Nehemia 4:14 - Bibl Koad 21: Ar Bibl e Brezhoneg evit ar Vretoned

¹⁴ Goude e sellis, e savis hag e lavaris d'ar re vras, d'ar renerien ha da nemorant ar bobl: N'ho pet ket aon razo, ho pet soñj eus an AOTROU, a zo bras ha spontus, ha stourmit evit ho preudeur, ho mibien, ho merc'hed, ho kwragez hag ho tiez.

Nehemia 4:14 Referencias Cruzadas

2 Samuel 10:12

Bez kreñv, diskouezomp kalon evit hor pobl hag evit kêrioù hon Doue. Ra vo graet gant an AOTROU evel ma kavo mat.

2 Danevelloù 32:7

Bezit kreñv ha kalonek! N'ho pet ket aon ha na spontit ket dirak roue Asiria ha dirak ar maread tud a zo gantañ, rak ganeomp-ni ez eus muioc'h eget gantañ.

Nehemia 1:5

hag e lavaris: Da bediñ a ran, AOTROU, Doue an neñvoù, Doue bras ha spontus, a vir an emglev hag an druez evit ar re a gar ac'hanout hag a vir da c'hourc'hemennoù!

Levr Job 37:22

pa deu evel aour splann eus an hanternoz. Bez' ez eus e Doue ur veurded spontus!

Salmoù 143:5

Soñj am eus eus an deizioù a-wechall, prederiañ a ran war da holl oberennoù, en em soñjal a ran e labourioù da zaouarn.

Salmoù 20:7

Gouzout a ran dija en deus an AOTROU saveteet e Olevad; respont a raio dezhañ eus neñvoù e santelezh, gant skoazell c'halloudek e du dehou.

Salmoù 27:1

Salm David. An AOTROU eo va sklêrijenn ha va dieubidigezh: Dirak piv em befe aon? An AOTROU eo diwaller va buhez: Dirak piv e spontfen?

Salmoù 46:11

Paouezit hag anavezit eo me a zo Doue, me a vo meulet e-touez ar pobloù, me a vo meulet dre an douar holl.

Salmoù 65:5

Eürus an hini a zibabez hag a lakaez da chom en da leurioù! Leuniet e vimp eus madoù da di, eus santelezh da balez.

Salmoù 66:3

Lavarit da Zoue: Pegen burzhudus eo da oberennoù! En abeg da vraster da nerzh, da enebourien a zeuio da blegañ dirazout.

Salmoù 66:5

Deuit ha gwelit oberennoù Doue. Burzhudus eo er pezh a ra e-keñver mibien an dud.

Ermaeziadeg 14:14

An AOTROU a stourmo evidoc'h, ha c'hwi a chomo sioul.

Ermaeziadeg 14:25

Hag e lamas rodoù o c'hirri a voe bleniet gant bec'h. Neuze an Ejipsianed a lavaras: Tec'homp dirak Israel rak an AOTROU a stourm evito a-enep an Ejipsianed.

Ar Prezeger 12:1

Az pez soñj eus da Grouer e-pad deizioù da yaouankiz, a-raok ma teuio an deizioù fall, a-raok ma erruo ar bloavezhioù ma lavari diwar o fenn: Ne gemeran ket plijadur enno,

Daniel 11:32

Hag e touello ar re a dorr an emglev en ur lubaniñ anezho. Met pobl ar re a anavez o Doue a vo kalonek hag a oberio.

Zakaria 14:3

An AOTROU a yelo er-maez hag a stourmo a-enep ar broadoù-se, evel p’en deus stourmet da zeiz an emgann.

Niveroù 14:9

Met n'en em savit ket a-enep an AOTROU ha n'ho pet ket aon rak pobl ar vro-se, rak bara e vint evidomp, o diwall a zo en em dennet a-ziwar dezho, an AOTROU a zo ganeomp, n'ho pet ket aon dirazo.

Mazhev 10:28

N’ho pet ket aon dirak ar re a lazh ar c’horf ha ne c’hellont ket lazhañ an ene. Doujit kentoc’h an hini a c’hell lakaat an ene hag ar c’horf er gehenn.

Adlezenn 1:21

Setu, an AOTROU da Zoue a laka dirazout ar vro: pign, kemer dalc'h anezhañ, evel m'en deus lavaret an AOTROU, Doue da dadoù. Na'z pez ket aon ha bez dispont!

Adlezenn 10:17

Rak an AOTROU ho Toue eo Doue an doueoù had Aotrou an aotrounez, an Doue bras, galloudek ha spontus, na ra van ebet eus diavaezioù an dud ha na gemer ket a zonezon,

Hebreed 13:6

Evel-se e lavaromp gant fiziañs: An Aotrou eo va sikour, ne’m bo ket aon. Petra a c’hell an den ober din?

Jozue 1:9

Ha ne'm eus ket gourc'hemennet dit: En em galoneka ha bez kreñv? Na spont ket ha na'z pez ket aon, rak an AOTROU da Zoue a vo ganit dre holl ma'z i.

Ar Varnerien 3:27

Adalek ma voe erru, e sonas gant ar shofar er menez Efraim. Mibien Israel a ziskennas gantañ eus ar menez, hag eñ en o fenn.