Nehemia 1:4 - Bibl Koad 21: Ar Bibl e Brezhoneg evit ar Vretoned

⁴ Pa glevis ar c'homzoù-se, ec'h azezis da ouelañ, hag e ris kañv meur a zevezh, en ur yunañ hag en ur bediñ dirak Doue an neñvoù,

Nehemia 1:4 Referencias Cruzadas

2 Samuel 12:16

David a bedas Doue evit ar bugel, David a yunas, hag ez eas da dremen an noz gourvezet war an douar.

2 Rouned 22:19

Dre ma'z eo bet tener da galon, ma ec'h eus en em izelaet dirak an AOTROU pa ec'h eus klevet ar pezh am eus disklêriet a-enep al lec'h-mañ hag a-enep e dud a vo glac'haret ha milliget, dre ma ec'h eus roget da zilhad, ha ma ec'h eus gouelet dirazon, me ivez am eus klevet, eme an AOTROU.

2 Danevelloù 6:13

Rak Salomon en doa graet ur savenn en arem, en doa lakaet e-kreiz al leurenn; he hirder a oa pemp ilinad, he ledander pemp ilinad, hec'h uhelder tri ilinad. Hag en em zalc'has warni, hag e taoulinas a-dal da holl vodadenn Israel, hag ec'h astennas e zaouarn etrezek an neñvoù,

Ezdra 1:2

Evel-henn e komz Kiruz roue Persia: An AOTROU, Doue an neñvoù, en deus roet din holl rouantelezhioù an douar, hag eñ e-unan en deus gourc'hemennet din sevel un ti dezhañ e Jeruzalem a zo e Juda.

Ezdra 10:1

Evel ma pede Ezdra ha ma rae an anzav-se o ouelañ, stouet dirak ti Doue, un engroez bras, gwazed, maouezed ha bugale, en em zastumas davetañ, hag ar bobl a ouelas a-boullad.

Ezdra 9:3

Pa em eus klevet kement-se, e rogis va dilhad ha va mantell, hag e troc'his va blev ha va barv diouzh va fenn, hag ec'h azezis gwall c'hlac'haret.

Ezdra 9:5

Hag en amzer donezonoù an abardaez e savis eus va glac'har gant va dilhad ha va mantell roget, e stouis war va daoulin, e savis va daouarn war-zu an AOTROU va Doue,

Nehemia 2:20

Hag e respontis dezho o lavarout: Doue an neñvoù e-unan a raio deomp ober berzh! Ni, e servijerien, ni a savo hag a vañsono, met c'hwi n'hoc'h eus na lod, na gwir, na eñvor e Jeruzalem.

Nehemia 2:4

Hag ar roue a lavaras din: Petra a c'houlennez? Neuze e pedis Doue an neñvoù,

Salmoù 102:15

Rak da servijerien a gar he mein, hag o deus truez ouzh he foultrenn.

Salmoù 136:26

Meulit Doue an neñvoù, rak e drugarez a bad da viken!

Salmoù 137:1

Ni a zo azezet e-kichen stêrioù Babilon, hag eno hon eus gouelet o kaout soñj eus Sion.

Daniel 10:2

En amzer-se, me, Daniel, a voe e kañv e-pad teir sizhunvezh.

Daniel 2:18

evit ma c'houlennfent truez digant Doue an neñvoù diwar-benn an dra guzhet-se, evit na vefe ket lakaet d'ar marv Daniel hag e genseurted gant an dud fur all eus Babilon.

Daniel 9:3

Hag e trois va dremm etrezek an Aotrou Doue, evit kinnig goulennoù ha pedennoù dezhañ gant yun, sac'h ha ludu.

Jonaz 1:9

Hag e lavaras: Hebread ez on. Doujañ a ran an AOTROU, Doue an neñvoù, an hini en deus graet ar mor hag ar sec'h.

Sofonia 3:18

Dastum a rin ar re a zo trist, pell diouzh ar bodadegoù meur; deuet int diouzhit, warno e pouez an dismegañs.

Romaned 12:15

En em laouenait gant ar re en em laouena, gouelit gant ar re a ouel.