AJONJÜ 4:11 - ASII LAKDAP Bible (BSI)

¹¹ Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.

Hawa Naga Bible 2001

¹¹ Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.

AJONJÜ 4:11 Referencias Cruzadas

ISAIA 51:20

Lam awea lamshok tek na, ümsenginok ka alangpit tsi raq küram liiraq bumkito; tsangshiq ka chhingise maiqchiiq na aminrai ikha. Tsangshiq raq Shiikeawe tsankhiq sintsang heng ka saptoshe.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

AJONJÜ 2:1

Tatiwe raq atsankhiqtsi ma Jajon ka, ranyaq maq khup baiqto, apaiq thaq wa ramungtan khushü chhainyii, ashthen riibaiqto. Apaiq tsankhiq ranaiq apaiq raq, Shomjam kiimin tiishaübaiqto.

AJONJÜ 2:17

Tatiwe raq mirha nguta, angu ka kloto she. Apaiq raq man na chongtaq krai mren, ümchaü nashiq tiihang mak, tiithen baiqtoshe. Apaiq raq nashiqnok ka, najaqtinok jaqkhon mong niishe, kiinongkuq baiqto. Raüta najaqtinok tiichochito.

AJONJÜ 2:3

Atsankhiq tsi ma Israilnok ningkun wiita, tiibun baiqto. Re raq naishiq khatwan kiita, Apaiq raq ajaq tiitam wanto. Atsankhiq wa naishiq thaq na, wakchaq walü wa ikha chaqto.

AJONJÜ 2:4

Rewe khan apaiq liq ka naishiq thaq na neishat riito, Apaiq raq naishiq tsan ran chang nai, chochi changti thun, wiita tsatbaiqto. Naishiq raq Jerusalem na, apaiq tsankhiq kei maq chaq baiqto.

AJONJÜ 2:8

Tatiwe raq Jajon ruk ka, tiithen baiq raa dongdii nguta, tiithen baiqto. Apaiq raq thiwiithi maq ruk ka tiitsiirai runbaiqto. Rewa khechang kongmong chong thun, bunlak buncha tiithen baiqto.

AJONJÜ 4:22

Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

EJEKIEL 22:31

Arningkhan, Ngi raq itsankhiq walü tum ka tsangshiq khuthaq niishe miraü baiqha. Lata wa raq jamkho tiibunlak khiimbaiq tlaq ikha tsangshiq ngarai kha na mitiithen baiqha.” Arka Tati Rakaü Hiqwe raq toqtantlo.

EJEKIEL 36:18

Ngi raq tsangshiq ma itsankhiq walü heng kra samhea tiisapli tiichamchao wan kang. Jamkhano ngukla tsangshiq raq mung na maiq pahea tsat wanto. Kiimaq tsangshiq raq sumla phra thun shomnoq wanto. Raüta mung hiqkhu rakhu ka wiita tiisheshi baiqto.

EJEKIEL 6:12

Luhea na sitibi ka atsi raüta mijiim wan. Kiimaq ajeje na sitibi ka re raq mijiipbaiq wan. Juwa re jaq song tiichongtlaq kriiti ka ram raq mijiim wan. Tsangshiq raq itsankhiq walü heng tlaq kra misap.

DANIEL 9:12

Ümniiraq naishiq ma nai naimung pengti ma mo mitiihoha ngulaü kra tiiho wan laü dea. Ümniiraq Jerusalem ka mangjong tlotli na siti chela ahinti thaq na, pinthum heanghea tiichamchao wan laü.

LEWI 26:28

kiijiishe kla itsankhiq ka henghea she miraq. Kra ningkhan Ngi raq namshiq mo ka kongkhu lak na kra nam ma jang miishi achan henghea she mitiiho nongha.

JEPHANIA 2:2

Namshiq ka tsamchhii rahai raq pan wan tlaq ikha; mipan wan shaq na, Tatiwe tsankhiq wanii tu ka, namshiq khuthaq na misaü shaq na; apaiq tsankhiq amokdungdung saüho tlaq kra; namshiq thaq na misaüho shaq na, namtsii sam ronglaq.

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.