DUNGWVNC 8:22 - ASII LAKDAP Bible (BSI) Shatmaq Ngi raq isenginok shongchang Goshen wang ka atiiwong mirha, she ka tlong mang. Ngi raq akha klotiikang arka, ümniiraq, Ngi Tatiwe riidea armung na jaq shamtiikang arka nguta misap haü. Hawa Naga Bible 2001 Yuq muinz ngvy miqsaz htenc httax yaq Goshen hong kuex ngaz rueq tvjungx tvy shec ningkhvnc nuex kvruex yuq nyoarbawx vguez. Ngaz, Yehowa kuex vruex mungtan nuex httax vtaungx kuex mnoz rueq tuiuz tvkoc ngaz rueq vkhoc ruez shaungx. |
apaiq ma riikhaqli, namtitiim raq nyamse rüm raüta sitaq kiikha namshiq kiimin nyamse rüm lanta siti nguta chong rong laq. Akha chong hanla, apaiq raq namshiq ka ara Goshen wang arjaq mitiishong.” Joseph raq akha chongkuqtaq arka, Ejip mungti raq sku rümtinok ka rosi mak kha maq chong kuqto.
Tatiwe raq Jajon chela maq ümhokham ningkun ka mitiijong. “Ümjaqtinok thun ka penglaq,” nguta apaiq raq ngutlo.
Shatmaq ümniika aphaji miiphü naishiq hokhamwe riilaü, O Shiikeawe lei; ümniiraq naishiq ka jang pahea tiichhiikuq laü ihata.
Kiimaq Ejipnok liipan na weshi raq weshi ka chhilot mak riito. Kiimaq kra bala maiq jurmin maiqmii jam wa kinphai na dong mak riito. Shatmaq Israilnok shongchang wang niika rawüli ahea wiq riito.
Kilamchong pumpat na ngam tiijai nyattlan kriika namshiq sitlan jam thun ka pong na araibaiq miithii shong miraq. Krai mren ümtiikiiwa Ngi raq ngam tiijai ka michhiha, Ngi raq namshiq jam thun ka alea mirwanha. Kiimaq Ejip mungti tsat baiq wan tiikang na, Ngi raq namshiq ka tsat mang mitiihangha.
Riita ümchaü min, namshiq raq ibom ara tai lanta itongshong wokhong na sihan jiila, namshiq ka isenginok shaq ma mijahan. Mangjong hiq tlotli ka Ngi rii dongdii. Shatmaq namshiq ka Ngi raq tingsang atsea arwanha isenginok ma mijahan.
Ratrok na saüli Ngi, Tatiwe raq, mangjong hiq ara, ra ara, kiimaq khamjong chum kra kiimaq arthun na siti phanrap sitlaq kra phansang kang. Shatmaq ramiishi ngo ranaiq na Ngi ka niitiitsak ahai riikang. Kra ningkhan na, Ngi, Tatiwe raq Asii Niitiitsak Ranaiq ka shiiman kuq kang. Lata kra ranaiq ka asii tiijakang.
Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki.
Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”
Kiijiishe hokhamwe raq treto, “Ngi miitu anap jaükuqlaq.” Mosheq raq treto, “Ümniiraq chongtlaü kra phan phan ngi raq achu mijaü kuq kang. Kiijiishetiq ümniiraq, Tatiwe, naishiq Shiikeawe khan ka shiikea ahin ahü nguta misap haü.
Ngi raq ümniima honlam chongtiikang, ümniiraq ningtang haüla, Ngi raq she tlong lata ümnaq, ümsengi along alabi thun, ümsengi mungmaiqse ma mo mitiihoha. Ejip mungti jam thun ka she long raq ama miraq kiimaq hiq raikhü kiimin she long raq wiita mima wan.
Ngi raq isenginok nai ümsenginok liipan na atrai lata pong na mitsea tsiiqha. Ara awang chang jaqsham arka anap ranai midong.’”
Kiijiishe Mosheq raq apaiq ma akha nguto, “Ngi ka ara chela mong wa kinphai na dongho rili, ngi raq ijaq ka ra na dolata Tatiwe jaq wa achu mijaüha. Kiimaq rathaiq trang ka atsaq mirki. Kiimaq tsak-hiiq ka rokmak she miraq. Krai mren ümniiraq ara mangjong hiq arka Tatiwe rii dea nguta misap haü.
Shatmaq Ngi raq Israilnok nyamse kong nai Ejipnok nyamse kong liipan na arai mirha, lata Israilnok nyamse kong wiika ashi ra min tiitsai mang mirha.
Kriimaq napjai angu na, Tatiwe raq apaiq raq ngutaq kra phan phan jaq ka shamto. Krai mren Ejipnok nyamse thun ka kunli tsaito. Shatmaq Israilnok nyamsekong wiika ashi ra dongdii min tsaimak.
Ümtiikiiwa Ngi raq Ejip mung ma mo ka akha mitiihoha, kiijiishetiq tsangshiq raq Ngi ardea Tatiwe nguta misap wan.”
Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.