DUNGWVNC 19:5 - Hawa Naga Bible 2001

⁵ Nuimshiq rueq ngvy kvjaz tay vtueq, ngvy bomkhvrc kuex phvnx ruiux lec ngvy miqsaz shauk muex yaungx tuinx. Ghaq lotlaz ngaz rueq guimz vshaungx, yuq muinz nuimshiq kuex ngaz rueq vthvl wvnc miqsaz yaungx tuinx,

ASII LAKDAP Bible (BSI)

⁵ Riita ümchaü min, namshiq raq ibom ara tai lanta itongshong wokhong na sihan jiila, namshiq ka isenginok shaq ma mijahan. Mangjong hiq tlotli ka Ngi rii dongdii. Shatmaq namshiq ka Ngi raq tingsang atsea arwanha isenginok ma mijahan.

DUNGWVNC 19:5 Referencias Cruzadas

RAPHA HIQWA LAK 17:9

Tishox rueq Abraham muex ngoc, “Mnoz nuiyc httuiuc wvnc yaq wawc msuiuz msaz hez htenc rulc ngvy bomkhvrc taq vshaungx kuex phvnc tvkoc mnoz muinz rungx raz rax tuex.

1 HOKHVMX 8:53

Nuiyshiq jix vwaz tamx kuex Ejip mungx wawc mnoz rueq shvlx wvnc toq nuex, mnvrc waz Moshe maq raz tueq mnoz rueq tsuingshiq muex jungx shec tueq rulc rv-ngvlc, mmiqsaz shauk yaungc tvkoc miqphvnx lotlaz wawc mnoz rueq tsuingshiq kuex thvl wvnc toq.”

1 KAÜWA WERAÜ 17:22

Israel kuex mmiqsaz muex pattup tvyaungc toq ningkhvnc nuex, Yehowa lex, mnoz kuex tsuingshiq Tishox rvtoq.

YOBA 41:11

Piq kuex uraq khvt lot vtueq kv-wungx httaz juing lac rvtvnx? Mungkawx miqsaz vshiz raung rueq muinz kvruex ruez lot yaq rvmuq.

YOBA 41:3

Piq rueq piq tvkay gay tvkoc mnoz kox wawc haz thoz shvnx? Piq muex menjenc kuy tvkoc mnoz muex kvpiq nvyx thoz shuex haz?

Tvtsvmc 135:4

Vpiq rueq Yaku kuex vpiq tvkoc, Israel miqsaz htenc kuex vpiq rueq guimz tvkoc thvl shec tueq.

Tvtsvmc 24:1

Mungkawx nuiyc kvyuq httax yaq phvnx lotlaz kuex Yehowa laung rvtueq; ghaq nuiyc kvruex htauk nuex httax yaq lotlaz muinz vpiq laung rvtueq.

Tvtsvmc 25:10

Vpiq bomkhvrc nuiyc vpiq rueq nvrc bomc lotlaz tay phvnc jix muex lungwawc thuinz nuiyc tvmtuing maq lvmx shvlx kuq tueq.

DUNGWVNC 15:26

Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.

DUNGWVNC 23:22

Yuq muinz nuimshiq rueq piq kvjaz kuex phvnx vtueq ngaz rueq nvr phaungx phvnx ruip saz kuex shuimx kaz ruiux yuq, ngaz rueq nuimshiq ralx htenc kuex khvt kuq gay phaungx.

DUNGWVNC 24:7

Kvruex yimaq Yehowa rueq nvr tueq htenc vwuiyq taq shec bomkhvrc luik dvp kuex lvmz vtueq, miq htenc rueq tay laz juing wvl kuq tueq. Tsuingshiq rueq, “Yehowa kvjaz kuex nuiyshiq rueq tay wuez shix nuiyc piq rueq nvr tueq phvnx ruip saz htenc kuex nuiyshiq rueq phvnx shix,” ngoz tueq jungx tueq.

DUNGWVNC 34:9

Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

DUNGWVNC 8:22

Yuq muinz ngvy miqsaz htenc httax yaq Goshen hong kuex ngaz rueq tvjungx tvy shec ningkhvnc nuex kvruex yuq nyoarbawx vguez. Ngaz, Yehowa kuex vruex mungtan nuex httax vtaungx kuex mnoz rueq tuiuz tvkoc ngaz rueq vkhoc ruez shaungx.

