima, “Tap nyang na ümniirai weshi ra asi shea?” nguta miwai. Raüla maiq ashi raq, “Ahü!” nguta mitre. Kra nguraüla, tanyang senowe kriiraq, “Naqbomkiq! Nashiq ka pinthum tiihaishat riichang. Tatiwe mang chong ka maimak,” nguta bom ka mitre.

AMO LUIK DVP (AMOS) 8:3

Kra akhing na hokham jam na, ashi ange wa trang ka, maaho manyi trang miishe mijaki. Maiqmaa phong li barap binrii na miraq. Kaiqshak shak maq amaa thun ka mipibaiq!” nguta Tatiwe raq chongtlo.

HABAKUK 2:20

Shatmaq Tatiwe ka, asii shomjam na sitlo. Mangjong maiqse tlotli, apaiq man na sanglili sirong laq.

JEPHANIA 1:14

Tatiwe ranaiq jonghea ka ajeli she, napto she, aje niishe jaqlolo she saü wantlo! Kra ranaiq ka khaphea ranaiq miraq, srea nolajongbi kiimin, aho anyi riichanchan jamkha ijasiq miraq!

JEKERIA 14:1

Liirong laq, Tatiwe raq phangthum khapho akhing ka saü wanto she. Kra akhing na Jerusalem wa tsiiq nai nyam tum ka re raq sepat lopi ma mitsuq wan. Raüta namshiq makki na sepat lopi ka tsangshiq liipan na mirphea phaq.

JEKERIA 2:13

Tatiwe man na, tarü, sangli miishe sirong laq. Liirong laq, apaiq ka apaiq sichang asii jam miishe saühotlo.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

Matthew 22:4

Kriikha miishe apaiq raq ajaqshisetiim ahinti kra hali tiiki nong raüta, wanwe ka akha tiichong kinongto: ‘Shamhea shamjü kumchipo ikha alüsea chang minsaü pong we thun min atawi she. Tashong ka ümchaü jato she. Kherüsea poi lomwa dam warong riishe!’

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

Romans 9:20

Shatmaq, i phuno we, riita, ümniika ju wiita, Shiikeawe kiq kra khü wan miika? Hamtak ashi riika, apaiq tiiq lowanti we kiima, “Ümniiraq ngi arka, akha jam nguto tiiq laü?” nguta bom ka wai mak.

Philippians 4:5

Nanok wiitarü rai, sobsob bombom maq sironglaq. Tatiwe ka saüho tlo she.

1 SAMUEL 16:5

“Üm,” nguta apaiq raq treto. “Ngi ka Tatiwe ma honglu kekai nguta kikang. Namshiq khum ka tiisii ronglaq. Lanta ngi rai adam na wa rong ra.” Kiimaq apaiq raq Jesi nai asetiim thun miimin tsangshiq khum ka tiisii rong laq nguta chongto. Raüta apaiq raq tsangshiq ka honglu takuq tlaq kra lomwadam rongkiq nguta tiiheato.

1 SAMUEL 20:26

Shatmaq Saul raq kra ranaiq ka jammin ngumak kaiqshak li riito. Jamkhano ngukla, apaiq raq, “Apaiq arka ashut. Sho na lum na akaihowi she sham,” nguta tiimato.