TAKSU LAK 21:1 - ASII LAKDAP Bible (BSI)

¹ Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

Hawa Naga Bible 2001

¹ Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.

TAKSU LAK 21:1 Referencias Cruzadas

2 HOKHVMX 19:33

Apaiq ka ana ümra lam mo kitaq, kra lam kra phan phan hali, ara chela mong na nyapwa mak miili jai na mijang wan nong. Arka Ngi Tatiwe raq ngutiikang.

EJRA 1:1

Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

EJRA 1:2

“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

EJRA 6:22

Tsangshiq raq ara Pi Maq Shohü Winsii Phaq Poi arka, ramiishitup, shreng raüta, chojong chise maq lang wanto. Tsangshiq ka pinthum khoqriiq shishiiq miishe siwanto. Jamkhano ngukla, Tatiwe raq Asiria mung langti ajong hokhamwe tsantsii ka Israilnok khrumke wan miitu tiininja kuq wanto. Krai mren, apaiq raq Israilnok ka Shiikeawe Shomjam kra tiihea haiwan miitu khrum kuqto.

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

NEHEMIA 2:8

Kiimaq hali, ngi raq hokhamwe jaq wa, rum wa pe kra liiwantiwe Asaph ma, rum na pe sitlaq kiiwa pehü pan ma lam raüta, Shomjam tro na long peruk kiijaq kilam chong thun kra hai wan miitu, kiimaq chela khetuk thun kra tiihea wan miitu kiimaq ngi miitu jamhai wan tiikang kiijaq lang miitu, pe raa tlaq kra, Asaph raq michom kuq laq nguta, aming kewan lak ashi kri waiqkuq haü jaq ahea nguta, bom ka tiitai kang. Shiikeawe ka ngi rai asi. Kiimaq, ngi raq ümchuwa jaü kang kra, hokhamwe raq ngi ma kunkun tiihong kuqto.

ESTHAR 2:17

Krai mren, hokhamwe raq Esthar ka jechaksere wiita thaq na pinthum lungwiito. Kiimaq hokhamwe raq jechaksere tarü thaq na Esthar ma kai lungwii maklii tiitsito. Krai mren apaiq raq hokham nyung khuphok ka Esthar ma tiiphok kuqto. Raüta apaiq ka Washti klai ma hokham nyung miishe shongto.

Tvtsvmc 105:25

Apaiq raq Ejip mungti ma asenginok tiishusheto raüta ajaqshi se kong ka tlaophaqto.

Tvtsvmc 106:46

Apaiq raq tsangtijongnok tsan na, tsangshiq ma mangchan tiitsikuqto.

Tvtsvmc 114:3

Khamshii Khamjong Chum raq liiraüta juto; Jordan rai kham kimak tsaqkito.

Tvtsvmc 114:5

Khamjong chum lei, ümniika jamlai chhi laüto jutlaü? Kiimaq Jordan rai ümniika ümkhamkai ka jam nguto tsaqkilaü?

Tvtsvmc 74:15

Ümniiraq rum na hiq mong maq khamraisetiim nai khamdü raisetiim tiidong laü ihata; ümniiraq jürai jongheahea thun wiita trübaiqlaü ihata.

Tvtsvmc 93:4

Ramungtan pengti ajong pinthum ka Tatiwe kli, kra jonglu ka sammoktra chum moktrangtlaq kriithaq niimin ajong, khamjong chum bluntlaq ningkun heng thaq niimin aheng pinthum.

DUNGWVNC 7:3

Shatmaq Ngi raq hokhamwe tsantsii ka wanshak lanlaqlaq mitiija baiqha. Kiimaq apaiq raq ümbom ka taimak miraq. Ngi raq Ejip mung na phiiptsi jiiptsi ümtinkhanli shamha jiimin taimak miraq. Kiijiishetiq Ngi raq Ejip mung ma imo ka hengbiti she mitiihoha. Lata Ngi raq isenginok maiq phan thun ka armung wa ahin na mitsuq wanha.

TAKSU LAK 16:1

Nashiq raq phanrap sham-akai ka misürii i, Shatmaq Shiikeawe bom na supwa chang miraq.

TAKSU LAK 16:9

Ümniiraq jaqsham ka mihang haü sham, Shatmaq Shiikeawe riitiq, jaqsham ka mithapthi kuq.

TAKSU LAK 20:24

Tatiwe raq, nashiq rilung lam ka atankewi she. Ikhii jiika maiqse raq, ümra lam mo kihotlaq, kra jamkho misap?

ISAIA 43:19

Ngi raq anye jamlai wa kiimung tiikang kra shrira liilaq. Arka hongtha rai wanto she- ümniiraq ümchaü min michhi haü! Ngi raq kumtsaiphii binjü maq lam ashi mitanha, lata ümniima jüseraisetiim mitiidong kuqha.

ISAIA 44:27

Ngi raq aming tsishi kuqlata sammoktra chum ka trübaiqkang.

JEREMIA 39:12

“Kilaq. Laüta Jeremia ka rit laq. Laüta apaiq ka aheawiq maq shiililaq. Apaiq ka naq tiichamchaokiq. Shatmaq apaiq raq jamlai khrum wa jaü tlaq kra khrum kuqlaq.”

DANIEL 4:35

Apaiq maklii na mangjong maiqse ka, hiqtilise ikhli liitlo; ramungtan na siti rasetiim nai, mangjong hiq na siti maiqse, apaiq jaqkhon mong na thütlo. Apaiq raq jamlai wa thapthi tlaq, juwe riimin tangta lot mak, kiimaq jurmin apaiq ma wailot mak.

Acts 7:10

Krai mren, Shiikeawe raq Joseph ka phanrap chamchao mong wa khup wong kuqshat maq tiichhan chhi wanto. Akhing saüto angu na, Joseph ka Ejip mung hokham we man na chapto. Kra akhing na, Shiikeawe raq Joseph ma athuk atsom rong arai nai taksu phaqchi kuqto. Krai mren, hokham we raq Joseph ka, Ejip mung thaq na nai hokham jamkun thaq na wanghupti we ma shongto.

Revelation 16:12

Kiijiishe, rase trok ngojati raq, apaiq jaq wa Shiikeawe tsankhiq winpin kra jürai jonghea Euphretis niishe raübaiqto. Krai mren, kra jürai ka rüsaq she, shinriiq shinkito. Arka shedong mung wa hokhambi kitlaq kra kai miitu lam tanke wan she.

Revelation 16:4

Kiijiishe, rase atsam ngojati raq apaiq jaq wa Shiikeawe tsankhiq winpin kriishe jürai ümchuwa, kiimaq khamrai setiim ümchuwa sitlaq kra thaq niishe raü baiqto. Krai mren, kham ka wiita tiijai miishe jakito.