Matthew 11:22 - ASII LAKDAP Bible (BSI)

²² Ngi raq chongtiikang arka tengteng. Phangthum Khapho Ranaiq na Shiikeawe raq namshiq nam ma Tajar nai Sidon chelati ma mangchan apa lin mitiichhi kuq!

Hawa Naga Bible 2001

²² Kvkhoc rvtueq nuimnueyc muex ngaz rueq jungx kuq ix, Muingphox shuex Raungnuiyq nuex Tire nuiyc Sidon kuex nuimnueyc htauk nuex muinz vhvlx lanc dvyx rvtueq!

Muklom

²² Etharin nga nim ma bat phang, Khaphung Saal o Tyre nia Sidon samhaq miqtang ma nim wang ahan manchan takhi na.

Matthew 11:22 Referencias Cruzadas

JEREMIA 27:3

Raütiishe Tatiwe raq ngi nangnga, tsütsa ka Mob mung hokhamwe, Ammon mung hokhamwe, Tajar mung hokhamwe, kiimaq Sidon mung hokhamwe ma, tsangshiq kiimwebi Jerusalem na Hokhamwe Jedekia phana awa kriiti ma tiichongholaq nguta chongto.

EJEKIEL 29:18

“Maiqse lei, Bebilon mung Hokhamwe Nebukadnejar raq Tajar chela ka khatto. Raüta apaiq raq aphenlabi ma hupsam ka pinthum laihea tiihowanto. Kra ningkhan tsangkhu po ka hopaq raq latsiq raüta kealoklok riito. Kiimaq tsangphaq lam thun ka chicho raq lat rat raüta ami atsi tamli she riito. Shatmaq kra hunniisiqtaq kra miitu hokhamwe nai asenginok raq jamlai liip min lapmak dea riito.

Yoel 3:4

“O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

Matthew 10:15

Ngi raq chongtii- kang arka tengteng. Liirong laq, Phangthum Khapho Ranaiq na Shiikeawe raq kra chelati thun thaq na, Sodom chelati nai Gommora chelati miika, phanshi mangchan apa linlin mitiichhi kuq wan!”

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Matthew 11:24

Namshiq ka khekham maq siwan rong liijo. Phangthum Khapho Ranaiq na Shiikeawe raq namshiq nam ma Sodom chelati ma mangchan ka apa lin mitiichhi kuq!”

Matthew 12:36

“Ngi raq chongtiikang arka tengteng. Phangthum Khapho Ranaiq na maiq khumtek raq maiqmii nübok maq ümchuwa shiiton hü maq bomtaq, kra bomtsi awea, apaiq raq bom tre chang miraq.

Luke 10:14

Shiikeawe raq Phangthum Khapho Ranaiq na, namshiq thaq na Tajar nai Sidon chelati ma mangchan ka apa lin mitiichhi kuq!

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.

2 Peter 3:7

Kiimaq ümchaü ara ra thun nai mangjong hiqdiim sitlaq armin, Shiikeawe aming ningkun maq sii hali shiikum pan raüta rüm tlo. Armin ranaiq shishi ka, wa maq tiikhiim chaq raütiishe shiithen baiq wan miitu rüm tlo. Riita ara ra nai hiq ümchaü Shiikeawe raq rüm tlaq arka, jai maq Shiikeawe lamphan sapmakti abi maiqse thun ümchuwa sitlaq kriikha phokuq tlaq akhing na tiinamtok thaübaiq wan miitu rüm tlo.

1 John 4:17

Shiikeawe raq apaiq lungwiitsii ka nashiq mongjii na, asho awo tiima thap kuqto she. Ara tiima thap kuqtaq arka, Phangthum Khapho Ranaiq na nashiq ka tsailam jilam maq chap wan miitu kuqto. Kra Ranaiq nashiq ka tsailam jilam maq, misi rong i. Jamkhano ngukla, ümchaü nashiq rilung ara mangjong hiq maq, Jesuq rilung jamkho siwantaq kiikha sitiikai.

Revelation 20:11

Kiijiishe, ngi raq Shiikeawe ka ajong alu lüdiidiihea hokham ngachang ngacho na nga raü chhikang. Ra nai hiq kiimin maklii liipan niili she pan wanto chhikang.

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.