Nehemia 1:5 - Bibl Koad 21: Ar Bibl e Brezhoneg evit ar Vretoned

hag e lavaris: Da bediñ a ran, AOTROU, Doue an neñvoù, Doue bras ha spontus, a vir an emglev hag an druez evit ar re a gar ac'hanout hag a vir da c'hourc'hemennoù!

Nehemia 1:5 Referencias Cruzadas

1 Rouaned 8:23

hag e lavaras: O AOTROU Doue Israel! N'eus Doue ebet eveldout, na d'an nec'h en neñvoù na d'an traoñ war an douar, o virout an emglev hag an drugarez e-keñver da servijerien a gerzh dirazout a-greiz o holl galon.

1 Danevelloù 17:21

Ha bez' ez eus war an douar ur vroad heñvel ouzh da bobl Israel, a zo bet dasprenet gant Doue evit ober anezhi e bobl, hag evit ober dit un anv dre draoù bras ha spontus, en ur gas kuit broadoù dirak da bobl ac'h eus dasprenet eus an Ejipt?

Ezdra 1:2

Evel-henn e komz Kiruz roue Persia: An AOTROU, Doue an neñvoù, en deus roet din holl rouantelezhioù an douar, hag eñ e-unan en deus gourc'hemennet din sevel un ti dezhañ e Jeruzalem a zo e Juda.

Nehemia 2:4

Hag ar roue a lavaras din: Petra a c'houlennez? Neuze e pedis Doue an neñvoù,

Nehemia 4:14

Goude e sellis, e savis hag e lavaris d'ar re vras, d'ar renerien ha da nemorant ar bobl: N'ho pet ket aon razo, ho pet soñj eus an AOTROU, a zo bras ha spontus, ha stourmit evit ho preudeur, ho mibien, ho merc'hed, ho kwragez hag ho tiez.

Nehemia 4:8

Hag en em zastumjont holl a-gevret evit brezeliñ a-enep Jeruzalem, hag evit ober gaou outi.

Nehemia 9:32

Ha bremañ, hon Doue bras, galloudek ha spontus, a vir an emglev hag an drugarez, na sell ket evel nebeut a dra ouzh an holl drubuilhoù o deus hon tapet, ni, hor rouaned, hor pennoù, hon aberzhourien, hor profeded, hon tadoù ha da holl bobl, adalek amzer rouaned an Asiria betek hiziv.

Salmoù 47:2

C'hwi, pobloù, stlakit holl ho taouarn! Laoskit kriadennoù a levenez da Zoue, gant ur vouezh drant!

Salmoù 76:8

Te a zo burzhudus, piv a c'hell padout dirazout adalek ma en em ziskouez da gounnar?

Salmoù 89:2

Kanañ a rin da viken madelezhioù an AOTROU. Va genoù a embanno da fealded a oad da oad.

Salmoù 89:3

Rak lavaret em eus: Da vadelezh a bado da viken, lakaet ec'h eus da fealded en neñvoù.

Salmoù 89:8

Doue a zo spouronus e bodadeg ar sent, spontusoc'h eget an holl re a zo en-dro dezhañ.

Ermaeziadeg 20:6

hag a ra trugarez betek ar milvet rumm d'ar re a gar ac'hanon hag a vir va gourc'hemennoù.

Adlezenn 7:12

Mar selaouit ar barnedigezhioù-se, ma virit anezho ha ma grit diouto, an AOTROU da Zoue a viro dit an emglev hag an drugarez en deus touet da'z tadoù.

Adlezenn 7:21

Na vez ket spontet abalamour dezho, rak an AOTROU da Zoue a zo ez kreiz, un Doue bras ha spontus.

Adlezenn 7:9

Gouez eta penaos eo Doue an AOTROU da Zoue, un Doue feal a vir e emglev hag e drugarez betek ar milvet rumm d'ar re a gar anezhañ hag a vir e c'hourc'hemennoù,