DUNGWVNC 8:22 - Hawa Naga Bible 2001

²² Yuq muinz ngvy miqsaz htenc httax yaq Goshen hong kuex ngaz rueq tvjungx tvy shec ningkhvnc nuex kvruex yuq nyoarbawx vguez. Ngaz, Yehowa kuex vruex mungtan nuex httax vtaungx kuex mnoz rueq tuiuz tvkoc ngaz rueq vkhoc ruez shaungx.

ASII LAKDAP Bible (BSI)

²² Shatmaq Ngi raq isenginok shongchang Goshen wang ka atiiwong mirha, she ka tlong mang. Ngi raq akha klotiikang arka, ümniiraq, Ngi Tatiwe riidea armung na jaq shamtiikang arka nguta misap haü.

DUNGWVNC 8:22 Referencias Cruzadas

RAPHA HIQWA LAK 46:34

nuiyshiq kuex nuiyjix nuiywaz pat maq raz tueq majuiuc nuex httuiuc laz nyvmx saz htenc remc jix nuk rvtiq, ngoz tueq shvmhvlx jungx shuinz. Kvkhoc ngoz ruiux yuq jix nuimhez kuex Goshen hong nuex tvhttax kv-phuinx,” ngoz tueq jungx shec tueq. Ejip miqsaz rueq khelbuenx remc jix kuex vsuirc rvyaq ningkhvnc nuex Yosep rueq kvkhoc tvjungc tueq.

Tvtsvmc 110:2

Yehowa rueq mhokhvmx luimc vkawc kuex Zion maq baung ruip saz nuex tv-phaungx taq shuex. Vpiq rueq mnoz muex, “Mralx htenc htauk kvyuq guimz lawc shuiuz,” ngoz tueq jungx yaq.

Tvtsvmc 74:12

Yuq muinz O Tishox lex, mnoz kuex vphaungc vyaungc maq phuex nuiyshiq hokhvmx waz rvtoq; mnoz rueq nuiyshiq kuex paung-hvlc lauk palc wvnc phux.

DUNGWVNC 10:23

Ejip miqsaz kuex washiz nuiyc washiz doc muinz rvkhic muq ningkhvnc nuex kvruex baunglaung miqmac yuimx maq dung kaz wuez lot muq. Yuq muinz Israel miqsaz httax yaq baung nuex kuex raungwuic yaq.

DUNGWVNC 12:13

Nuimshiq httax vtuinx yuimx kaluix nuex nyvt taq shec tuit tvguiy kuex tvtsuingc juing hakhix muex yaungx tuex. Ngaz rueq tvguiy kuex khiz ruiux yuq, nuimshiq kuex lvy shec ruiux, Ejip miqsaz kuex murx tvgurc shaungx yuq, nuimshiq kuex heq mauk.

DUNGWVNC 19:5

Nuimshiq rueq ngvy kvjaz tay vtueq, ngvy bomkhvrc kuex phvnx ruiux lec ngvy miqsaz shauk muex yaungx tuinx. Ghaq lotlaz ngaz rueq guimz vshaungx, yuq muinz nuimshiq kuex ngaz rueq vthvl wvnc miqsaz yaungx tuinx,

DUNGWVNC 20:11

Ngaz, Yehowa rueq raungx tvruk tup ghaq, raungx, svmuktvrax nuiyc kvyuq httax yaq phvnx ruip kuex tvdung sung tauk, yuq muinz raungx mvshix raungnuiyq ngaz nyec tvkuiyq tauk. Kvkhoc rvtueq Ngaz, Yehowa rueq Vguilc Raungnuiyq ruimruimx kuq ruiux vsawc raungnuiyq tvyaungc tauk.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

DUNGWVNC 7:5

Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

DUNGWVNC 8:10

Hokhvmx waz rueq, “Ngaz muex invp vjux thoz kuq koq,” ngoz tueq tvralc tueq. Moshe rueq, “Mnoz rueq jungx shuiux kvrulc rv-ngvlc thoz kuq phaungx, nuiyshiq Yehowa Tishox vkhoc tishox vguez lvmz kuex mnoz rueq tuiuz taq shuiux.

DUNGWVNC 8:21

Ngvy miqsaz kuex mnoz rueq tvkaz muq ngoz ruiux yuq, ngaz rueq mnoz muex murx tvgurc tvkoc nyoarbawx kuex mnoz, mmiq vyungx vlaungx bix nuiyc mmiqsaz htenc htauk nuex tvkaz shaungx. Ejip miqsaz yuimx htenc nuex nuiyc tsuingshiq ghaqphux htenc vyuq nyoarbawx tvmvrc shaungx.

DUNGWVNC 8:23

Ngaz rueq ngvy miqsaz htenc nuiyc mmiqsaz htenc kuex tvhvl vtueq pungx tvy taq shaungx. Kvkhoc vwangc juing kuex invp raungnuiyq yaungx wvnc tuex,’ ngoz tueq jungx shuiuz,” ngoz tueq jungx tueq.

DUNGWVNC 9:26

Israel miqsaz httax yaq Goshen hong kvyuq dvyx tv-nguirx dvy muq rvtueq.

DUNGWVNC 9:29

Moshe rueq piq muex ngoc, “Ngaz ghaqyungx maq kaz wvnc taungx rulc rv-ngvlc, ngvy yauk tenz ruiux, Yehowa kox wawc vjux thoz kuq phaungx. Yehowa rueq ghaq vruex guimz yaq lvmz mnoz rueq tuiuz wvnc tvkoc raungmuk nuiyc tv-nguirx dvy kuex tvthauk gay shuex.

DUNGWVNC 9:4

Yuq muinz Israel nuk nyvmx saz nuiyc Ejip nuk nyvmx saz kuex ngaz rueq tvhvl vtueq, Israel nuk nyvmx saz kuex tvthueyc mauk rvshaungx.

DUNGWVNC 9:6

Nvp yix raungnuiyq Yehowa vpiq rueq jungx tueq rulc rv-ngvlc ruez koq tueq, Ejip nyvmx saz lotlaz thueyc kaz tueq, yuq muinz Israel nyvmx saz kuex kuiux shiz muinz thueyc muq.

EJEKIEL 30:19

Ngaz rueq vkhoc maq Ejip muex murx tvgurc shaungx yuq, tsuingshiq rueq ngaz Yehowa rvtauk kuex tuiuz wvnc wuez shuex.”

MALAKI 3:18

Mvnnuex jauz ngvy miqsaz htenc rueq tsuingrux jix waz nuiyc layx bac waz rvhumc wvnc tueq kuex rv-ngvlc muq lvmz muinz, ngaz muex nawk jix nuiyc nawk muq jix tsuingshiq rvhumc wvnc tueq kuex rv-ngvlc muq lvmz muinz, tuiuz wvnc wuez shuex,” ngoz tueq jungx tueq.