Adlezenn 7:21 - Bibl Koad 21: Ar Bibl e Brezhoneg evit ar Vretoned

²¹ Na vez ket spontet abalamour dezho, rak an AOTROU da Zoue a zo ez kreiz, un Doue bras ha spontus.

Adlezenn 7:21 Referencias Cruzadas

2 Danevelloù 32:8

Gantañ emañ brec'h ar c'hig, met ganeomp emañ an AOTROU hon Doue, evit hor sikour hag evit brezeliñ en hor brezel. Hag ar bobl en em fizias war gomzoù Ezekiaz roue Juda.

Nehemia 1:5

hag e lavaris: Da bediñ a ran, AOTROU, Doue an neñvoù, Doue bras ha spontus, a vir an emglev hag an druez evit ar re a gar ac'hanout hag a vir da c'hourc'hemennoù!

Nehemia 4:14

Goude e sellis, e savis hag e lavaris d'ar re vras, d'ar renerien ha da nemorant ar bobl: N'ho pet ket aon razo, ho pet soñj eus an AOTROU, a zo bras ha spontus, ha stourmit evit ho preudeur, ho mibien, ho merc'hed, ho kwragez hag ho tiez.

Nehemia 9:32

Ha bremañ, hon Doue bras, galloudek ha spontus, a vir an emglev hag an drugarez, na sell ket evel nebeut a dra ouzh an holl drubuilhoù o deus hon tapet, ni, hor rouaned, hor pennoù, hon aberzhourien, hor profeded, hon tadoù ha da holl bobl, adalek amzer rouaned an Asiria betek hiziv.

Salmoù 27:1

Salm David. An AOTROU eo va sklêrijenn ha va dieubidigezh: Dirak piv em befe aon? An AOTROU eo diwaller va buhez: Dirak piv e spontfen?

Salmoù 46:11

Paouezit hag anavezit eo me a zo Doue, me a vo meulet e-touez ar pobloù, me a vo meulet dre an douar holl.

Salmoù 46:5

Ur stêr hag he gwazhioù a laouena kêr Doue, lec'h santel chomlec'h an Uhel-Meurbet.

Salmoù 46:6

Emañ Doue en he c'hreiz ha ne vo ket brañsellet. Doue a ro sikour dezhi adalek distro ar mintin.

Salmoù 46:7

Ar pobloù a fiñv, ar rouantelezhioù a vrañsell, lakaat a ra e vouezh da vezañ klevet, hag an douar a deuz.

Salmoù 47:2

C'hwi, pobloù, stlakit holl ho taouarn! Laoskit kriadennoù a levenez da Zoue, gant ur vouezh drant!

Salmoù 68:35

Roit an nerzh da Zoue! E veurded a zo war Israel hag e nerzh er c'hoabrennoù.

Salmoù 89:8

Doue a zo spouronus e bodadeg ar sent, spontusoc'h eget an holl re a zo en-dro dezhañ.

Salmoù 95:3

rak an AOTROU a zo un Doue bras, ur roue bras dreist an holl zoueoù.

Ermaeziadeg 29:45

Hag e chomin e-touez mibien Israel, hag e vin o Doue.

Daniel 9:4

Hag e pedis an AOTROU va Doue, hag e ris va c'hofez o lavarout: A! Aotrou Doue bras ha spontus, a vir an emglev hag an drugarez e-keñver ar re a gar ac'hanout hag a vir da c'hourc'hemennoù,

Niveroù 13:9

evit meuriad Benjamin, Palti mab Rafu;

Niveroù 14:14

hag e lavarint-se da annezidi ar vro-mañ. Klevet o deus lavarout penaos out, o AOTROU, e-kreiz ar bobl-mañ, penaos en em ziskouezez lagad ouzh lagad, o AOTROU, penaos da goabrenn en em zalc'h a-us dezho, penaos e kerzhez a-raok dezho en ur golonenn a goabrenn e-pad an deiz hag en ur golonenn a dan e-pad an noz.

