Matthew 11:23 - Muklom

²³ Etho Capernaum samhaq, nim aa nim ni nim rangma mungtan náng thula aluk tathin shing inn i? Nim raa walmungtan náng sey bichak phanin! Bara patja jaksom sha nim jaktung o somta, eshi patja sha Sodom haq na takhi ta jo thanga tho atha ang wang ta.

ASII LAKDAP Bible (BSI)

²³ Kiimaq Kaparniam chelati le! Namshiq ka ra niishe dü wan rong i ngutiisha dan tlan ngu kai? Namshiq ka wamungtan niishe mitiidea baiq kiiphan! Namshiq hiq na ümchuwa awang chang jaqsham wantaq kra, Sodom chela na shamkuq wantaq ngu raü jiika, Sodom chela ka ümchaü min asi li riichang wa!

Hawa Naga Bible 2001

²³ Kapernaum lex! Mnoz kuex raungmungx nuex httuiuc laz tenpic kuy rvhumc taungx ngoz tueq haz tvmaung vshuiux? Wulumx mungx nuex httuiuc laz tvdvy gay juex rvhumc tuiux! Yvmx khoc lac ngoz ruiux lec mhtauk nuex vwangc juing vshuimx wvnc kuex Sodom nuex shuimx wvnc ruiux yuq, kvruex ghaq kuex majuiuc raungnuiyq nuex httuiuc laz phaungx ngaungx khvmz tueq!

Matthew 11:23 Referencias Cruzadas

Matthew 10:15

Nga nim ma khakla bat phang, Khaphung Saal o Sodom ni Gomorrah samhaq miqtang ma iri samhaq miqtang phey náng eq Shkewa manchan ahan takhina.”

Matthew 16:18

Etho nga nang ma bat phang, nang Peter etho iri long kho ro nga i mondoli hun náng, etho walmungtan shey ira jin lìt moq angna.

Matthew 17:24

Jesu nia ujiphantey tang Capernaum náng thuta tho, Rangnuk him phunta qheytey tang aa Peter ma pitta, “Nim tataltey wa aa Rangnuk him phunta ko moq i?”

Matthew 4:13

Piq Nazareth samhaq náng kat hung aa, Capernaum samhaq náng kata. Capernaum samhaq Zebulun ni Naphtali mung na, Galilee shitim relna angta.

Matthew 8:5

Jesu Capernaum samhaq náng thuta tho, ashey Rome ajongwa eq Jesu relnáng ka eq nong chu eq batta.

Luke 10:15

Etho Capernaum samhaq, nim aa nim ni nim rangma mungtan náng thula aluk tathin shing tin i? Nim raa walmungtan náng sey bichak phanin!”

Luke 14:11

Utang eq piq ni piq ma rangka sha aming ma hunna etho utang eq piq ni piq shima aming ta thaming asha ajong ma hunna.”

Luke 16:23

Etho walmungtan na, bari katang na piq rapney tsamnang chey ta, eshiwang piq aa aluk náng tun siin atho alo na Abraham jamna Lazarus tong chey atha khita.

Luke 4:23

Piq aa ning ma batta, “Nga usam eq ang, nim aa iri raaq tang raa nga ma bat phanin, ‘Taksa siintey, nang ni nang shi taqhal u. Capernaumna nang aa chamlang somlo tu tha í aa tatti, eshimal hun iri samhaq roq somlo u.’

Acts 2:27

Chammatakoi nang aa irollung sha utik mingkang o shingchak mu ang nu; etho nang aa uhantey ba sanga, nga sha haq mong o shal ma kot mu ang nu.

Acts 2:31

David aa Shkewa chamlang som na tha ukhi eq ta, ethirangma Messiah Khristo ti eq lun raaq tha David aa batta, ‘Piq sha utik mingkang na shingchak moq angta, Piq hanphung sha haq mong na shalti moq angta.’”

Jude 1:7

Sodom nia Gomorrah etho eshi rel wang samhaq tang shi tasik inn, eshiwang miqtang sathuk somtey angta etho adak adak jashit jaksom somlo ta, ning aa pattuk wal tsamnang kapta etho esha thaji rangma raaqtathak ang aa.

Revelation 1:18

Nga atharang. Nga utik ang táng, etho thanga siin u, nga pattuk rangma atharang. Utik nia utiktey mingrip mungrang sha i jaktáng na.

Revelation 11:8

Etho ning hanphung tang tha ajong samhaq lamkang na tashing na, barina ning Teyhungwa tha bólq o botchak ta. Eshi samhaq sha maal mal eq Sodom tia Egypt ta miing o hal aa.

Revelation 20:13

Jungku eq eshina tiktey tang tha kochak ta. Utik etho utik mingkang aa eshi utiktey tang tha shingchak ta. Etho thaji shima ning jaksom mal ning tha phung ta.

Revelation 6:8

Nga khi ang tho apil mok angta; etho uroptey miing tha utik angta; etho piq jina utik mingkang angta; eshi ni ma jantong, wokcham tong, tak asa, etho jatngam tang tungkang o miqtang sha tikwat eq mingkang sha phal bali ma phal shey sha jaktáng o shing ma eshi ni ma kotchak ta.