DUNGWVNC 8:21 - Hawa Naga Bible 2001

²¹ Ngvy miqsaz kuex mnoz rueq tvkaz muq ngoz ruiux yuq, ngaz rueq mnoz muex murx tvgurc tvkoc nyoarbawx kuex mnoz, mmiq vyungx vlaungx bix nuiyc mmiqsaz htenc htauk nuex tvkaz shaungx. Ejip miqsaz yuimx htenc nuex nuiyc tsuingshiq ghaqphux htenc vyuq nyoarbawx tvmvrc shaungx.

ASII LAKDAP Bible (BSI)

²¹ Ngi raq ümniima honlam chongtiikang, ümniiraq ningtang haüla, Ngi raq she tlong lata ümnaq, ümsengi along alabi thun, ümsengi mungmaiqse ma mo mitiihoha. Ejip mungti jam thun ka she long raq ama miraq kiimaq hiq raikhü kiimin she long raq wiita mima wan.

DUNGWVNC 8:21 Referencias Cruzadas

Tvtsvmc 105:31

Tishox rueq nvr tueq rulc rv-ngvlc nyoarbawx nuiyc shoaykumx kuex wvmungx tuimx nuex vdaungx maq httuiuc wvnc tueq.

Tvtsvmc 78:45

Vpiq rueq tsuingshiq muex kuilc daz tvrvhumc tueq shoaykumx htenc nuiyc tsuing-shiq nax htenc tvbac gay tvkoc lukburx htenc kuex tvkaz tueq.

DUNGWVNC 10:6

Mnoz hoc nuex muinz, mmiq vyungx vlaungx bix lotlaz nuiyc mmiqsaz yuimx lotlaz nuex mvrx wvnc tuex. Kvtanc khvnc batac yaq phvnx kuex nuimshiq jix vwaz pat nuex rvhumc wvnc muq doc,’ ngoz tueq jungx shuinz,” ngoz tueq jungx tueq. Kvruex yimaq Moshe kuex yek kaz wvnc tueq.

DUNGWVNC 8:20

Yehowa rueq Moshe muex ngoc, “Invp raungnvp nuex hokhvmx waz kuex yuix kawx nuex kaz yaq kvyuq piq rulc rvhumc kaz vtueq, piq muex ngoc Yehowa rueq vkhoc ngoz yaq, ‘Ngaz muex nawk palx kay ngvy miqsaz htenc kuex tvkaz shuiuz.

DUNGWVNC 8:22

Yuq muinz ngvy miqsaz htenc httax yaq Goshen hong kuex ngaz rueq tvjungx tvy shec ningkhvnc nuex kvruex yuq nyoarbawx vguez. Ngaz, Yehowa kuex vruex mungtan nuex httax vtaungx kuex mnoz rueq tuiuz tvkoc ngaz rueq vkhoc ruez shaungx.

DUNGWVNC 8:24

Yehowa rueq nyoarbawx daungx htenc kuex hokhvmx hoc nuex nuiyc piq miq vyungx vlaungx bix yuimx htenc nuex tvkaz tueq. Ejip mungx lotlaz kuex nyoarbawx ningkhvnc nuex bac wvnc tueq.

ISAIA 7:18

“Kvruex raungnuiyq httuiuc wvnc tuex nuex, Yehowa rueq Nile ruilx kuiuq tvsuip htenc wawc yuix saz yuix kuiuq nuex httax yaq shoaykumx htenc ikhoc paung yaq Ejip miqsaz htenc nuiyc, nyaq ikhoc paung yaq Siria miqsaz htenc kuex tsuingshiq mungtan wawc httuiuc kay tvkoc sursic tuimc vyac khawx maq gvl shuex.