Yoel 2:1 - ASII LAKDAP Bible (BSI)

¹ Lerong tsü ronglaq. Shiikeawe asii hiqlam maq, Shiikeawe raq atsea wan Jajon hiqlam maq tsü ronglaq. Juda mungti lei atiikhai rokrok phiip ronglaq! Tatiwe khapho wan ranaiq ka saüho tlo she!

Hawa Naga Bible 2001

¹ Tishox vsawc ghaqluimx, Zion nuex, bolic tuimz shuinz; honc lvmc tvruingc kuq shuinz. Yuda miqsaz lex, kvkhuirc hiz wuez kuinz! Yehowa raungnuiyq kuex mtanc rvmuq httuiuc wvnc yaq.

Yoel 2:1 Referencias Cruzadas

1 KAÜWA WERAÜ 15:28

Krai mren Israil mungti tlotli ka Tongshong Tek krai kongshi maq Jerusalem na saüli arü ariiq watrang la, chojong chise, paison lerong tsüwa trangla, ngirong tsüwa trang la, kiimaq süpseng tsüwa trangla kiimaq phaqlamtoro tsüwa trang la hiima hiqma wawanto.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 87:1

Tatiwe raq achela ka asii hiqlam na teiwanto;

DUNGWVNC 10:14

Kupchi kong ka ada ala ra ma hiq ma she kra mung tlotli na long wanto. Kra kupchi long ka pahea pinthum longbiti riito. Kiitinkhan kupchi long ka manphan niimin ahü riito. Kiimaq rawiichii niimin long mak she miraq.

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 13:9

Tatiwe ranaiq ka saü wanto she. Kra ranaiq ka apaiq tsankhiq henghea walü wa trang ranaiq kiimaq apaiq khiqriq heng wan ranaiq miraq. Mangjong hiqraikhü ka kumtsaiphii miishe mitiijabaiq. Kiimaq ngarai maiqse angu thun wiita mishthen baiq.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

JEREMIA 16:10

“Riita ümtiikiiwa ümniiraq tsangshiq ma arthun bomtsi ara michong kuqhaü, tsangshiq raq ümniima riita akha wiqwiq ka Ngi raq tsangshiq ka jam nguta tsat son rea wa nguta bom miwai. Tsangshiq raq tsangshiq Tatiwe Shiikeawe man na jamlai phan no shuttkai kiimaq jamlai ngarai wa tangkai nguta bom miwai.

JEREMIA 16:7

Maiqmii jamti tsaiki raü min, apaiq rai adam na ngaraüta tsaido jido mangchan tiichhiketi abom damti maiq ka jumin ahü she miraq. Anyung lo riimakla awe lo tsaikaiti miimin tsaiji tiijong ma riibom damwati maiq ahüshe miraq.

JEREMIA 4:5

Juda mung tlotli na lerong tsülaq! Tiihong laüta agi lülü maq riimlaq! Juda mungti nai Jerusalemti kiitelong maq trotam maq rukje chela thun kiina juronglaq nguta chonglaq.

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

EJEKIEL 12:23

Ümchaü tsangshiq ma Ngi, Tati Rakaü Hiqwe raq kra bomtsi khuthaq na jamlai wa ngutiikang ara chongkuqlaq. Ngi raq kra taksu bomtsi kra atiithum she mirbaiqha. Kra bomtsi ka Israil mung na thongshi bliiq chong mak she miraq. Kra rii na tsangshiq ma akha chonglaq: Akhing ka saüwato she, kiimaq riisham bomchong tiithai ka miku wan!

EJEKIEL 21:12

Tsanbitsi ma pitlang pitthea hoqsiqlaq, maiqse lei; ara nepja arka isenginok jiipbaiq miitu, kiimaq Israil mungti welabi jiipbaiq miitu. Tsangshiq ka wiitashe mijiipbaiq, isenginok mung maiqse rai mitsatbaiq. Ümkhuk na jaq tham maq tiitap laüta tsaihü jihü hoqsiq laq!

