Matthew 11:23 - ASII LAKDAP Bible (BSI)

²³ Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!

Hawa Naga Bible 2001

²³ Kapernaum lex! Mnoz kuex raungmungx nuex httuiuc laz tenpic kuy rvhumc taungx ngoz tueq haz tvmaung vshuiux? Wulumx mungx nuex httuiuc laz tvdvy gay juex rvhumc tuiux! Yvmx khoc lac ngoz ruiux lec mhtauk nuex vwangc juing vshuimx wvnc kuex Sodom nuex shuimx wvnc ruiux yuq, kvruex ghaq kuex majuiuc raungnuiyq nuex httuiuc laz phaungx ngaungx khvmz tueq!

Muklom

²³ Etho Capernaum samhaq, nim aa nim ni nim rangma mungtan náng thula aluk tathin shing inn i? Nim raa walmungtan náng sey bichak phanin! Bara patja jaksom sha nim jaktung o somta, eshi patja sha Sodom haq na takhi ta jo thanga tho atha ang wang ta.

Matthew 11:23 Referencias Cruzadas

RAPHA HIQWA LAK 13:13

Kiijaq sitinok ka abi kiimaq Tatiwe makki na ngarai kloti riito.

AJONJÜ 2:1

Tatiwe raq atsankhiqtsi ma Jajon ka, ranyaq maq khup baiqto, apaiq thaq wa ramungtan khushü chhainyii, ashthen riibaiqto. Apaiq tsankhiq ranaiq apaiq raq, Shomjam kiimin tiishaübaiqto.

EJEKIEL 26:20

Ngi raq ümniika richü pat niiphü wulum mung na sitinok pha niishe mitiikiha. Lata Ngi raq ümniika hiq mong nyang na pattup pat-sa miitu then wantaq kra mung na maiq atsai arkiti rai she mitiisiha. Krai mren, ümchela na maiq ka ümtiikiimin simak she miraq. Kiimaq ümniika atra siti mung na mang ahüshe miraq.

EJEKIEL 31:14

Riita arningkhan, ümchaü armiiphat sanha, pechong ka chongshi ra min, kham maq ümtinkhan li nyuk raü jiimin, kra chong jongtaq kiikhiika, diiluhea jongmak she, riimakla achong mun ka ra na phumda tleali jong mak she miraq. Kiimaq atinkhan diiluhea ka jongmak she miraq. Tsangshiq wiita atsaikaiti siisaq, maiqse tsaiki tlaq ikha, wulum mung na kaihodamti kong siisaq.”

EJEKIEL 32:18

“Maiqse lei, Ejip mungti mungmaiqse pahea maaho hoqlaq. Tsangshiq ka maiq mung thun pahea ningkun jongheanok rai wulum mung na tiikibaiqlaq.

EJEKIEL 32:24

“Elam mung kiimin kiijaq, asengi phenlabi maakho phong ka trotam na. Tsangshiq tarü ka re na atsai siisaq. Kiimaq tsangshiq kunli atho hanhü maq wulum mung na kihoto. Tsangshiq atra siji na maiq tiiphiip wanto. Shatmaq ümchaü ka amaa phong kiimaq jeangaü raütli she sitlo.

Obadia 1:4

Ümniiraq ümjam ka ratsan se na, liihawe chü ikha hailaü jiimin, ra na raiqsaiq phong na apaq ikha, li jiimin, ngi raq ümniika mitiidea hit baiqha.

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 16:18

Kriikha maq, ümchaü ngi raq ümniima chongtiikang; ümniika Petar. Ümniika longkaü she. Kiimaq ara longkaü arthaq na, ngi raq i phungtu ka mishong wan ha. Kiimaq ara phungtu shong tiikang arka atsai ningkun raq dongdii min tiimeshi lot mak miraq.

Matthew 17:24

Jesuq nai ajaqshisetiim ka Kaparniam chela niishe saühoto. Tsangshiq ka kiijaq sishon bala, Shomjam phunta hitinok ka Petar phana waraüta, “Namshiq shrinketi we raq shomjam phunta ka kuqtlaq sha?” nguta waito.

