Yoel 2:2 - ASII LAKDAP Bible (BSI)

² Kra khapho akhing ranaiq ka rathup ranyaq tangtang miraq. Rathaiq ranyaq ranaiq miraq. Ramak min tiichhi mak phum raq mipang ho. Kupchi thawa hiq nyaq tlii maq mipang wan. Raüta raham hiqham miwa wan. Ku akin thaq na phumthup shenyaq raq, pang wan tlaq ikha miraq. Ara thawa akhiika mannii min ahü riito. Jainiimin akhiika chhimai miraq.

Hawa Naga Bible 2001

² Kvruex raungnuiyq kuex nyauk vtueq raungbuirc bawc wvnc ruiux, nyauk duk maq phuemx rueq buirc yaq raungnuiyq rvtuex. Kankhux htenc nuex raungx buingc rueq puingc yaq ikhoc yunghvlc kupjawrawx ralx kung htenc kvtenc waung yaq. Kvkhoc kuex kungkhux nuex mkaq muinz yaungx muq, yix maq muinz yaungx tuex rvmuq shex.

Yoel 2:2 Referencias Cruzadas

Tvtsvmc 10:6

Apaiq nai apaiq akha tiingotlo, “Ngi ka ümtiikiimin dea mang; ngi ka ümtiikiimin chamchao mang.”

Tvtsvmc 97:2

Phumthup nai ranyaq raq atro maq pangtlo; apaiq raq mung ka kechu maq nai tingting kappe maq shin raüta pengtlo.

DUNGWVNC 10:14

Kupchi kong ka ada ala ra ma hiq ma she kra mung tlotli na long wanto. Kra kupchi long ka pahea pinthum longbiti riito. Kiitinkhan kupchi long ka manphan niimin ahü riito. Kiimaq rawiichii niimin long mak she miraq.

DUNGWVNC 10:6

Kupchi long raq ümhokham jam thun kra kiimaq ümsengi ajong alabi jam thun kra kiimaq ümsengi mungmaiqse jam thun kra wiita mima wan. Kupchi long ka ümtitiim riimin chhitai mak phan sawa saü henghea miraq.’” Kra ngu raüta Mosheq ka kihoto.

DUNGWVNC 20:21

Shatmaq mungmaiqse ka aluwiq niili chapruq riito. Mosheq lam lamse li kra phumda nyaqdok dok mong maq Shiikeawe bomtlaq kra tho na wato.

ISAIA 5:30

Ümtiikiiwa kra ranaiq akhing she saüjiiq, raüla tsangshiq ka Israilnok khuthaq na khamjong chum blun wan tlaq ikha amok dung dung mihok wan. Liimanta, armung ara! Ranyaq tangtang kiimaq pitlang pitthea akhing she saü wato! Rawüli ka ranyaq wa riishe pangbaiq wanto.

ISAIA 8:22

Riimakla hiq na makchat jalat, makpo tiipanki nam nam milii. Shatmaq tsangshiq maklii tiichüm chang ka jamlai min ahü she miraq. Shatmaq tsangshiq raq trotam na litkot chamchao walü wali she kiimaq ranyaq tangtang saü wantlaq kriilishe michhi. Tsangshiq makki niika phiiptsi jiiptsi ranyaq mong na tsangshiq tiideabaiq wantlaq kriili she michhi.

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

JEREMIA 13:6

Kra jai maq rahiq ashaqpuq sijai na Tatiwe raq ngi ka Euphretis rai kii kiina jangwa nongkiq. Laüta kra patulong thun ka lamwa kiq nguta thaüto.

AJONJÜ 1:12

“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.

EJEKIEL 32:7

Ümtiikiiwa Ngi raq ümniika tiithenbaiq tiikang, Ngi raq ra ka apang she mirbaiqha. Kiimaq raiqsaiq thun ka wiita milambaiqha. Kiimaq rashekaü ka phumda jai niishe mitiipaü kiimaq jipi kaü riimin likuq mak she miraq.

EJEKIEL 34:12

Skusekong ka rum na amii arki wa, sku rümti raq jamkho adam na triichom raüta, rümtlaq kiikha mirümha, Ngi raq skusekong ka kra rawa thung ranyaq tangtang akhing na jamkho tiipinjin baiqtaq kra wiita barap binrii wa mitriichom wanha.