Niveroù 14:42

Na bignit ket rak an AOTROU n'emañ ket en ho touez, arabat deoc'h bezañ pilet gant hoc'h enebourien!

Niveroù 14:9

Met n'en em savit ket a-enep an AOTROU ha n'ho pet ket aon rak pobl ar vro-se, rak bara e vint evidomp, o diwall a zo en em dennet a-ziwar dezho, an AOTROU a zo ganeomp, n'ho pet ket aon dirazo.

Niveroù 16:3

En em zastum a rejont a-enep Moizez hag a-enep Aaron hag e lavarjont: A-walc'h kement-se! Holl re ar vodadenn a zo santel, hag an AOTROU a zo en o c'hreiz. Perak en em uhelait dreist bodadenn an AOTROU?

Niveroù 21:34

An AOTROU a lavaras da Voizez: Na'z pet ket aon dirazañ, rak lakaet em eus anezhañ etre da zaouarn, gant e holl bobl hag e vro. Hag e ri dezhañ evel ma ec'h eus graet da Sihon, roue an Amoreaned, a oa o chom en Hesbon.

Niveroù 23:21

N'en deus ket merzet direizhder e Jakob, n'en deus ket gwelet drougiezh en Israel. An AOTROU e Zoue a zo gantañ, hag e vez klevet eno youc'h ur roue.

Niveroù 9:20

Pa veze ar goabrenn nebeut deizioù war an tabernakl, war c'hourc'hemenn an AOTROU e kampent ha war c'hourc'hemenn an AOTROU ez aent kuit.

1 Korintiz 14:25

hag evel-se traoù kuzhet e galon a vo disklêriet hag, o kouezhañ d’an douar, ec’h azeulo Doue hag ec’h embanno emañ e gwirionez Doue en ho touez.

Adlezenn 1:21

Setu, an AOTROU da Zoue a laka dirazout ar vro: pign, kemer dalc'h anezhañ, evel m'en deus lavaret an AOTROU, Doue da dadoù. Na'z pez ket aon ha bez dispont!

Adlezenn 10:17

Rak an AOTROU ho Toue eo Doue an doueoù had Aotrou an aotrounez, an Doue bras, galloudek ha spontus, na ra van ebet eus diavaezioù an dud ha na gemer ket a zonezon,

Adlezenn 20:1

Pa'z i d'ar brezel a-enep da enebourien, hag e weli kezeg, kirri hag ur bobl niverusoc'h egedout, na'z po ket aon razo, an AOTROU da Zoue a vo ganit, eñ hag en deus graet dit pignat eus bro Ejipt.

Adlezenn 25:8

Henaourien kêr a c'halvo anezhañ hag a gomzo outañ. Mar chom start ha ma lavar: Ne fell ket din kemer anezhi,

Adlezenn 31:17

D'an deiz-se va c'hounnar en em dano a-enep dezho. Me o zilezo hag e kuzhin va dremm. Lonket e vint, hag e c'houzañvint poanioù niverus hag enkrezioù, hag e lavarint en deiz-se: Ha n'eo ket dre ma n'emañ ken hon Doue en hor c'hreiz e c'houzañvomp ar poanioù-mañ?

Jozue 3:10

Jozue a lavaras: Dre gement-mañ e oueziot penaos emañ an Doue bev en ho touez, ha penaos e kaso kuit a-zirazoc'h ar Gananeiz, an Hitited, an Hevianed, ar Ferezianed, ar C'hirgazianed, an Amoreaned hag ar Jebuziz,

Jozue 8:1

An AOTROU a lavaras da Jozue: Na spont ket ha na'z pez ket aon, kemer ganit an holl dud a vrezel, sav ha pign da Ai. Sell, lakaet em eus etre da zaouarn roue Ai, e bobl, e gêr hag e vro.

1 Samuel 4:8

Gwalleur deomp! Piv hon tenno eus dorn an doueoù galloudus-se? An doueoù-se eo ar re o deus skoet war an Ejipsianed dre bep seurt goulioù er gouelec'h.