DUNGWVNC 19:6 - Hawa Naga Bible 2001

⁶ nuimshiq kuex ngvy tvkoc pungx tvy vtaq shec miqphvnx, ngvy yauk shuimc jix shomc waz bix muex yaungx tuinx, ngoz tueq Israel miqsaz muex jungx shuiux,” ngoz tueq jungx tueq.

ASII LAKDAP Bible (BSI)

⁶ Ngi miituli dongdii akiinongkuq wan maiqphan ashi mirhan. Kiimaq namshiq ka iramwenok ma jalanta Ngi mishkumpan han.”

DUNGWVNC 19:6 Referencias Cruzadas

1 HOKHVMX 3:8

Mmiqsaz shauk yaungc tvkoc mnoz rueq httauk vtueq vwvlc lot miq paunghvlc tvpux paung wvnc toq miq phungc kvyuq ngaz lomx vtaungx.

1 HOKHVMX 8:53

Nuiyshiq jix vwaz tamx kuex Ejip mungx wawc mnoz rueq shvlx wvnc toq nuex, mnvrc waz Moshe maq raz tueq mnoz rueq tsuingshiq muex jungx shec tueq rulc rv-ngvlc, mmiqsaz shauk yaungc tvkoc miqphvnx lotlaz wawc mnoz rueq tsuingshiq kuex thvl wvnc toq.”

1 KAÜWA WERAÜ 17:22

Israel kuex mmiqsaz muex pattup tvyaungc toq ningkhvnc nuex, Yehowa lex, mnoz kuex tsuingshiq Tishox rvtoq.

Tvtsvmc 114:2

Yuda kuex Yehowa muex vsawc miqsaz htenc muex yaungx wvnc tueq, Israel kuex vpiq rueq guimz yaq miqsaz muex yaungx wvnc tueq.

DUNGWVNC 15:26

Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.

DUNGWVNC 22:31

“Nuimshiq kuex ngvy miqsaz rvtuit, vsvl rueq vkauk ngvmx kuex phuiuz mvy muq; ngvmx kvruex guyhex muex kuq gay shuinz.

DUNGWVNC 28:36

“Kuimshawx phux shiz kuex tvhungx vtueq, ‘Yehowa muex vlekuq shec,’ ngoz tueq luik tvkop wvt shec shuinz.

ISAIA 43:4

Mnoz kuex ngvy tvkoc pinhtumc vhtawz tsanc hvlc rvtoq, ngaz rueq mnoz kuex lungwawx vtueq mnoz kuex tvtsanc nganc ningkhvnc nuex mrullungx palc wvnc tvkoc miqphvnx htenc kuex ngaz rueq lekuq phaungx.

ISAIA 61:6

Mnoz kuex Yehowa shomc waz bix nuiyc Naungshiq Tishox nvrc waz hez ngoz tueq kv-ngoc tuiux. Mnoz kuex miqphvnx ruip rawx tsak vnyvmx htenc nuex kokez wvnc vtueq Kvruex kuex mtsak mnyvmx muex yaungx wvnc ruiux ngamc ngax wvnc tuiux.

ISAIA 62:12

Mnoz kuex “Tishox muex Vsawc miqsaz, Yehowa rueq vpalc wvnc miqsaz,” ngoz tueq ngoz shuex. Yerusalem kvmuinz “Tishox rueq Lungwawx yaq Ghaqyungx,” “Tishox rueq Tuip gay Muq Ghaqyungx,” ngoz tueq ngoz shuex.

ISAIA 66:21

Ngaz rueq tsuinghez wawc wvyvmc kuex shomc waz nuiyc Lewi phvnx muex tvyaungc shaungx.

JEREMIA 13:11

Kheyop kuex khez tvroz nuex phaungx duingduing shuit yaq ikhoc, Israel nuiyc Yuda miqsaz lotlaz ngaz nuex phaungx duingduing hvlc rvwaungx tvkoc rvtueq. Tsuingshiq kuex ngvy miqsaz yaungx wvnc vtueq, ngvy muingc tvtsanc nganc tvkoc nuiyc tvtsvmc kvmc tvkoc tvhungx shec tauk; yuq muinz tsuingshiq rueq ngvy kvjaz tay phvnx wuez muq,” ngoz tueq jungx tueq.