EJEKIEL 38:9

Apaiq nai asengi phenlabi thun raq kiimaq apaiq rai maiq mung thun pahea raq apaiq rai pong raüta kra mung ka rathaiq henghea tiimok chhaq bok wantlaq ikha kra mung ka phumthup wantlaq ikha pang wantlii mikhat.”

DANIEL 12:1

Rase raihi-nairai khea sam raütise raq nguto, “Kra akhing na, namshiqnok kheti rase jonghea, Maikel kriishe misaüho. Kiijiishe, maiq mung thun phawantaq pat maq riita ümchaü pat na saüli, abi pinthum chamchao mungbrak henghea kriishe midong wan. Kra akhing saü wan raüla, namungti Shiikeawe lakdam na tsangshiq mang asiti thun ka mitiichhiikuq wan.

DANIEL 9:12

Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

Yoel 1:6

Jamkhano ngukla imung arka, pongmungti re awa ikha kiraütiishe khatwanto. Ningkun ajong rewe pahea she saüto. Tsangwi ka hangsi kaüwi ikha, Tsangwi ka hangsi wi ikha sihea.

Yoel 2:25

Kupchilong thawa akhing rawii liipan, namshiq raq tü atsam sumwan lan, wiita mijang kuq wan nongkang. Ngi raq tiina kupchi ramwa, namshiq phana tiisaü wan kang.

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

Yoel 2:5

Kupchi kong ka kin thaq kiijaq kongtahushhu maq, adoq watrang lea longwan tlo. Rekhatti kumrang leng hitti kong jutrang tlaq ikha jutrang tlo. Kupchi watrang ka, tsamkü wapatwa trang ikha, trangtlo Kupchikong ka rewe watrang ikha, akong ada watlo.

Yoel 3:4

“O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

AMO LUIK DVP (AMOS) 4:13

Amos raq ngutlo, “Tengto dea, pumjong thun tiiqti, kiimaq rahai tiidong wanti, maiqse han-ngam hiqda ma apaiq tiima tsantsii, tiichhike wanti. Ranaiq ka rawa ma tiija wanti, mangjong hiqraikhü tiiqlo wanti ka apaiq dea. Apaiq kata Tati Shiikeawe Ningkun Ajong Pinthum!”

JEPHANIA 1:7

Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.

JEKERIA 14:6

Kra akhing she la saü raüla, diwin rasong nai nyiiriirok ka ahü she miraq.

Matthew 24:21

Kra akhing bala maiqse chamchao tlaq kra khan ka rapha hiqwa maq pha raüta ümchaü niitaq saüli akha langlang ka riingaü mak. Kiimaq ara chamchao arkhan ka jai na akhing niimin dong mak she miraq.

Mark 13:19

Kra chamchao akhing saü tlaq kriika, Shiikeawe raq ra nai hiq tiiq wanli maq, ümchaü niitaq ara mangjong hiq na chamchao sitlaq kiima thapthi wan chang siika riimak. Kiimaq rawiichii niimin akha redong ka ahü she miraq.

TRI CHONGKE 32:7

“Man na richü pat wa, luhea wa man phan ka tiima ronglaq; namwetiim ma mra pintaq man phan ka wai ronglaq. Tikiibi ma man niiwa manphan ka chonglaq nguta wai ronglaq.

Hebrews 12:18

Namshiq ka Shiikeawe shomnoq wa watlan pum kriika, Israilnok raq Shiikeawe shomnoq wantaq Sinai pum kiikha ka riimak. Tsangshiq ka Sinai pum na wataq akhing na, Sinai pum kaü ka walü mong na anyai rai chhito. Kiimaq rathup ranyaq watrang, nyaq wanto. Kiimaq, rathaiq rahai, ramok watrang, rachhai ralüp wa trang la chhito.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Revelation 9:2

Raiqsaiqpo raq hiqbikho kilü ka dito. Kra ditaq krai mren, kra hiqbikho mong wa watum mong wa adong ikha, wakhuk henghea mong wanto. Kra wakhuk mong wantaq kriiraq, raham hiqham she wiita nyam wanto. Kra wakhuk raq mangjong hiq na rashe kii li rai tlaq kra, wiita nyam wanto, raüta ranyaq tangtang she nyaq wanto. Kiimaq mangjong hiq na rahai saü tlaq kriimin wiita she wakhuk raq nyam wan raüta ranyaq tangtang she nyaq wanto.