DUNGWVNC 19:5 - ASII LAKDAP Bible (BSI)

⁵ Riita ümchaü min, namshiq raq ibom ara tai lanta itongshong wokhong na sihan jiila, namshiq ka isenginok shaq ma mijahan. Mangjong hiq tlotli ka Ngi rii dongdii. Shatmaq namshiq ka Ngi raq tingsang atsea arwanha isenginok ma mijahan.

Hawa Naga Bible 2001

⁵ Nuimshiq rueq ngvy kvjaz tay vtueq, ngvy bomkhvrc kuex phvnx ruiux lec ngvy miqsaz shauk muex yaungx tuinx. Ghaq lotlaz ngaz rueq guimz vshaungx, yuq muinz nuimshiq kuex ngaz rueq vthvl wvnc miqsaz yaungx tuinx,

DUNGWVNC 19:5 Referencias Cruzadas

RAPHA HIQWA LAK 17:9

Shiikeawe raq Abraham nguto, “Ümniiraq min Ngi raq tongshong bomtsi kha tiikang arka milangha nguta kiq ri ratlo, arka ümnaq nai rawiichii na ümlai ümla phan thun riimin lang ratlo.

1 HOKHVMX 8:53

Ümniiraq tsangshiq ka mangjong maiqse maiq phan pahea phong kriiwa, ümsenginok miitu tsangshiq ka tingsang tiitsang dada tseatsiiq wan laü. Arka man na ümniiraq naititiim pat na tsangshiq ka Ejip mung wa tsuq wan laü akhing na ümjaqshise Mosheq lümaq chongkuq wan laü ihata.”

1 KAÜWA WERAÜ 17:22

Ümniiraq Israilnok ka pattup pat-sa miitu ümsenginok ma atiija wan kun she. Kiimaq, Tatiwe lei, ümniika tsangshiq Shiikeawe miishe jawan laü.

YOBA 41:11

Apaiq ka juro mitsat khamlot raüta atra misilot? Apaiq tsealotti ka mangjong hiq na maiq ahü.

YOBA 41:3

Diibaiqlaq nguta ümman na apaiq ka mitiipaiqnea shea? Tiihangkuq laq nguta ümman na mihoqsii shea?

Tvtsvmc 135:4

Apaiq raq Jakob ka apaiq rii nguta tseato, Israilnok ka apaiq rii nguta tseato.

Tvtsvmc 24:1

Mangjonghiq nai kiijaq ümchuwa sitlaq kriika Tatiwe rii; hiqraikhü kiimaq kriithaq na jamlai wa sitlaq kriika apaiq rii.

Tvtsvmc 25:10

Apaiq tongshong tri wokhong na sitibi nai apaiq aming thun langtibi ka tsapsaü kapse nai lungwii tsantsii maq shunsheatlo.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

DUNGWVNC 23:22

Shatmaq ümniiraq apaiq bom tai haüla, laüta Ngi raq aming kuqkang thun kra phan phan klo haüla, Ngi raq ümjaqtinok thun ka wiita mikhat kuqha.

DUNGWVNC 24:7

Kra raütiishe apaiq raq tongshong lakdam kra lamto. Kiijaq Tatiwe aming thun awaiq thü asi riito. Kiimaq kra mungmaiqse ma tiihong raüta phat kuqto. Tsangshiq raq nguto, “Naishiq raq Tatiwe bom mitai hai. Kiimaq apaiq raq aming tattaq kra phan phan miklohai.”

DUNGWVNC 34:9

Apaiq raq nguto, “Tatiwe, ümniika ngohea shaq shaq ngi ma khoqriiq tlaü jiila, ngi raq ümniika naishiq rai adam na wa i nguta tiipaiqnea tiikang. Arnok arka nilan wanshak shak nok. Shatmaq naishiq abi kiimung nai ngarai ka adii riikuqlaq. Kiimaq naishiq ka ümsenginok shaq ma rümshat riilaq.”

DUNGWVNC 6:7

Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.

DUNGWVNC 8:22

Shatmaq Ngi raq isenginok shongchang Goshen wang ka atiiwong mirha, she ka tlong mang. Ngi raq akha klotiikang arka, ümniiraq, Ngi Tatiwe riidea armung na jaq shamtiikang arka nguta misap haü.

DUNGWVNC 9:29

Kiijiishe Mosheq raq apaiq ma akha nguto, “Ngi ka ara chela mong wa kinphai na dongho rili, ngi raq ijaq ka ra na dolata Tatiwe jaq wa achu mijaüha. Kiimaq rathaiq trang ka atsaq mirki. Kiimaq tsak-hiiq ka rokmak she miraq. Krai mren ümniiraq ara mangjong hiq arka Tatiwe rii dea nguta misap haü.

ASHICHONG 8:12

Solomon lei hingshi ka ümrii, kiimaq shinai ka ningchangti rii, Ara spiqro ka ngi rii!

