“Israilnok mung kin thun na, nawelabi thun tsaito! Nashiqnok srea nolajongbi thun, wiita tsaito she!
AJONJÜ 2:1 - ASII LAKDAP Bible (BSI) Tatiwe raq atsankhiqtsi ma Jajon ka, ranyaq maq khup baiqto, apaiq thaq wa ramungtan khushü chhainyii, ashthen riibaiqto. Apaiq tsankhiq ranaiq apaiq raq, Shomjam kiimin tiishaübaiqto. Hawa Naga Bible 2001 Taungjix rueq vpiq thuinkhaq vtueq Zion kuex raungx nyauk maq puingc gay tueq. Vpiq rueq raungmungx raungc hvlc ngauz vngax kuex tvbac gay tueq. Vpiq thuinkhaq yaq raungnuiyq vpiq Shomc Yuimx doc muinz tuip gay shec tueq. |
“Israilnok mung kin thun na, nawelabi thun tsaito! Nashiqnok srea nolajongbi thun, wiita tsaito she!
Dawit ka mungmaiqse man na chapto. Raüta akha trahoto: “O sang amang maiqse lei, tairong laq ngi bom chongpha. Ngi raq Tatiwe nashiq Shiikeawe hoknichang Tongshong Tek kra thü ma jam ashi pattup miitu haila nguta tiima wan kang. Ngi raq apaiq shreng lata Shomjam ashi hai miitu phanrap hup asam thun ka kunli tiichomrom kang she.
Naishiq raq ngukai, “Nashiq ka Tatiwe jam na warong i; laita apaiq hokham ngachang ngacho khaki maq noqpi rong i.”
Ümniiraq apaiq ka arawii misaü shaq na tikii tiijabaiqlaü kiimaq apaiq ma jeasi khatamshi tiihokuqlaü.
Tiitsam ronglaq nashiq Tati Shiikeawe; apaiq hokham ngacho khaki maq shomnoq rong i! Apaiq ka asii!
Kiimaq naishiq Shomjam, asii jam kiimaq pinthum tsom hea ba, naititiim pat na ümnaq tiitsamkam chang jam, ka wa maq chaq raüta tiithen baiqto. Naishiq raq lungwiitiikai hiqshong rahai thun ka wiita tiithen baiqto she.
Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.
Jerusalem chela ka man na asengi raq ama riito! Mangjong maiqse wiita raq kai ra tsa ikha tsa wanto. Shatmaq ümchaü san mantinyung ikhiishe; Chela rümti aki miikiimbi thun re raq jiip baiqto. Rewe jaqkhon mong na shumwi kong miishe tiija wanto.
“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.
Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.
Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.
Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.
Ümchaü Tati Rakaü Hiqwe raq akha ngutlo: “Itsankhiq tsi ma rahai henghea mitiisaüha. Kiimaq rajun düthaü pükhaü khamraü ikha mitiijunha. Kiimaq tsakhiiq longkaü ikha mitrokha. Lata ruk ka mitiithen baiqha.
Shatmaq maiq atsankhiqti raq kra chong ka arang chong maq babaiqto, raüta hiq na phongbaiqto. Shedong rahai raq atsi thun ka tiishin baiqto. Akü ako thun ka wiita ngoqbaiqto; raüta shinkito kiimaq wa na chaqbaiqto.
Namshiq Israilnok ma ara tsütsa ara chonglaq nguta thaüto: Namshiq raq Jerusalem Shomjam ka nganghea nguta shiikongsiqtlan. Namshiq raq kra liisea lungwiitlan kiimaq khum lanta liisea lungwiitlan. Shatmaq Tatiwe raq kra atiishe she mirbaiq. Kiimaq namshiq jamkun wa jerobi thun ümchaü Jerusalem na tiichongtlaq thun kra redong na wiita mijiipbaiq.
Ümtiikiiwa Ngi raq Ejip mungti ningkun tu nai tsang hongla shiikongtlaq kra tiibun bukbaiq tiikang, kiitiikaq Tahphanhes chela na ranyaq tangtang miraq. Phumthup raq Ejip mung thun ka mipang wan kiimaq achela nokmaiqse thun ka munglu shumwi kong ma mitsuq wan.
Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.
Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!
Kiimahali, namshiq Kaparniam chelati le! Riita, namshiq sha ramungtan na dü wanti ngukai! Ngi chongpha. Namshiq ka wamungtan niishe mitiidea baiq!”
Kiijiishe, Jesuq raq tsangshiq bom ka treto, “Ngi raq Thawe ka ramungtan wa rachhai wa ikha adea wan chhikang.
Apaiq raq no ka, Ikabod nguta mangto. Kra liichum ka “Shiikeawe khushü ka Israilnok mung wa lam wanto she.” Kriika Tatiwe Tongshong Tek re raq lap wantaq kra, kiimaq ahuchhiwe tsaitaq kra, kiimaq awese tsaitaq kra ngo riito.
“Shiikeawe khushü ka Israil mung wa lam wanto she,” nguta apaiq raq nguto. “Jamkhano ngukla Shiikeawe Tongshong Tek ka re raq lap wanto.”