Matthew 4:13

Apaiq ka Najareth hiq na simak she riito. Shatmaq, Jebulun nai Naphtali weraü sichang hong na Gelili Thamkii tho na Kaparniam chela na wawan raütiishe siwato.

Matthew 8:5

Kriimaq Jesuq ka Kaparniam chela niishe saühoto. Apaiq ka kiijaq saükai ri li she, Roman phenlabi siihiip we ka apaiq rai riihumto. Raüta Jesuq man na akha tiipaiqneato,

Luke 10:15

Kiimahali, namshiq Kaparniam chelati le! Riita, namshiq sha ramungtan na dü wanti ngukai! Ngi chongpha. Namshiq ka wamungtan niishe mitiidea baiq!”

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Luke 16:23

Riita, apaiq ka wamungtan na tiiki baiqto. Kriijaq apaiq ka pinthum chamchao siwanto. Apaiq raq ra nü na liito. Raüta Abraham ka ratsan ramong nyang na nga raü chhito. Kiimaq, Lajaras ka Abraham tho na nga raü chhito.

Luke 4:23

Kiijiishe apaiq raq, “Ngi raq sapshat, namshiq raq, ngi ka ara bomtsi armaq mikhettot han, ‘Taktot we, ümthatsi ka kongkhu tiihea liishaq,’ nguta mishipoq han. Kiimaq, namshiq raq, ngi nangnga, Kaparniam na awang chang jaqsham wankang kra, ara i hiqshong ajiimin sham nonglaq nguta mingu han.”

Acts 2:27

Shiikeawe ümniiraq ngi ka wulum mung na tiinam baiq maü. Ümjaqshise maiqshaq ashi ka, maakho niili ka triim baiq maü.

Acts 2:31

Shiikeawe raq rawiichii ji na Khristo ka amaa wa mitiidong wan nguta, Dawit raq riisham mak maq chhi wanto. Kriikha miitiina, Dawit raq ara riisham bom maq tiithai chong thütaq. Apaiq raq akha chongto, ‘Apaiq ka wulum mung na miimbaiq mak dea. Apaiq maa ka maakho mong na tiinam baiq mak dea.’

Jude 1:7

Kiimahali, namshiq raq tsan na tiitsang shat rong laq, Sodom nai Gommora chelati nai kra chela nai tho na siti maiqse ahinti thun riimin la, rasetiim raq tangtaq kiikha sethoq ngarai nai hi-awaq ikha riinyat shat ngarai kra tang raüta siwanto. Kriikha na, tsangshiq ka pattup thum mak phan wa maq, tiikhiim chaq baiqto. Kriika maiqse angu tarü ma, hon chongke miitu shiithen baiqto.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

Revelation 11:8

Kiimaq, tsangnai maa ka kra chela jonghea, tsangnai Tatiwe pumsongkham na tübaiqtaq kiijaq chiiheawea lam na küram liira tiibum raqraq miraq. Riita, kra chela shiiton mang ka Sodom chela riimak la Ejip nguta miraq.

Revelation 20:13

Kiijiishe, sammoktra jü raq kham jong mong na atsai wan thun maiq amaati thun ka tiidong baiq wanto. Tsailam nai wulum riimin tsangshiq jaqkhon mong na maiq amaati thun ümchuwa sitlaq kra, wiita she thaq baiqto. Kiimaq tsangshiq wiitarü ka tsangshiq raq jamlai wa sham wantaq, kra phanphan she tsangshiq kha ka phokuqto.

Revelation 6:8

Kiijaq ngi raq liikang. Kiimaq lütaitai kaü, kumrang ashi chhikang. Kriithaq na chaoti we mang ka Tsailam we nguta chongtlo. Kiimaq apaiq jaiphanti we mang ka Wulum we nguta chongto. Tsangnai ma mangjong maiqse ka, manblai wa manshi rii ka redong na, ramdong na, kiimaq thadong raq, kiimaq rum ngamse lümaq tiijiip baiq miitu arang kuqto.