Matthew 11:21 - ASII LAKDAP Bible (BSI)

²¹ “O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Hawa Naga Bible 2001

²¹ “Korazin lex, mnoz kuex kuilc daz rvhumc toq! Betsaida lex, mnoz muinz kuilc daz rvhumc toq! Yvmx khoc lac ngoz ruiux lec nuimnueyc htauk nuex vshuimx wvnc yauk shuimc kuex, Tire nuiyc Sidon ghaq htauk nuex shuimx wvnc ruiux yuq, kvruex ghaq nueyc kuex mvnnuex phuex ruiyhec khvy svmx vtueq tvp htauk nuex ngaungc ruiux thuinz layc wvnc khvmz tueq!

Muklom

²¹ “Chorazin samhaq, nim ma rapney tsamnang angna! Bethsaida samhaq, nim ma tho rapney tsamnang angna! Bara patja jaksom sha nim jaktung o somta, eshi patja sha Tyre nia Sidon samhaq na ang ajo, ning sha ning ngarey wang wey welta ta takhima, jakho wangduk jin kaley ang wangta, etho thola khat sam eq etho ning kho o botkhi won wangta!

Matthew 11:21 Referencias Cruzadas

YOBA 42:6

Arkha na ümchaü ngi ka ümchuwa bomrai kang kra miitu jeasi she kra ningkhan botkhulai nai tapkhu maq tiinyat lata imra tiidii tiikang.

JEREMIA 13:27

Apaiq raq saisitlaq thun kra ümniiraq klowan laü thun ka apaiq raq chhito she. Apaiq raq ümniika thatsang maiqse sumla phra thun shomnoq kai ku akin thun na kiimaq wakjam ram thun kiina shomnoq wan kriika wiita achhi wanwi siisaq. Laüta ümniika maiqwe ashi raq achak sishat taü maq maiqchak rai sraki tlaq ikha sra wan laü. Kiimaq kumrang pongwe ka kumrang kaüshii kaü kra chhiraüta pherai tlaq ikha phephiiq wan laü. Jerusalemti lei, namshiq ka miqlan she! Namshiq ka ümtincho shetiq wa asii maiqsetiim ma mijahan?

Yoel 3:4

“O Tajar mungti nai Sidon mungti lei, kiimaq Philistain mungti lei, namshiq raq ngi ma jamlai phan khü akha thamke wan chang ngtiiwa tankhan tlan? Namshiq raq kiikha tankhan tlan jiila, ngi riimin namshiq ma mithamkuq wan kang! Kherong laq ahea na!

AMO LUIK DVP (AMOS) 1:9

Tatiwe raq ngutlo, “Tajar chela raq atang wan ngarai ma, hiq ma ra ma she tang wanto. Arningkhan ngi raq tsangshiq kha, tiijoq mang mipho ha. Jamkhano ngukla tsangshiq raq, siphu sino tongshong tri raütu wiita jin wanto. Raüta maiq hiqshong ashi wiita, Edomnok di ma shaphaqto.

Matthew 11:22

Ngi raq chongtiikang arka tengteng. Phangthum Khapho Ranaiq na Shiikeawe raq namshiq nam ma Tajar nai Sidon chelati ma mangchan apa lin mitiichhi kuq!

Matthew 15:21

Kra jai maq Jesuq ka kiiwa tiido wan raüta Tajar nai Sidon chela binjü thotho niishe wawanto.

Matthew 18:7

Ara mangjong hiq na mangjong maiqse ma phiiptsi chang ka pahea asi. Maiqse ma apaiq kamasham lam kriiwa tiidea baiq chang maitai ka pahea sitlo! Akha abi maitai arka misi dongdii. Shatmaq juwe lümo maiqse ka apaiq kamasham lamphan kriiwa tiichhan baiq tlaq, kriiti miika pinthum phiiptsi chang!”

Matthew 26:24

Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Mark 3:8

Jerusalem wa, Idumea wang wa, Jordan rai maq shedong nü wang binjü wa, kiimaq Tajar nai Sidon chela tro wa awarai riito. Tsangshiq ka Jesuq rai riihumkai nguta kito. Tsangshiq ka Jesuq raq amao chang sham akai sham tlaq tsütsa kra tai raüta akirai riito.