JEREMIA 2:3

Israel lex, mnoz dvyx ngaz rueq guimz yaq; mnoz kuex ngvy tvkoc vsawc rvtoq. Ngaz rueq mnoz muex tvthuiuz sac jix miq ruip rawx htauk nuex kuilc vdaz nuiyc thuimkux kuex tvhttuiuc kuq tauk. Ngaz, Yehowa rueq jungx vshaungx,” ngoz tueq jungx tueq.

JEREMIA 7:23

Yuq muinz ngaz kuex tsuingshiq Tishox rvtauk tsuingshiq muinz ngvy miqsaz yaungx muex ngvy kvjaz phvnc tvkoc ngaz rueq nvr tauk. Phvnx ruip saz nuex hvlc wvnc muex ngaz rueq jungx phaungx lvmx kuex phvnc tvkoc ngaz rueq nvr vphaungx.

LEWI 19:2

Israel mungx miqsaz muex vkhoc jungx kuq tueq, “Nuimshiq vsawc yaungc rax, yvmx khoc lac ngoz ruiux lec Ngaz Yehowa nuimshiq Tishox kuex vsawc rvtauk.

LEWI 20:24

Yuq muinz vrungx vwanx nuiyc ghaq vbur mungx kuex nuimshiq rueq guimz tvkoc ngaz rueq kuq phaungx ngoz tueq bomkhvmc taq tauk kvkhoc ruez shaungx, ngaz kuex Yehowa nuimshiq Tishox rvtauk, nuimshiq kuex vganc miqphvnx wawc tv-phvlc vtueq, ngaz rueq vthvl wvnc miqphvnx rvtuit.

LEWI 20:26

Nuimshiq kuex ngaz rueq guimz vphaungx ningkhvnc nuex vsawc yaungc rax, yvmx khoc lac ngoz ruiux lec ngaz kuex vsawc nuiyc Ngaz kuex Yehowa rvtauk. Ngaz rueq dvyx nuimshiq kuex guimz wvnc tvkoc miqphvnx ruip rawx htauk wawc thvl wvnc phaungx.

LEWI 21:23

yuq muinz piq kuex guix vgvnz nuex rax kay ningkhvnc nuex vsawc khvymvnz vjuinx nuiyc shomrawx nuex kvnvp kaz lvp tuex rvmuq. Ngaz kuex tsuingshiq muex tvsawc nawc kuy jix Yehowa rvtauk ningkhvnc nuex vruex vsawc hup vsvmx htenc kuex tvshuy shac mvy muq.”

AMO LUIK DVP (AMOS) 3:2

“Ghaq htauk nuex httax yaq miqphvnx lotlaz wawc, nuimshiq phvnx shiz dvyx ngaz rueq tuiuz vtueq tuimz guimz wvnc phaungx. Kvruex kuex nuimshiq mvrax htenc kvmac pinhtumc kvhiz juing httax yaq, kvkhoc rvtueq ngaz rueq kvruex tvkoc nuex nuimshiq muex murx tvgurc phaungx.”

HAGAI 2:5

Nuimshiq Ejip mungx maq dung kaz wvnc tuit nuex, ngaz kuex nuimshiq rulc mkaq muinz vdvmz httax taungx ngoz tueq bomkhvmc taq tauk. Ngaz kuex nuimshiq rulc vdvmz httax hvt dvyx, kvkhoc rvtueq nauk hiz kaz.

WEAWEA 16:3

Kvruex hez htenc kuex Moshe nuiyc Arun khaungkac nuex rvtuimx kaz vtueq, “Nuimshiq honc vyaungc kuex jvnc hvlc! Israel miqsaz htenc kuex Yehowa rueq thvl wvnc vtueq, Yehowa kuex naungshiq lotlaz rulc vdvmz httax yaq. Kvkhoc rvyruiux Moshe kuex yvmx rvtueq lac Yehowa miqsaz phungc nuex mshauk pumz kuex kvsomc parc kaz tuiux?” ngoz tueq ngoz tueq.

Romans 12:1

Kvkhoc rvtueq phunox bix lex, Tishox kuex naungshiq htauk nuex menjenc thuinz yunghvlc httax yaq ningkhvnc nuex, vpiq yauk shuimc tvkoc nuiyc vpiq rueq raungc raq yaq vtvraungx httax yaq shomc kuy juing yaungc tvkoc nuimshiq shauk vgvnz kuex lekuq shuinz. Kvruex kuex nuimshiq rueq lekuy aungx yaq thuinz tsuingrux nawk palx kuy lvmx rvtueq.

