Biblia Todo Logo
La Biblia Online
- Anuncios -




TAKSU LAK 21:1 - Hawa Naga Bible 2001

1 Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.

Ver Capítulo Copiar

ASII LAKDAP Bible (BSI)

1 Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

Ver Capítulo Copiar




TAKSU LAK 21:1
26 Referencias Cruzadas  

Vruex ghaqyungx mungx vyuq nyuip lvp muq maq, vkay juing lvmx tv-phvnc yek waung yek tuex. Ngaz, Yehowa rueq jungx vshaungx.


Persia honoc Kiru kuex hokhvmx muex yaungx tueq vphaungc raungwawc nuex shvmmax Yeremia maq raz tueq jungx tueq Yehowa kvjaz kuex hungx wvnc tueq. Piq rueq vruex nvrc bomc kuex vkhoc wuiyq vtueq piq rueq guimz yaq mungtan baung ruip saz nuex nyvmc wvnc laz yunghvlc maq wvlc tvtay kuy tvkoc Kiru muex laukshiz lvmz maq tvshuimx tueq.


“Vruex kuex Persia Honoc waz Kiru rueq vnvr bomc rvtueq. Yehowa Raungmungx Tishox rueq mungkawx lotlaz kuex ngaz muex tvguimz lawc vtueq, Yuda mungx Yerusalem nuex shomc yuimx vshiz guirc tvkoc ngaz muex kuq phuex.


Tsuingshiq rueq Wisiz lomx muq Wantuc Moalx kuex vshuenc vruenc maq raungx mvshix tup moalx wuez tueq. Vkoz vkez thuinz mvrc wuez yaq, yvmx khoc lac ngoz ruiux lec Yehowa rueq Asiria honoc waz kuex tsuingshiq kox nuex htvlx phel wvnc vtueq Israel Tishox Shomc Yuimx guirc yek yauk shuimc nuex tsuinghez muex romc kuq naungx wuez tueq.


Ngaz rueq vjux thoz vshaungx nuiyc mnoz muex tvtsanc nganc yaq mnvrc waz hez rueq vjux thoz yaq kvmuinz majuiuc tay kuq koq. Majuiuc raungnuiyq ngaz muex lotlaungc wvnc lvmz kuq koq, honoc waz rueq ngaz muex mmenjenc kuq phueq,” ngoz tueq thoz tauk. Kvtanc jauz ngaz kuex honoc waz muex svpiq tix tvhungx kuy jix rvtauk.


Honoc waz rueq, “Mnoz rueq yvmx lac roc shuiux?” ngoz tueq wiz phuex. Ngaz rueq Raungmungx Tishox kox wawc vjux thoz ruiux,


Shomc Yuimx bvmc juing wangx kaluix htenc, ghaqyungx palx ruk htenc nuiyc ngvy httaz juing yuimx laung nuex pulx kuy tvkoc hokhvmx pulx roz lawc jix waz Asap kox nuex luik wuiyq tvkoc muinz menjenc kuy tvkoc thoz tauk. Tishox kuex ngaz rulc vdvmz httaz ningkhvnc nuex ngaz rueq thoz tauk lotlaz kuex honoc waz rueq kuq phuex.


Hokhvmx waz rueq piq kuex vganc yalxjuik rulx htenc htauk nuex muinz vroc lanc rvtueq, piq kuex khaungkac nuex htvlx phawc vshalc ningkhvnc nuex lungwawc rvhumc tueq. Hokhvmx waz rueq hokhvmx khushec kuex piq khux nuex tv-phop kuq ruiux, Washti kvlayc hokhvmx nyuiuz muex tvyaungc tueq.


Vpiq rueq Ejip miqsaz phvnx htenc kuex vpiq miqsaz htenc rulc tvshuiuc pac vtueq, vpiq nvrc waz hez rulc vlauc vlawc yauk shuimc tvyaungc tueq.


Tsuingshiq tuinghtuing jix lotlaz thuinz vmungx nuex tsuingshiq kuex menjenc thuinz tvhttax tueq.


Yuix Shawx Jumx rueq kvruex khiz vtueq yuz wvnc tueq; Yodan ruilx muinz kaz thuiyc yaq wawc thauk kaz tueq.