Mark 6:45

Kiimaq tlothit li she, Jesuq raq ajaqshisetiim ka lai na tiingato. Raüta, apaiq ma sinkhu na, Thamreko na Bethsaida hiq maq khewan li ronglaq nguta thaüto. Kiimaq apaiq raq mungmaiqse ka jam na tiiwa baiqto.

Mark 7:24

Kra miishe Jesuq ka tiido wanto. Raüta, Tajar chela tho binjü niishe wawanto. Apaiq ka maiq jam ashi na dü wato. Kiimaq apaiq ka kiijaq asi nguta maiq ahinti ma tho tiihe romak riito. Shatmaq, apaiq ka tiipaü lot mak.

Mark 7:31

Kra raütiishe, Jesuq ka Tajar chela binjü ka baiqthü raüta, Sidon hong lam maq kihoto. Raüta, Chela Roqshi hong binjü maq, Gelili Thamchum hong nü niishe wawanto.

Mark 8:22

Tsangshiq ka Bethsaida hiqshong na saü wanto. Kiijaq maiq wiijamti raq makchuk we ashi ka Jesuq phana shea wanto. Kiimaq Jesuq ma adü na jaq maq shamlaq nguta tiipaiqneato.

Luke 4:26

Shatmaq, kra ramdong bala Shiikeawe raq Elija ka Israilnok mungti pha na tiiwa mak dea. Shatmaq, apaiq ka Sidon hong na, Jarephath chela na siti manti-nyung ashi phana tiiwato.

Luke 6:17

Jesuq ka hiqlam maq, akiimwetiim rai satki raüta, hiq thung ba na, ajaqshisetiim pahea rai chapto. Maiq mungnyung mungse, Judia wang tlotli wa, kiimaq Jerusalem wa, kiimaq Tajar nai Sidon hong na khamjong kii na atei chela thun wa awa rai thun ka kiijaq thungto.

Luke 9:10

Kiimwebi thun ka trahokai rii maq jang wan raütiishe, Jesuq ma tsangshiq raq ümtinkhan wa jaqsham wantaq, kra tsütsa ka tiitai kuqto. Apaiq raq tsangshiq ka, apaiq rai shea raüta, Bethsaida chela niishe kihoto.

John 1:44

(Philip ka Andru nai Petar sichang Bethsaida hiqti sii.)

John 12:21

Tsangshiq ka Philip pha na wato. (Apaiq ka Gelili wang na Bethsaida hiqti riito). Raüta, apaiq ma, “Shiilang we lei, naishiq ka Jesuq rai riihum ro tiikai,” nguta bom ka tiitaito.

Acts 12:20

Herod ka Tajar nai Sidon chelati ma tsankhiq hea riito. Kriikha maq, kra chela anai wa mungmaiqse welabi thun ka Herod rai riihumkai kito. Tsangshiq raq apha na tsangshiq khrumke miitu, hokham we jam kheti we Blastas ka kongkhu na tsangshiq kiimwe ma tiija ma nguta tiijom na wanto. Raütiishe, Blastas ma tiishea raütiishe, tsangshiq ka Herod pha na riihum wa wato. Raüta, Herod ma, ari aram miidea singa rong i nguta, bom ka tiitai chong wanto. Jamkhano ngukla, tsangshiq chela anaiti raq aphaq asea chang raipo wonglo thun kriika hokhamwe sengi jaq wa riphaq siqtlo.

Acts 27:3

Kiimaq napjai ranaiq naishiq ka Sidon chela na saü wan kai. Julias ka Paul ma mangchan asi riito. Krai mren, Paul ma jamlai phan wa rong raa tlaq, kra akongtitiim raq mikhrum kuq laq ngo maq, Paul ka akongtitiim rai riihum nai riibom riinyiim, ahai asea lam miili shea wanto.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

Revelation 6:12

Kiimaq, Skuse raq sil atrap trok ngoja kriishe tiibun raüta linto chhikang. Kra linri, hiqjong mu jonghea muto chhikang. Kiimaq rashe kaü ka khea nyaq thum maq apang baiq ikha nyaqdok, ranyaq tangtang nyaqkito chhikang. Kiimaq jipi kaü ka tiijai ma anyuk rat ikha, shiidangdang she shiikito chhikang.