AJONJÜ 4:9 - ASII LAKDAP Bible (BSI)

⁹ Redong akhing na tsaiwanti thun ka, jai na atinkhan chamchao raüta tsaiti, thaq na kiim ahea lin. Jamkhano ngukla, jai na tsaiti ka ram raq ajam riiwan raüta, tsai wanto.

Hawa Naga Bible 2001

⁹ Ralx nuex thueyc wvnc jix hez kuex rvmc rueq jauz susuc maq, thuiuzthuic pat thueyc wvnc jix htauk nuex muinz pinhtumc vhvlx rvtueq.

AJONJÜ 4:9 Referencias Cruzadas

2 HOKHVMX 25:3

Kra rawii wa jipi lüblai she angu na kra jipi wa jiha ratiikaü ranaiq na, ramdong ka henghea kha maq, mungmaiqse jaq na aphaq asea chang jamlai min ahü she riito.

DUNGWVNC 16:3

Kiimaq tsangshiq raq akha nguto, “Naishiq arka Tatiwe raq Ejip mung niili tsat baiq raüjaq ahea riichang wa. Kiijaq naishiq raq wok raq atang tang tolonglong nga laita ngam ka wok phetaktak phaqsiqkai kiimaq laihin phaq nai sea kiimin maiqmii raq aroro phetak phaqsiq tiikai arwa. Shatmaq ümchaütiq nya ümniiraq naishiq ka ara kumtsaiphii rumnyangkhi mung na tsuq wan laüta naishiq tarü ka ram ma tiihaü tlaü.”

ISAIA 22:2

Chelati mungmaiqse ka arii ariiq, agi asii watrang kiimaq achhang ahang watrangla. Ümsengi ara redong na tsaitaq thun ka rekhat lam maq tsaimak dea.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

EJEKIEL 24:23

Namshiq ka khu loktam tiisi lanta khum maimak. Kiimaq hokpa ahü maq hoksii maq khumkai min maimak. Kiimaq maaho majü hosii kiimin maimak. Namshiq ka nam ngarai khana simikii jam wantlaq ikha ajam mirwan han. Kiimaq namshiq nai namshiq liipan na mihan ngiq han.

EJEKIEL 33:10

Tatiwe raq ngi ma akha nguto, “Maiqse lei, Israilnok raq jamlai wa ngutlaq kra ümniiraq tsangshiq ma bliiq chongkuq nonglaq: ‘Nashiq ka na ngarai ma riili pattiikai. Kiimaq nashiq raq ashut klo wan kai kra homa holaita sitiikai. Nashiq rilung ka ajamrai she riiwanto. Nashiq ka atra jamkho misi rong i?’

EJEKIEL 4:16

Kiimaq apaiq kiijaq tiitsuqsaq nguto, “Maiqse lei, Ngi raq Jerusalem na phaq nai sea howan chang lam ka achum she mirbaiqha. Kiijaq siti mungmaiqse ka haikhiq lam miili rai awong kra haptase maq shin raü raüta mishongsiq. Kiimaq kham kiimin shin raütli minyang.

EJEKIEL 7:15

Chiihea wea lam thun na rekhat trangli she. Jamkun thun na atsi asi nai ramdong riili she nyam wanto. Chiiphai na rum na maiq ümchuwa sitlaq kriithun ka re rai riikhat lam maq mijiim wan. Kiimaq chela mong na ümchuwa sitlaqti thun ka thadong raq nai ram raq mijiim.

LEWI 26:39

Namshiq phong wa abung akhüse atra tiichongtlanti thun kiimin, namshiq maiqmii ngarai nai namtitiim ngarai ma ka holantli she ajam riiwan lanta misa wan han.

TRI CHONGKE 28:51

Tsangshiq raq üm nyamsekong ka mitaa phaq. Kiimaq ümtü ümtsam ka miphaq siq. Kra ningkhan ümniika ram raq mitsai haü. Tsangshiq raq ümniima üm bunwong, spiqtai, olip tai, jam nyamse kong riimakla, sku kong ka ümniima jamlai min tiichong kuq mak miraq. Kra ningkhan ümniika atsai she mirhaü.