EJEKIEL 30:3

Kra ranaiq ka aje niishe, kra ranaiq Tatiwe raq jaqsham misham, Kra ranaiq ka maiq mung thun ma phumthup kiimaq chamchao ranaiq miraq.

EJEKIEL 33:3

Ümtiikiiwa apaiq raq re saüwan kra chhitlaq, raüla apaiq raq hiqshongti tarü ma honkam miitu hünong buktlo.

EJEKIEL 33:6

Shatmaq, kra kintsongti raq re saü wan kra chhishat taü maq, hünong buk mak raüla, re ka saü wan raüta kra ngarai maiqse thun kra mitsatbaiq. Kra nguraüla, ngarai maiqse thun tsaitaq kra mat kii ka Ngi raq kintsongtiwe khupo na mitiihoha.

EJEKIEL 7:10

Israilnok ma athen wan rahiq ka saü wanto she. Riitsea riita kiimung riili she ma wanto. Shiikong tsii kriika ratsan ramong nyang niishe saü wanto.

EJEKIEL 7:12

Akhing ka saü wantlo she. Ari athii asha ata piikii ka jam achu min ahü she miraq. Jamkhano ngukla Shiikeawe sintsang moho wan ka tarü ma pili chhaq maq misaü wan.

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

DANIEL 9:16

Ümniiraq man na naishiq tiikhup wongkuq wan laü. Krai mren, ümchaü min Jerusalemti ma ümtsan ka naq tiikhiq kiq she. Kriika ümchela, ümnaq asii hiqlam. Naimung tro na siti mung ahinti tlotli raq, Jerusalem nai ümsenginok ka shummii laqpii she saisitlo. Arka naishiq ngarai khana kiimaq naititiim raq abi ashut klo wantaq kriikha na shummiitlo.

DANIEL 9:20

Ngi raq achujaü ka triilü wantlii maq jaü wan kang. Ingarai thun tiidii wan kang, kiimaq iphan, imaq Israilnok ngarai kra diikuq liidea nguta, Tatiwe, i Shiikeawe jaq wa apaiq asii Shomjam kra tiiheakuq liidea nguta tiipaiqnea kang.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

Hosea 8:1

Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

Yoel 2:15

Jajon hiqlam maq lerong tsürong laq. Lanta mungmaiqse ka adam mirtam laq, dungsea tlea achu jaü aming kuq ronglaq!

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

Yoel 3:14

Maiqphong li, maiqphong li, khapho chang Tan na. Maiqphong ka khunyaq khukhi.

Yoel 3:17

Riita namshiq raq ngi dea, Tati namshiq Shiikeawe ka, asii Jajon hiqlam pumkhu thaq na sitiikang nguta sap ronglaq. Jerusalem chela ka asii chela she mija wan. Pongmungti raq kra chela ka niwamak she miraq.

AMO LUIK DVP (AMOS) 3:6

Redong lerong tsühaü jaq, chelati mungmaiqse haimak shea? Tatiwe raq tiikaihü maq, chamchao litkot chela na mipinshea?

AMO LUIK DVP (AMOS) 5:18

“Alei, Tatiwe ranaiq ritti ma phiiptsi chang miraq. Tatiwe ranaiq ka jaram wa rit tlan? kriika khapho ranaiq miraq! rawüli ka riimak!

AMO LUIK DVP (AMOS) 8:2

Tatiwe raq, “Amos ümniiraq jamlai wa chhitlaü?” nguta waito. “Petsi raqhiishi ama tuptup chhitiikang,” nguta ngi raq trekang. Kiijiishe Tatiwe raq ngi ma chongto, “Isengi Israilnok thumwan akhing saüto she. Ngi raq tsangshiq ka tiijoq mang. Mitiichamchao ha dongdii. Tsantsii ka klai mang she.

Obadia 1:15

“Ngi Tatiwe raq mangjong tlotli, kha pho ma akhing ka aje she, Edom lei, namshiq raq jamlai wa haihii lan, kra namshiq min mitiichamchao. Namshiq raq maiq ma jamlai wa klo lan, kra namshiq miishe mitham kuq.