DUNGWVNC 9:29

Moshe rueq piq muex ngoc, “Ngaz ghaqyungx maq kaz wvnc taungx rulc rv-ngvlc, ngvy yauk tenz ruiux, Yehowa kox wawc vjux thoz kuq phaungx. Yehowa rueq ghaq vruex guimz yaq lvmz mnoz rueq tuiuz wvnc tvkoc raungmuk nuiyc tv-nguirx dvy kuex tvthauk gay shuex.

ASHICHONG 8:12

Solomon kuex piq rueq lvp aungx yaq kuimphox hingshiz kvmuinz, sunc bvmc jix hez tsuinghez rueq lvp aungx yaq shac nueyc phok kuex lvmz wuez tueq; ngaz kuex ngvy svpiq sunc dvyx httax yaq!

ISAIA 1:19

Nuimshiq rueq ngvy kvjaz phvnx ruiux yuq, ghaq wawc pulx thuey waqthuimx vhvlx htenc kuex nuimshiq rueq phauk saq lvp shuinx.

ISAIA 41:8

“Yuq muinz mnoz, ngvy nvrc waz Israel lex, nuimshiq kuex ngaz rueq vthvl miq htenc rvtuit, nuimshiq kuex ngvy kungjix Abraham suiuz vsaz hez rvtuit.

ISAIA 43:1

Israel lex, mnoz tvdungc sungc jix Yehowa rueq, “Nauk hiz kaz, ngaz rueq mnoz palc wvnc phaungx. Mmuingc maq ngaz rueq mnoz kuex gvl vphaungx, mnoz kuex ngaz rueq guimz yaq.

ISAIA 56:4

Yehowa rueq kvruex waz muex ngoc, “Mkhoc shoc maq nuimshiq rueq ngaz muex tvtsanc nganc vtueq Vguilc Raungnuiyq kuex phvnx ruiux ngvy thuinroc lvmx shuimx kaz vtueq, ngvy bomkhvrc nuex tvmtuing httax ruiux yuq,

JEREMIA 10:16

Yaku Tishox kuex tsuinghez rulc rv-ngvlc muq; vpiq kuex phvnx ruip saz tvdungc sungc jix rvtueq, Israel kuex vpiq miqsaz shauk tvyaungc muex thvl taq tueq. Vpiq muingc kuex Tvphaungc Tvsuip Yehowa rvtueq.

JEREMIA 13:11

Kheyop kuex khez tvroz nuex phaungx duingduing shuit yaq ikhoc, Israel nuiyc Yuda miqsaz lotlaz ngaz nuex phaungx duingduing hvlc rvwaungx tvkoc rvtueq. Tsuingshiq kuex ngvy miqsaz yaungx wvnc vtueq, ngvy muingc tvtsanc nganc tvkoc nuiyc tvtsvmc kvmc tvkoc tvhungx shec tauk; yuq muinz tsuingshiq rueq ngvy kvjaz tay phvnx wuez muq,” ngoz tueq jungx tueq.

JEREMIA 7:23

Yuq muinz ngaz kuex tsuingshiq Tishox rvtauk tsuingshiq muinz ngvy miqsaz yaungx muex ngvy kvjaz phvnc tvkoc ngaz rueq nvr tauk. Phvnx ruip saz nuex hvlc wvnc muex ngaz rueq jungx phaungx lvmx kuex phvnc tvkoc ngaz rueq nvr vphaungx.

EJEKIEL 16:8

“Kvruex lvmx maq ngaz laukshiz lvy wvnc yek tauk nuex, mnoz tvkoc rvlungc rvwawc thuinz tvy jauz shex httuiuc yaq kuex khiz phaungx. Ngaz rueq mnoz sawkumx ningkhvnc nuex ngvy svmhung yungx maq puingc ruiux, mnoz muex lungwawc bomkhvmc taq tauk. Rvtueq, ngaz kuex mnoz lvmc tvkoc bomkhvrc taq ruiux mnoz kuex itaungx nyuiuz muex yaungx wvnc toq.” Vruex kuex Johvlc Yehowa kvjaz rvtueq.

LEWI 20:24

Yuq muinz vrungx vwanx nuiyc ghaq vbur mungx kuex nuimshiq rueq guimz tvkoc ngaz rueq kuq phaungx ngoz tueq bomkhvmc taq tauk kvkhoc ruez shaungx, ngaz kuex Yehowa nuimshiq Tishox rvtauk, nuimshiq kuex vganc miqphvnx wawc tv-phvlc vtueq, ngaz rueq vthvl wvnc miqphvnx rvtuit.