ISAIA 1:19

Ümniiraq Ngi ibom tai laüta iwokhong na sihaüla, armung na hiqraikhü na ahea awa phan ümchu wa dongman wantlaq thun kra wok phetaktak she miphaqsiq wan haü.

ISAIA 41:8

“Shatmaq ijaqshise, Israil ümniika, namshiq ka Ngi raq atsea arwanha isenginok, ikongtiwe Abraham saüsetiim.

ISAIA 43:1

Israil lei, Tatiwe üm phansangtiwe raq akha ngutlo, “Naqhaikiq, Ngi raq ümnaq mitiichhii kang. Ngi raq ümniika üm mang chong lata heawan kang, ümniika Ngi rii.

ISAIA 56:4

Tatiwe raq akhiiti ma ngutlo, “Ümniiraq Asii Niitiitsak ranaiq ka tri riikhaqli maq lang laüta, Ngi shreng haüla, kiimaq Ngi ma itsan tiihea chang jaq kra sham haüla kiimaq Ngi tongshong tri ka khaqkhaq lang haüla,

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

JEREMIA 13:11

Ara patulong thun jamkho maiq chhüpii na phataqtaq khaptlii tiinap samtiikai, kiikhiisii hali ngi raq Israil mungti nai Juda amungti ka ngi rai riipom tlii maq ngi rai napshnap maq tiisi wan lungwii tiikang. Ngi raq akha klowan kang arka tsangshiq ka isenginok ma mija wanlaq. Kiimaq raüta tsangshiq raq imang mitiitsamlaq kiimaq ikhushü mitiijonglaq nguta tsangshiq ka tsea wan kang. Shatmaq tsangshiq raq ibomchong ka taimak riito.”

JEREMIA 7:23

Shatmaq ngi raq tsangshiq ma ibom tai raüta iwokhong na siraa nguta aming kuqkang. Krai mren ngi ka tsangshiq Shiikeawe miraq. Kiimaq tsangshiq ka isengi miraq. Kiimaq tsangshiq ka ngi raq jamkho aming kuq tiikang kraphan phan siwan ronglaq. Raüla tsangshiq ma rilung na phanrap ka aheawiq miraq nguta chongkuq kang.

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

LEWI 20:24

Shatmaq Ngi raq ara hiqpo hiqwin mung arka namshiq ma tachong hupsam miitu mikuqha nguta kiqkham kuq wan kang she. Krai mren Ngi raq namshiq ma mikuqha. Ngi ka Tatiwe namshiq Shiikeawe. Kiimaq Ngi raq namshiq ka maiq mung ahinti thun phong wa pong na arai latiishe tseatsiiq wan kang.

AMO LUIK DVP (AMOS) 3:2

Apaiq raq akha ngutlo: “Ara mangjong hiq raikhü na mangjong maiqse ümchuwa sitlaq krii phong wa, namshiq lamlam kli ngi raq isengi ma nguta lungwii tsantsii maq tsea wan kang. Lata tiichhanchhi wan kang. Ngi raq namshiq ka atinkhan tiichhanchhi wan phata khoti, namshiq raq ibom chong tai man maq, ngarai tang wan lan, kriikha na, ümchaü san, ngi raq namshiq kha ka phowan chang dongdii,” nguta Tatiwe raq ngutlo.

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

MALAKI 3:17

“Tsangshiq ka isengi miraq,” nguta Tati Ningkun Ajong Pinthumwe raq ngutlo. “Ngi raq ümra ranaiq wa kha pho wan tiikang, tsangshiq ka ise inoshaq miishe mija wan. Ngi raq tsangshiq ka, awe bomtaiti ase jamkho awe raq mangchan tlaq, ikhiishe mimangchan ha.

1 Corinthians 10:26

Asii bomtsi na, “Ara mangjong hiq ara, kiimaq ra takiq na ümchuwa diim tlaq kriika Tatiwe rii siisaq,” nguta chongtlo.

1 Corinthians 10:28

Shatmaq maiq ashi ra raq ümniima, “Arka thatsang ngam jo,” nguta chongkuq haü jiila, ümniiriimin kra chongketi we tiima tsantsii na jamlai wa tiisat tlaq, kra miitu, ümniiraq kra ngam ka naqphaq kiq.

TRI CHONGKE 10:14

Ratsan ramong nyang na ramungtan thun kriimin Tatiwe riili sitlo. Mangjong hiq armin apaiq riili. Kiimaq hiq raikhü na ümchuwa sitlaq kriimin apaiq rii siisaq.

TRI CHONGKE 11:27

Ümchaü ranaiq ngi raq Tatiwe namshiq Shiikeawe aming thun kuqtiikang kra wokhong na sihanla achu shiiman milap han.

TRI CHONGKE 14:2

Namshiq ka Tatiwe namshiq Shiikeawe rii. Apaiq raq namshiq ka mangjong hiq raikhü na maiq phan ümchuwa sitlaq kra phong wa namshiq ka asengi ma nguta tsea wanto.

