DUNGWVNC 19:4 - Hawa Naga Bible 2001

⁴ “Ngaz rueq Ejip miqsaz muex yvmx khoc lac rvkuq wvnc tauk nguinx nuiyc lawx rueq vsaz hez kuex vraungx maq pix wvnc yaq ikhoc, Ngaz rueq nuimshiq pix wvnc phaungx kuex nuimshiq rueq khiz tuit shex.

ASII LAKDAP Bible (BSI)

⁴ “Ngi, Tatiwe raq Ejip mungti ka jamkho riikang kra chhilan she. Kiimaq Ngi raq namshiq ka liiha kaü raq ase ka arakong thaq na tiinga raüta jamkho boq wantlaq ikha namshiq ka arjaq Ngi phaniishe sheawan kang.

DUNGWVNC 19:4 Referencias Cruzadas

ISAIA 40:31

Yuq muinz romc kuy tvkoc Yehowa muex tvluimc jix kuex tsuingshiq hungc vlaungc vnyalx humc wvnc shuex. Tsuingshiq kuex lawx ikhoc vraungx vnyalx htenc maq kvtenc baz wvnc tuex; tsuingshiq yuz ruiux muinz hunnyex tuex rvmuq; tsuingshiq kuex khuemx ruiux muinz nulx tuex rvmuq.

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

Hosea 11:1

Yehowa rueq, “Israel kuex nosaz jauz, ngaz rueq piq kuex lungwawx vtueq isaz muex piq kuex Ejip mungx wawc gvl wvnc tauk.

HAGAI 2:5

Nuimshiq Ejip mungx maq dung kaz wvnc tuit nuex, ngaz kuex nuimshiq rulc mkaq muinz vdvmz httax taungx ngoz tueq bomkhvmc taq tauk. Ngaz kuex nuimshiq rulc vdvmz httax hvt dvyx, kvkhoc rvtueq nauk hiz kaz.

MALAKI 2:10

Naungshiq lotlaz nuex vwaz vshiz dvyx httax yaq rvmuq haz? Naungshiq lotlaz tvdungc sungc jix Tishox muinz vshiz dvyx rvmuq haz? Kvkhoc rvyruiux vdvmz nuex taq vshix bomkhvmc htenc kuex naungshiq rueq yvmx ngoz tueq tvbac gay lac, naungshiq jix vwaz tamx rulc Tishox rueq vtaq bomkhvrc kuex yvmx ngoz tueq lac wvlc guez waqguez tvyaungc vshuinx?

TRI CHONGKE 1:30

Yehowa nuimshiq Tishox rueq Ejip mungx nuiyc kumtsvy tvnx maq nuimshiq muex tvkhup wungx kuq wvnc kv-phuinx ikhoc, majuiuc muinz nuimshiq kuex shunshvlx vtueq nuimshiq muex ralx khvt kuq kv-phuinx. Vwaz rueq vsaz boq pvmx yaq ikhoc Yehowa rueq nuimshiq kuex boq pvmx vtueq vruex hong nuex tvhttuiuc laz shunshvlx kuq kv-phuinx lvmz kuex nuimshiq rueq khiz wvnc tuit shex,’ ngoz tueq jungx wvnc phaungx.

TRI CHONGKE 29:1

Vruex kuex Moba mungx nuex httuiuc kaz tueq Israel miqsaz htenc rulc Yehowa rueq Moshe muex nvr vtueq vtvtsuir shec bomkhvrc rvtueq. Kvruex lotlaz kuex Sinai Kanx maq tsuingshiq muex Yehowa rueq vtaq kuq bomkhvrc tvrvp yek rvtueq.

TRI CHONGKE 29:2

Moshe rueq Israel miqsaz htenc kuex gvl vtueq vkhoc jungx tueq, “Yehowa rueq Ejip mungx wawc hokhvmx waz nuiyc piq mungx wawc walaungx bix maq raz tueq wvmungx tuimx kuex yvmx khoc lac murx tvgurc tvnx lvmz kuex nuimshiq rueq khiz wvnc tuit shex.

TRI CHONGKE 4:9

Nuimshiq honc lvmz wuez shuinz! Miqmac muik maq khiz wvnc tuit htenc kuex lauk gay muit tvkoc tvmaung hvt rvshuinz. Kvruex lvmz kuex nuimsaz hez nuiyc nuimsuiuz hez muex jungx kuq wuez shuinz:

JOSHUA 23:3

Nuimshiq ningkhvnc nuex Yehowa nuimshiq Tishox rueq vruex miqphvnx htenc lotlaz nuex shuimc wvnc tueq lvmz nuimshiq rueq khiz wvnc tuit shex. Yehowa nuimshiq Tishox rueq nuimshiq muex romc khvt kuq wvnc kv-phuinx.

Revelation 12:14

Kvruex kaq yalxjuik nyuiuz kuex bantuingx rumruix mungx nuex baz wvnc tvkoc lawx kuiux raungkungx vnueyc kuex piq rueq lvp taq tueq, piq kuex kvruex yuq wawcthuimx jvnc nuex httuiuc laz yungrex kuiux rueq tvkuilc daz yaq kvwawc luenx wvnc vtueq tvkhup wungx dungc gvy rvhumc tuex.