AMO LUIK DVP (AMOS) 3:2

“Ghaq htauk nuex httax yaq miqphvnx lotlaz wawc, nuimshiq phvnx shiz dvyx ngaz rueq tuiuz vtueq tuimz guimz wvnc phaungx. Kvruex kuex nuimshiq mvrax htenc kvmac pinhtumc kvhiz juing httax yaq, kvkhoc rvtueq ngaz rueq kvruex tvkoc nuex nuimshiq muex murx tvgurc phaungx.”

AMO LUIK DVP (AMOS) 6:1

Nuimshiq tvkoc Zion nuex vkhoc vpiauc vliauc httaz lvp jix bix, Samaria mungx nuex kvwungx httaz jix bix, mungx miqsaz htenc rueq kvmenc jenc yaq jix bix, miqphvnx wawc vyungx vluz rvtuit Israel miqsaz lex nuimshiq nuex kvhiz juing yaungx wvnc tuex!

MALAKI 3:17

Tvphaungc Tvsuip Yehowa rueq, “Tsuingshiq kuex ngvy miqsaz htenc muex yaungx tuex. Tsuingshiq kuex ngaz rueq shuimx shaungx raungnuiyq, ngaz rueq guimz shaungx miq htenc muex yaungx wvnc tuex. Vwaz rueq piq muex shuimc kuy jix vsaz miqwaz saz muex menjenc yaq ikhoc ngaz rueq muinz tsuingshiq muex menjenc shaungx.

1 Corinthians 10:26

Yvmx khoc lac ngoz ruiux lec Rumvrc luik nuex, “Vruex ghaq nuiyc kvyuq httax yaq phvnx ruip saz kuex Taungjix rueq guimz yaq,” ngoz tueq jungx shec tueq.

1 Corinthians 10:28

Yuq muinz miq vshiz shiz rueq, “Vruex kuex yac yuimx muex vshomc kuq phuiuz vsvy rvtueq,” ngoz tueq nuimshiq muex jungx ruiux yuq, kvruex waz tvkoc nuiyc vruing raung juing thuinz tvkoc tvmaung vtueq nauk phauk saq kaz.

TRI CHONGKE 10:14

Yehowa rueq johvlc raungmungx htenc muinz, ghaq nuiyc kvruex htauk nuex httax yaq phvnx lotlaz muinz guimz yaq.

TRI CHONGKE 11:27

majuiuc raungnuiyq ngaz rueq kuq vphaungx Yehowa nuimshiq Tishox rueq nvr yaq kvjaz htenc kuex nuimshiq rueq phvnx ruiux yuq ruimrix kejux lvp wvnc shuinx;

TRI CHONGKE 14:2

Yehowa rueq ghaq htauk nuex httax yaq miqphvnx htenc wawc nuimshiq kuex vpiq miqsaz muex thvl wvnc tueq ningkhvnc nuex nuimshiq kuex Yehowa nuimshiq Tishox rueq guimz yaq.

TRI CHONGKE 14:21

“Piq thueyc thueyc vthueyc kaz ngvmx kuex phuiuz mvy muq. Nuimshiq rulc ghaqshiz nuex httaz jix pungnuk miqsaz rueq kvruex ngvmx kuex phauk lvp shuex, rvmuq ngoz ruiux vngvmx kuex pungnuk miqsaz muex shaungc kuy mvy yaq. Nuimshiq kvruex kuex Yehowa nuimshiq Tishox rueq guimz yaq; nuimshiq kuex vpiq miqsaz rvtuit. “Khelbuenx saz rvmuq ngoz ruiux khelkhix saz kuex vkuiux puix tix maq shunglumc mvy muq.

TRI CHONGKE 26:18

Vpiq rueq nuimshiq muex bomkhvmc taq rulc rv-ngvlc, vsawc miqsaz tvyaungc tvkoc muinz, vpiq rueq nuimshiq muex nvr yaq tvrac lotlaz kuex phvnc tvkoc muinz Yehowa rueq nuimshiq kuex majuiuc raungnuiyq lvp lvmz wvnc tueq shex.

TRI CHONGKE 26:19

Vpiq rueq vtvdung sung miqphvnx htenc kvruex htauk nuex muinz nuimshiq muex vpiq muingc jungc kuex tvtsanc nganc ruiux tvyungx luz wvnc kv-phuinx. Vpiq rueq bomkhvmc taq tueq rulc rv-ngvlc nuimshiq kuex vpiq vsawc miqsaz shauk muex yaungx wvnc tuinx rvtueq.”

