AJONJÜ 4:10 - ASII LAKDAP Bible (BSI)

¹⁰ Iphan imaq ma thenjen wantaq kriika, pinthum riitsitsaitsiiq, phiiptsi chang abi pinthum riito. Noshii nyungre raq dongdii min, tsangse noshiisetiim ka tsanglang pit tsi ma, tak na lumphaqto.

Hawa Naga Bible 2001

¹⁰ Ngvy miqsaz htenc rvhumc yaq kuilc daz jamjaux kuex kvhiz juing tueq; lungwawc thuinz kop yaq vnyuiuz tamx rueq tsuingshiq sahez kuex phuiuz vsvy muex shung lumc yaq.

AJONJÜ 4:10 Referencias Cruzadas

2 HOKHVMX 25:3

Kra rawii wa jipi lüblai she angu na kra jipi wa jiha ratiikaü ranaiq na, ramdong ka henghea kha maq, mungmaiqse jaq na aphaq asea chang jamlai min ahü she riito.

ISAIA 22:2

Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

ISAIA 49:15

Kriikhaniishe Tatiwe raq tretlo, “Jechak nyung raq ase noshii ka milaqbaiq shea? apuk maq adong ase ka lungwii mak sha miraq? Anyung raq ase ka laqbaiq raümin, Ngi raq ümniika laqbaiq mang phan.

JEREMIA 19:9

Re raq ara chela arka trotam maq mikom wan. Raüta chelati ka atsea mirbaiq wan. Re raq chela kom wan tlaq akhing na, chela mong na siti mungmaiqse miika pinthum phiiptsi chang miraq. Kra litkot chamchao tsi akhing na maiqnai maiq liipan na maiq ngam ka aphaq miraq. Kiimaq tsangshiq raq tsangsetiim kra dongdii min aphaq miraq.”

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

AJONJÜ 2:20

O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!

AJONJÜ 3:48

Iphan imaq then wan riihum kha maq, Imakphai ka rajun khamkai ikha.

AJONJÜ 4:3

Ngamthaiq phan shekaü riimin, asetiim ka aheawiq pü raüta tiichhanchhitlo. Shatmaq, inok ita nyungre riika, wuthon kaü ngitlaq ikha, asetiim ka pinthum kiqlahiiphii maq, atsea ason li she riitlo.

EJEKIEL 5:10

Kra chamchao tsi akhing na, Jerusalemti nyungwere raq asetiim ngam kra miphaq. Kiimaq asetiim raq anyungwe ngam kriishe miphaq. Ngi raq ümniima mo mitiihoha. Kiimaq aso atra tiichongtlaq thun ka barap binrii na pong mung thun kiina wiita miwan baiqha.

LEWI 26:29

Namshiq ka ram raq haü wan lanta pitlang pitthea she mihaü wan han. Namlang pitsi ma namsetiim ngam kriishe miphaq han.