Svmuktvrax lex, mnoz kuex yvmx ngoz tueq lac yuz wvnc vtuiux? O Yodan ruilx lex, mnoz kuex kaz thuiyc yaq wawc yvmx ngoz tueq lac thauk kaz vtuiux?


Mnoz rueq yuix tumz htenc nuiyc yuix saz ruilx htenc kuex tvkaz ruiux, yuix yungx ruilx htenc kuex tvruic gay toq.


Yehowa kuex svmuktvrax thuirc tvruingc nuiyc svmuktvrax yuix daungx htenc htauk nuex muinz luimc vkawc yunghvlc rvtueq, raungmungx johvlc maq guimz lawc yaq.


Yuq muinz hokhvmx waz thuinz kuex ngaz rueq tvtsanc kuq shaungx, ngaz rueq Ejip mungx nuex vhiz juing mtanc dvyx ruez ruiux muinz, mkvjaz kuex tay shuex rvmuq. Kvkaq ngaz rueq Ejip mungx nuex songhvlc murx yunghvlc kuex tvyaungc kuq vtueq, ngvy miqsaz phvnx vmaq htenc kuex kvruex mungx kvwawc tvdung wvnc shaungx.


Naungshiq rueq naungshiq kvmungx kuex shuimx vshix, yuq muinz tvsuip nuex kuex Tishox thuinroc dvyx yaungx wvnc yaq.


Mshuimc kvmungx kuex mnoz rueq tvhungx mvy yaq, yuq muinz Tishox rueq mnoz kvmoay shay lvmx kuex ruip rux kuq yaq.


Miqsaz khuemc juing lvmx kuex Yehowa rueq htvp htaz kuq yaq, kvkhoc rvtueq miqmac rullungx lvmx kuex mkhoc kox nuex lac kaz yaq nguinx yvmx khoc tuiuz lot shvnx?


Ngaz rueq shuimx shaungx yauk shuimc vnyalx kuex bvmc lawc shuinz. Kvruex kuex yaungx wvnc tueq shex ningkhvnc nuex, kvruex majuiuc khiz lvp vshuinx! Ngaz rueq yaruix tvnx nuex lvmx laungx vshiz tvnc vtueq kvyuq mnoz muex yuix saz ruilx htenc kuq phaungx.


Nvr shaungx rulc rv-ngvlc ngaz rueq svmuktvrax kuex tvruic gay tauk.


“Mnoz rueq Yeremia kuex thuiyx kaz vtueq piq kuex vhvlx waq lawc mawc shuiuz. Piq kuex nauk guirguenz kaz, piq rueq roc yaq phvnx htenc kuex shuimx kuq shuiuz.”


Vpiq rueq mungkawx miqsaz kuex yvmx muinz rvmuq dvyx khiz yaq; raungmungx wawc raungkamx bix nuiyc mungkawx miqsaz kuex vpiq khung nuex httax yaq. Uraq muinz vpiq thuinroc kuex tuingshaung lot muq vpiq rueq shuimx yaq kuex uraq muinz wiz khvmc muq.


piq kuex kuilc daz rvhumc yaq htenc wawc palc wvnc tueq. Tishox rueq Yosep kuex Ejip hokhvmx waz khaungkac nuex htvlx phawc vhvlx kuq tueq, piq muex taksux tharc muinz kuq tueq, hokhvmx waz rueq Yosep kuex Ejip mungx nuex vyungx yaungc tvkoc muinz, hokhvmx hoc nuex httaz lvp tvkoc muinz thvl tueq.


Tvruk ngoc yaungc raungkamx waz rueq piq kok wawc thuinkhvy kuex Euphrat ruilx nuex ruiuc gay tueq. Kvkaq yuix ruilx kuex ruic kay ningkhvnc nuex shaldungc mungx wawc hokhvmx bix tvkoc lvmx kvdaz wvnc tueq.


Vthuimx ngoc yaungc raungkamx waz rueq piq kok wawc thuinkhvy kuex yuix ruilx htenc nuiyc yuix nyuiuz dungc jungx htenc nuex ruiuc gay tueq, kvkaq yuix htenc kuex tvguiy muex yaungx wvnc tueq.


Síguenos en:

Anuncios


Anuncios


¡Síguenos en WhatsApp! Síguenos