TRI CHONGKE 28:1

“Majuiuc raungnuiyq ngaz rueq nuimshiq muex kuq vphaungx vpiq rueq vnvrc kvjaz lotlaz kuex tvkhvlc muit maq phvnx vtueq, Yehowa nuimshiq Tishox kvjaz kuex tay phvnx ruiux yuq, vruex ghaq htauk wawc miqphvnx htenc htauk nuex lvy vtueq nuimshiq kuex tenpix kv-phuinx.

TRI CHONGKE 28:9

“Yehowa nuimshiq Tishox kvjaz kuex phvnx vtueq, vpiq rueq nvr shuex ruip rawx shuimx kaz ruiux yuq, vpiq bomkhvmc taq tueq rulc rv-ngvlc nuimshiq kuex vpiq miq muex tvyaungc kv-phuinx.

TRI CHONGKE 4:20

Yuq muinz nuimshiq kuex wvrkez kalc ikhoc kalx yaq Ejip mungx wawc Yehowa rueq vtvdung shvlx wvnc miqphvnx rvtuit. Vpiq miqsaz muex tvyaungc tvkoc nuimshiq kuex tvdung shvlx wvnc tueq, kvkhoc rvtueq nuimshiq kuex vpiq miqsaz ngoz tueq majuiuc raungnuiyq jvp wuez vtuinx.

TRI CHONGKE 5:2

Yehowa naungshiq Tishox rueq Sinai Kanx maq naungshiq rulc bomkhvrc taq tueq,

TRI CHONGKE 7:6

Yvmx khoc lac ngoz ruiux lec Yehowa nuimshiq Tishox rueq nuimshiq kuex guimz yaq ningkhvnc nuex vkhoc shuimc rax. Ghaq htauk nuex httax yaq miqsaz htenc wawc nuimshiq kuex htep vpiq miqsaz muex thvl wvnc tueq.

TRI CHONGKE 9:29

Rvkhauk laz jungx ix ngoz ruiux yuq, mnoz luimc vkawc yunghvlc nuiyc hungc vlaungc maq Ejip mungx wawc mnoz rueq shvlx wvnc vtueq, mmiq saz shauk yaungc tvkoc mnoz rueq vthvl wvnc miq htenc juex rvtvnx,’ ngoz tueq thoz tauk.

Titus 2:14

Naungshiq kuex layx bac phvnx lotlaz wawc palc wvnc tvkoc muinz, naungshiq kuex thuinz vsawc maq vpiq muex dvyx seng yaq miqphvnx muex yaungx vtueq, vhvlx yauk shuimc muex thuinz tvyungc wvnc jix phvnx yaungc tvkoc muinz, Christu kuex naungshiq laung nuex vpiq shauk vpumz lekuq gay tueq.

Hebrews 11:8

Abraham kuex Tishox rueq gvl tueq nuex vpiq kvjaz kuex tay phvnx vtueq piq muex bomkhvmc kuq tueq mungx kvyuq kvmluimx thuinz maq kaz wvnc tueq. Piq kuex yvmx khoc baung nuex kay wvnc juing wuez tuiuz muq maq piq ghaq vraungx kuex gay shec tueq.

Hebrews 8:9

Vruex bomkhvrc kuex tsuingshiq ngaz rueq yauk maq het vtueq Ejip mungx wawc shvlx wvnc tauk nuex, tsuingshiq jix vwaz tamx rulc ngaz rueq vtaq bomkhvrc rulc rv-ngvlc muq. Tsuingshiq kuex ngaz rulc vtaq bomkhvrc nuex tvmtuing httax muq ningkhvnc nuex, Ngaz rueq tsuingshiq kuex lawc mauk shex.

JOSHUA 24:24

Miq htenc rueq Yoshua muex ngoc, “Yehowa naungshiq Tishox muex nawk palx wuez shix. Vpiq rueq nvrc kvjaz kuex phvnx shix,” ngoz tueq jungx wuez tueq.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

1 SAMUEL 15:22

Samuel rueq, “Yehowa rueq mruex phvnx lac raungc raq yaq nguinx? Vtay vphvnc lvmz shuex, rvmuq ngoz ruiux shomc kuy juing nuiyc shomc nawk juing phvnx lac? Vpiq muex vhvlx pinhtumc khelbuenx maq shomc nawk kuy htauk nuex vpiq kvjaz tay phvnc lvmz kuex pinhtumc vhvlx rvtueq.