Shatmaq Ngi raq hokhamwe tsantsii ka wanshak lanlaqlaq mitiija baiqha. Kiimaq apaiq raq ümbom ka taimak miraq. Ngi raq Ejip mung na phiiptsi jiiptsi ümtinkhanli shamha jiimin taimak miraq. Kiijiishetiq Ngi raq Ejip mung ma imo ka hengbiti she mitiihoha. Lata Ngi raq isenginok maiq phan thun ka armung wa ahin na mitsuq wanha.
Mosheq nai Aron raq arthun awang chang jaqsham ka hokhamwe makki na kloto. Shatmaq Tatiwe raq apaiq tsantsii ka wan shak shak tiitsin baiqto. Kiimaq apaiq raq Israilnok ka apaiq mungtan wa ahin na tlaü wan mak dea ningtangto.
Kiijiishe Tatiwe raq thaüto, “Ümjaq ka ümsamtong jong mong na hali thü nonglaq.” Kiimaq apaiq raq ajaq ka asamtong mong na thiito. Kiimaq apaiq raq ajaq ka kinphai na hali lam nongtaq, kra akhing na ajaq ka phintsaq tsaq she riito, akhum ahin kiikhiishe riito.
Tati lei, man na ümniiraq, naishiq ka Ejip mung wa, tsuq wan laü akhing na, jamkho amao chang, jaqsham pahea klo wan laü, ikhiisii ümchaü min naishiq miitu awang chang jaqsham kuq laq.
“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.
Krai mren, Mosheq raq mungmaiqse ka Ejip mung wa tsuq wanto. Raüta, Khamshii Kham jong rai ka jin wanto. Raüta, kumtsaiphii lam maq, wiiroqblai mungmaiqse ka shea wanto. Apaiq raq tsangshiq ka awang chang nai amao chang jaqsham pahea sham raüta, kra lümaq tiichhii kuq wan raüta shunshea wanto.
Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.