JEPHANIA 1:14

Tatiwe ranaiq jonghea ka ajeli she, napto she, aje niishe jaqlolo she saü wantlo! Kra ranaiq ka khaphea ranaiq miraq, srea nolajongbi kiimin, aho anyi riichanchan jamkha ijasiq miraq!

JEPHANIA 1:16

Kra ranaiq ka chiqchap rechap ranaiq, lerong tsü wan trang li she miraq. Rechap wan ma rewe giwa trang, re raq chela peruk thun run baiq ranaiq, rekhe kongmong chong thun, daqbaiq ranaiq miraq.

JEPHANIA 1:7

Tatiwe khapho ranaiq ka, saüwantlo she ajeli she. Kra ningkhan apaiq man na sanglili nga ronglaq. Tatiwe raq asenginok ka, honglu na take ma tiijetlo. Krai mren chiqse rewenok ka, Juda mung runbaiq miitu, tiihea kito she.

JEPHANIA 3:11

Kra akhing na isenginok namshiq ka, ikiq khii lantea ngarai tang wan lan, kra miitu tiijeasi chang ahüshe. Jamkhano ngukla, ngi raq ibom taimak shiikongti, namshiq phong wa, achum she mirbaiq wanha. Kiimaq namshiq ka asii ihiqlam na, ikiq tlea man she mirhan.

JEKERIA 14:1

Liirong laq, Tatiwe raq phangthum khapho akhing ka saü wanto she. Kra akhing na Jerusalem wa tsiiq nai nyam tum ka re raq sepat lopi ma mitsuq wan. Raüta namshiq makki na sepat lopi ka tsangshiq liipan na mirphea phaq.

JEKERIA 8:3

Arningkhan ngi ka Jajon na hali mijangki nongha. Lata asii Jerusalem na misiki nong ha. Kra chela ka tsapkapkap chela nguta mingu. Kiimaq Tati Ningkun Ajong Pinthumwe asii pum nguta mimang wan.

MALAKI 4:1

Tati Ningkun Ajong Pinthumwe raq ngutlo, “Liirong laq, kumrong kumraq maiqse nai abi ashut kloti thun wiita tsamkü shinphong wa na chaq tlaq ikha michaq baiq. Kra ranaiq tsangshiq ka wiita tiisii rai michaq baiq.

WEAWEA 10:2

“Mung maiqse ka adam na triitam hea ma nai piitiip ka run wan akhing na tsü ma, kampho ngam maq lerong anai tiiqlaq.

WEAWEA 10:3

Ümtiikiiwa lerong wiinai ka adam na tiihong raüta shetang la tsü raüla, mung maiqse kunli ka üm tro na Ngi asi Tombutiip kilamchong na riichom thung chang.

1 Corinthians 14:8

Kiimaq jurwa hünong tsü tlaq, kra riikhaqli khangriri hea maq buk mak ngu raü jiika, nokmaiqse raq chiq se rewe khat kai ka jamkho miki?

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

1 Thessalonians 5:2

Ara jamkhano chongtiikang ngukla, namshiq maiqmii riimin la, Tatiwe saükai Ranaiq ka, rawa na ahuk saüwa tlaq ikha, tiidong chhaq miili misaüki nguta, samhea wiq asap han she.

James 5:8

Kra niq riri sii hali, namshiq riimin la, tsankhun maq, nin wan ruq maq khe chang li. Tatiwe ka misaüki dongdii. Apaiq saükai jipi rahiq hong wan miika ajeje lishe. Kriikha maq, apaiq saükai khe kamto maq si rong laq. Atheingei ka naq theingei rongkiq. Namshiq tsaiji ka naq tran rongkiq.

1 Peter 4:7

Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

Revelation 6:17

Shiikeawe nai Skuse tsankhiq walü tiinyai chaqwan akhing ka arshe saüto. Riita, ara tsankhiq walü saü tlaq arwa, naishiq ara juro mitiiwong kuq nya?” nguta tiipaiqnea hoq trang wanto.