1 Corinthians 3:17

Kvkhoc rvtueq miq vshiz shiz rueq Tishox shomc yuimx kuex tvbac gay ruiux yuq, Tishox rueq kvruex waz kuex tvbac gay shuex. Yvmx khoc lac ngoz ruiux lec Tishox shomc yuimx kuex vsawc rvtueq ningkhvnc nuex nuimshiq shauk vgvnz muinz vpiq shomc yuimx rvtuit.

TRI CHONGKE 14:21

“Piq thueyc thueyc vthueyc kaz ngvmx kuex phuiuz mvy muq. Nuimshiq rulc ghaqshiz nuex httaz jix pungnuk miqsaz rueq kvruex ngvmx kuex phauk lvp shuex, rvmuq ngoz ruiux vngvmx kuex pungnuk miqsaz muex shaungc kuy mvy yaq. Nuimshiq kvruex kuex Yehowa nuimshiq Tishox rueq guimz yaq; nuimshiq kuex vpiq miqsaz rvtuit. “Khelbuenx saz rvmuq ngoz ruiux khelkhix saz kuex vkuiux puix tix maq shunglumc mvy muq.

TRI CHONGKE 26:19

Vpiq rueq vtvdung sung miqphvnx htenc kvruex htauk nuex muinz nuimshiq muex vpiq muingc jungc kuex tvtsanc nganc ruiux tvyungx luz wvnc kv-phuinx. Vpiq rueq bomkhvmc taq tueq rulc rv-ngvlc nuimshiq kuex vpiq vsawc miqsaz shauk muex yaungx wvnc tuinx rvtueq.”

TRI CHONGKE 28:9

“Yehowa nuimshiq Tishox kvjaz kuex phvnx vtueq, vpiq rueq nvr shuex ruip rawx shuimx kaz ruiux yuq, vpiq bomkhvmc taq tueq rulc rv-ngvlc nuimshiq kuex vpiq miq muex tvyaungc kv-phuinx.

TRI CHONGKE 7:6

Yvmx khoc lac ngoz ruiux lec Yehowa nuimshiq Tishox rueq nuimshiq kuex guimz yaq ningkhvnc nuex vkhoc shuimc rax. Ghaq htauk nuex httax yaq miqsaz htenc wawc nuimshiq kuex htep vpiq miqsaz muex thvl wvnc tueq.

1 Thessalonians 5:27

Vruex tvlaq vphaungx luik kuex kvmluimx jix miqsaz lotlaz muex wvlc kuy tvkoc Taungjix rueq vlekuq vrangx vpangx maq nuimshiq muex ngaz rueq nvr vphaungx.

1 Peter 2:5

Nuimshiq kuex vtvraungx lung htenc ikhoc vpiq kox nuex kaz vtueq, siyac nuex seng yaq shomc yuimx guirx yaq kvyuq nuimshiq muinz vshuimc vlvmc juing muex yaungx naungx kuinz, kvruex baung kvyuq Christu Yesu ningkhvnc nuex siyac nuex seng vtueq raungc raq lvp wvnc aungx yaq shomc nawk kuy juing htenc kuex Tishox muex shomc kuy tvkoc vsawc shomc waz bix ikhoc nuimshiq rueq shomc kuq shuinx.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.

Revelation 1:6

vpiq Waz Tishox yauk shuimc kuex shuimc lvp tvkoc naungshiq kuex mungtan miqsaz nuiyc shomc waz ngauz kuy jix Yesu Christu nuex ngauz vngax nuiyc luimc vkawc kuex pattup pat-sac mhttax wvnc kueq! Amen.

Revelation 20:6

Kvkhoc vphaungc thueyc wvnc jix hez wawc yuing kvtenc wvnc nuex lomx jix htenc kuex thuinhvlx vtueq kejux vphungc vphawx lvp wvnc tueq. Lauknueyc thueyc tvrac rueq tsuingshiq kuex guimz lot muq; tsuingshiq kuex Tishox nuiyc Christu shomc waz hez ningkhvnc nuex Christu rulc vdvmz nuex wawc hingshiz guimz wuez shuex.

Revelation 5:10

Mnoz rueq tsuingshiq kuex naung- shiq Tishox muex shuimc lvmc kuy tvkoc hokhvmx mungtan shomc waz phvnx muex tvyaungc vtueq, tsuingshiq rueq ghaq htauk vyuq guimz lawc muex vkhangx lvp wvnc wuez shuex,” ngoz tueq shix tueq.