TRI CHONGKE 14:21

“Apaiq tsaitsai atsaiki ka jamlai ngam li jiimin aphaq maimak. Pong mungti namshiq rai sitlaq kra miika tiiphaq sea mimai. Riimakla namshiq pong mungti maiq phan ma shaphaq kla mimai. Shatmaq ümniika Tatiwe üm Shiikeawe rii. Namshiq ka apaiq sengi. “Sku se ngam riimakla chhechhi se ngam ka akaü nyakpü na naq lum phaqkiq.

TRI CHONGKE 26:18

Ümchaü ranaiq Tatiwe raq ümniika apaiq raq kiq kham kuqtaq kra phan phan asenginok she nguta, awura maq tiiham wanto. Kiimaq apaiq raq ümnii ma apaiq tri raütu thun ka kun kun langlaq nguta aming kuqtlo.

TRI CHONGKE 26:19

Apaiq raq ümchuwa maiq mung thun phansang wantaq kra thaq na, ümniika ajong pinthum mung miishe mitiija wan. Kiimaq ümniiraq apaiq tiitsam kam kiimaq apaiq mang shreng manto ka jonghea mikuq wan haü. Ümniika apaiq raq kiq kham kuqtaq kra phan phan asengi miishe mija wan haü.”

TRI CHONGKE 28:1

Mosheq raq mungmaiqse ma nguto, “Kiimaq ümchaü ranaiq ngi raq ümniima kuqtiikang Tatiwe üm Shiikeawe aming thun ara tsapkapkap maq lang laüta, apaiq wokhong na sihaüla, apaiq raq ümniika mangjong hiq raikhü na siti maiq mung ahinti thun thaq na ajong ma mitiija wan.

TRI CHONGKE 28:9

“Ümniiraq Tatiwe üm Shiikeawe wokhong na silaüta apaiq aming thun kra kunli lang laüta shong nga haüla, apaiq raq kiq kham kuqtaq kra phan phan ümniika asenginok ma mitiija wan.

TRI CHONGKE 4:20

Shatmaq namshiq ka Ejip mung na watum nyairaitlaq kra mong wa apaiq raq achhii wannok. Apaiq raq namshiq ka ümchaü jamkho apaiq sengi ma jalanta sitlan, kra miitu shun shea wanto.

TRI CHONGKE 5:2

Sinai Pum maq Tatiwe nashiq Shiikeawe raq nashiq ma tongshong kuqto.

TRI CHONGKE 7:6

Namshiq raq akha shiithenbaiq ratlo. Jamkhano ngukla namshiq ka Tatiwe namshiq Shiikeawe rii she sitlan. Mangjong hiq raikhü tlotli na maiq phan sitlaq kiiwa apaiq raq namshiq kli apaiq sengi ma nguta dadüdü atiitsang raüta tseatsiiq wanto.

TRI CHONGKE 9:29

Riita ija, ümniiriili arnok ka ümsenginok she nguta tseatsiiq wan laü kata. Kiimaq ümniiraq tsangshiq ka Ejip mung wa ümningkun henghea maq kiimaq ümhong ümla heng hea maq tsangshiq ka arjaq tsuq wan laü ahata.’

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 11:8

Shiikeawe raq Abraham ma, mung ashi mikuq kang nguta kiqkham kuqto. Krai mren, Abraham raq Shiikeawe ma kamtsantsii thüto. Raüta, apaiq ka ümba na saüho chang wa, kriimin sap mak miili, ahiqshong arahai kra miimthü raüta, Shiikeawe raq shunshea tlaq kra phanphan, Shiikeawe raq akuq tachong hiqshong mung kiina kihoto.

Hebrews 8:9

Kra tongshong anye shong nong tiikang kriika, man na tsangti tsangwitiim pat na, ngi raq tsangshiq ka I jaq maq hit wan lata, Ejip mung jaqkhon mong wa, tiidong shea wan kang ranaiq na, tongshong kang kiikhiika riimak she miraq. Ngi raq tsangshiq ka tongshong ramkham maq bat kang. Shatmaq tsangshiq raq tongshong bomkham ka shishe wanto. Kriikha na, Ngi riimin tsangshiq ka, I wura maq tiihamkuq mang she riikang.

JOSHUA 24:24

Kiijiishe mungmaiqse raq Joshua ma nguto, “Naishiq raq nashiq Tati Shiikeawe kli mishli hai. Naishiq raq apaiq aming thun kra milang hai.”

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 SAMUEL 15:22

Shatmaq Samuel raq treto, “Riita Tatiwe ümriiti wa lungwiitla: Apaiq bomtai kriisha, honglu thun nai nyamse atakuq kriiwa lungwiitla? Skuse ahea pinthum honglu atakuq thaq na, apaiq bomtai riiwe ka ahea.