DUNGWVNC 12:51 - ASII LAKDAP Bible (BSI) Kra ranaiq Tatiwe raq Israilnok maiqphan thun ka Ejip mung wa tiidong tsuq wanto. Hawa Naga Bible 2001 Kvruex raungnuiyq dvyx Yehowa rueq Israel phvnx htenc kuex Ejip mungx wawc tvdung shvlx wvnc tueq. |
Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”
Israilnok ka Ejip mung wa laüwan jai maq rawii shiblai ri wiiroq tiichat sijai maq, kiimaq Solomon raq Israil mung peng wan li maq rawii wiiblai she angu na, kra rawii phawan jai maq jipi lünai she angu na Jib jipi lüna, Solomon raq Shomjam hai jaqsham kra phaja wanto.
Tatiwe raq Sudan mung phenlabi ka Asa nai asengi maq tiikhat raüta tiitangto. Tsangshiq ka pintrangto.
Ümtiikiiwa Israilnok ka Ejip mung wa laüwantaq; ümtiikiiwa Jakob saüse phan raq pongmung wa laüwantaq,
Rawii 430 ka nyito she angu ranaiq na, Tatiwe sengi maiq phan thun raq Ejip mung ka miimthüto.
Kiimaq Tatiwe raq Mosheq nai Aron ma jamkho aming kuqtaq kra phan phan Israilnok kunli raq langto.
Israilnok mung tlotli ka Elim hiq maq tiido wanto. Raüta tsangshiq ka Ejip mung maq laü wan li maq jipi lünai she angu na kra lü wa ra roqshi ri rabiingi ranaiq niishe tsangshiq ka Sin kumtsaiphii binjü niishe saühoto. Kra wang ka Elim hiq nai Simai hiq liipan na riito.
Israilnok ka Rephidim wang wa tiido wanto. Raüta tsangshiq ka Ejip mung wa laü wan li maq jipi lütsam she angu na jiha ranaiqshi ranaiq na tsangshiq ka Sinai kumtsaiphii wang niishe saüto. Raüta kiijaq Sinai Pumji na tsangshiq piitiip ka teito.
Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.
Aron nai Mosheq ma Tatiwe raq akha chongto, “Israilnok maiq phan thun ka Ejip mung wa shea wan ronglaq.”
Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.
Arka namsaü namsetiim raq Tatiwe raq Israilnok ka Ejip mung wa tsuq wan raüta laü wantaq akhing na lam na joli tiip na jap wan raüta laü wanto nguta tsangshiq raq misap laq. Apaiq ka Tatiwe namshiq Shiikeawe.
Kriima kongkhuji na, ngi raq namshiq ka Ejip mung wa tsuq wan kang. Lata ngi raq namshiq ka bintang jüngi lam maq, iwokhong maq wiiroqblai shunshea wan kang. Lata ngi raq namshiq ma, Ammoraiqnok mung kra jiikuq wan kang.”
Ngi raq namshiq ka Ejip mung wa tiidong wan kang. Maiqdi ma ajahan maiqjam mong wa, dokda wan kang! Ngi raq namshiq shea wanti, Mosheq, Aron, kiimaq Miriam ma tiishea wan kang.
Shiikeawe raq tsangshiq ka Ejip mung wa tsuq wanto; Apaiq ka tsangshiq tiiwongke rum wa minsaü pongwe ikha maiq thaütlo.
Israilnok ka Ejip mung wa Mosheq nai Aron wokhong maq laü wantaq akhing na maiqmii phan wela takiq na tsangshiq lamjap piitiip ka arjaq chongtlaq maiqhiq thun na tei wanto nguta chongtlo.
Israilnok Shiikeawe raq natitiim pat na, tsangshiq ka tsea tsiiq wanto. Raüta, tsangshiq ka Ejip mung na wansha we ma ja raüta shong wantaq pat na, maiq mung ajong ashi ma tiijonglu wanto. Raüta, Shiikeawe raq tsangshiq ka Ejip mung wa, ningkun ajong jaqkhong maq tiidong tsuq wanto.
Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.
Apaiq raq namtitiim kra lungwii kha maq, apaiq raq namshiq ka tseatsiiq wanto. Kiimaq apaiq ningkun aheng kriimaq apaiq raq apumsii maq kiraüta namshiq ka Ejip mung kriiwa tsuq wanto.
Kra jai miishe, ngi raq Mosheq nai Aron tiikikang. Kiimaq ngi raq Ejip mungti ma chamchao jonghea tiisaü kang. Shatmaq ngi raq namshiq ka Ejip mung wa tsuq wan kang;
Riita, ija, namshiq riimin la arthun arka asap han dongdii ngutiika, ngi riimin asap ha. Li jiimin, ngi raq namshiq ma thongshi ri hali bliiq chongke nong ro tiikang. Namshiq raq asap han, Tatiwe raq Israilnok ka Ejip mung wa tiichhii kuq wanto. Shatmaq, kra jai miishe, tsangshiq phong wa, maiq ümchu riiwa Shiikeawe ma kamwan mak riitaq, kriiti thun ka Shiikeawe raq wiita tsatbaiq wanto.