Matthew 11:21 - Muklom

²¹ “Chorazin samhaq, nim ma rapney tsamnang angna! Bethsaida samhaq, nim ma tho rapney tsamnang angna! Bara patja jaksom sha nim jaktung o somta, eshi patja sha Tyre nia Sidon samhaq na ang ajo, ning sha ning ngarey wang wey welta ta takhima, jakho wangduk jin kaley ang wangta, etho thola khat sam eq etho ning kho o botkhi won wangta!

ASII LAKDAP Bible (BSI)

²¹ “O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Hawa Naga Bible 2001

²¹ “Korazin lex, mnoz kuex kuilc daz rvhumc toq! Betsaida lex, mnoz muinz kuilc daz rvhumc toq! Yvmx khoc lac ngoz ruiux lec nuimnueyc htauk nuex vshuimx wvnc yauk shuimc kuex, Tire nuiyc Sidon ghaq htauk nuex shuimx wvnc ruiux yuq, kvruex ghaq nueyc kuex mvnnuex phuex ruiyhec khvy svmx vtueq tvp htauk nuex ngaungc ruiux thuinz layc wvnc khvmz tueq!

Matthew 11:21 Referencias Cruzadas

Matthew 11:22

Etharin nga nim ma bat phang, Khaphung Saal o Tyre nia Sidon samhaq miqtang ma nim wang ahan manchan takhi na.

Matthew 15:21

Jesu ethi haq tha shing chak eq, Tyre ni Sidon samhaq tang mung náng kata.

Matthew 18:7

Miqtang ma ngarey tasom tang tungkang o, iri mingkang ma rapney shi aa! Irimal hun ang chey na, etharin imal ang chey ma kottey miqtang ma rapney tsamnang.”

Matthew 26:24

Asang likwit na chamal bat aa, Miqna Sa irimal wang tina; etharin bari miq eq Miqna Sa thalo na, piq rangma chamtan tsamnang angna! Piq chang moq angta jo aqhal ang wang ta!”

Mark 3:8

Jerusalem wang, Idumea wang, Jordan jungku saalnop kowang, Tyre nia Sidon ajong samhaq kingkang wang ning thuta. Jesu aa chamlang somlo ta ethi tang tha tat eq ning thaji thuta.

Mark 6:45

Kalo hun Jesu ujiphantey tang tha waqwan o tatong eq shitim adak kang kona Bethsaida ta miing aa ashey haq thináng piq náng eq jakho takatta, etho piq ethina tongtey miqtang tha ning himnáng takat eq banta.

Mark 7:24

Ethi jio, Jesu eshiwang thalat eq Tyre ta ashey samhaq kingkang náng kata. Piq ashey himmong thináng nop ta etho utang jamoq tho tachong ma nuk moq angta, etharin piq shu shu eq jin tong moq sey angta.

Mark 7:31

Ethi jio, Jesu Tyre haq tha shingchak eq, Sidon mung wang ang eq Galilee shitim kowang etho Decapolis mung thináng kata.

Mark 8:22

Etho ning Bethsaida náng thuta, etho chamtey tey miqtang aa ashey miikduk tha urelnáng thoksol eq piq ma batta, “Tinshit wang iri miq ro tatit u.”

Luke 4:26

Etharin, Elijah tha Israel miqtang him ashey náng tho takat moq angta, piq aa Sidon mung Jarephath samhaq náng notinu ashey him náng chen takat ta.

Luke 6:17

Jesu baluk o apostle tang jamoq haqkan wang sey jupha tho, piq tha daqhan ujiphantey tang jamna haqthung na langta. Eshina Judea etho Jerusalem wang daqhan miqtang angta; Etho Tyre nia Sidon jungshi kang samhaq wang miqtang angta.

Luke 9:10

Apostle tang tha wel eq ning aa chamlang somlo ta tang thaji tha Jesu ma batta. Etho Jesu aa ning tha hotshu eq piq jamoq sol eq Bethsaida tamiing aa ashey samhaq náng katta.

John 1:44

Philip Bethsaida samhaq na tongtey angta. Eshi samhaq sho Andrew nia Peter tho utong angta.

John 12:21

Ning Bethsaida Galilee na tongtey wa Philip relnáng thu eq piq ma tin thanin eq batta, “Tatalteywa, í aa Jesu tha khi ma nuk i.”

Acts 12:20

Herod Tyre nia Sidon miqtang ma rapney khata. Ethi rangma eshi miqtang tha Herod jamoq tachong ma thuta. Lungwang him siintan tey Blastus jamoq jakho wanta, ning Herod relnáng thu eq nungmay ang rangma batta. Chammatakoi ning mung na Herod mungwang phaksat kapta.

Acts 27:3

Saal dak o í Sidon mung náng thuti. Julius aa Paul ma rapney tinshitta etho piq ma chamlang ràa aa sha kotma piq tha unokwa tang jamoq tachong ma kot ta.

Jude 1:11

Ning ma chamtan jashit ang aa, ning aa Cain lam ji phan aa. Ngin rangma Balaam aa thaja somlo ta mal ning ni ning aja náng taqhat aa. Ning Korah mal tharal aa, etho piq mal ning sha thun ti aa.

Revelation 11:3

Etho nga i miikkhi kottey ani sha takat náng. Etho ning 1,260 saal nángduk jashit khat sam eq raaqtóng na.”

Revelation 6:12

Kelwut sa tashak chol tharok tha lak atho, nga khi táng tho ashey ajong haqkung shin ta. Etho rangsal tha kelrun wang hun aa khatmak mal amak angta etho jappi tha tahi mal shangta.