TAUNET 12:7 - BUKUIT NE TILIIL Sireet ne Dutero Kanon Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet. Bukuit Ne Tilil Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet. BUKUIT NE TILIL Ak kimong’ji Jehovah Abram, ak kolenji, Agochini iyoteng’ung’ emoni: ak kiteekyi kaptisisiet Jehovah, ne kimong’ji inendet. |
Kiu kwo eng' olooto kotokyigei emetap tuloonook eng' komostap kong'asiis ne po Bethel, ak koteech emainnyi, si eng' komostap cherongo, ko ki mi Bethel, ko eng' komostap kong'asiis, ko Ai. Ki teekyi kaptisisyet Kamuktaindet ne Toroor eng' olooto, ak ki kuur kainetap Kamuktaindet ne Toroor.
Kiu anyun Abram kwo komeny ye neegitee keetiik che po Mamre, che mi Hebron, ak kiteekyi Kamuktaindet ne Toroor kaptisisyet eng' olooto.
Ak ki testai kwo agoi ole ki mi kaptisisyet ne kigateech eng' tai. Eng' yooto koguur Abram kainetap Kamuktaindet ne Toroor.
Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,
Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,
Agoonin inyee ak lagoguk che piitu let emoni tugul po Kanaan, ni oo kiprutoin koek neng'wong' koigeny, ak aegu Kamuktaindennywa.”
Kimong'ji `Kamuktaindet ne Toroor Abraham eng' ye neegitee keetiigap Mamre kotebyei eng' kurgeetap emainnyi ko kang'wanit asiista.
Ye kingo it koronooto ole kiga koarorchi Kamuktaindet, koteech Abraham kaptisisyet eng' olooto. Kitet kweenik, yeityo korat weeriinnyi Isak, ak konde ineendet kweenik parak eng' kaptisisyet.
Kamuktaindet ne Toroor, Kamuktaindet ne po kipsengwet, ineendet ne ki imoong'wa eng' kootap abba ak eng' emet ne ki kisikyino, ineendet ne ki ng'alaalwo ak koyasyeiwo, kole, ‘Agoochini lagoguk emoni’; ko iyooktoi `ineendet malaikaiyandennyi kondoun, si imutyi weeriinnyu kwondo eng' oliindo.
Ki teech anyun kaptisisyet eng' olooto ak koguur kainetap Kamuktaindet ne Toroor. Ki teech emainnyi eng' olooto, ak ki pal otwogikyik keriingetap peek.
Egu toondet eng' emoni, ami kobooten, ak aberuurin; amu agoonin inyee, kobooto lagoguk, emotinwechuuto tugul, ak agimiit kayasyoet ne ki ayasyechi kwandang'ung' Abraham.
Ki tonon Kamuktaindet ne Toroor eng' ye neegitee ineendet ak kole, “Aa Kamuktaindet ne Toroor, Kamuktaindet ne po kwandang'ung' Abraham ak Kamuktaindetap Isak. Agoonin emoni imi, kobooto lagoguk.
Ingogoonin perurto ne po Abraham, inyee ak lagoguk, si kobunjiin emoni iwendote ko ii kiprutoiyot, ne ki igoochi `Kamuktaindet Abraham”
Ki kuure anyun Jakobo kainetap yooto Peniel, amu kaager togeetap Kamuktaindet kimni, ak kota asabe.
Tuun agoonin emonooto ki agoochi Abraham ak Isak, ak agoochini lagoguk ak icheek che tuun piitu let.”
Ki teech kaptisisyet eng' olooto, ak koguure olooto El-bet-el, amu yooto ko ye king'aang'jinegei Kamuktaindet, ye kingo mwee ng'eetap kamet.
Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”
Kiteekyi `Noah Kamuktaindet ne Toroor kaptisisyet, ak konam koip eng' tyony age tugul ne tiliil ak eng' toriit age tugul ne tiliil ak kogoito koek konunoik che kibeelei eng' kaptisiisyo.
Ki teekyi `Daudi Kamuktaindet ne Toroor kaptisisyet eng' yooto ak kogoito kagoochinoik che kibeelei ak kagoochinoigap kaalyeet. Ki kasyi anyun `Kamuktaindet ne Toroor icheek riirek agobo emet ak ki kiraany koroitap ng'wony kosiis eng' Israel.
Kiteege kaptisisyet koichooto eng' kainetap Kamuktaindet ne Toroor, ak ki pal keriinget koyieme kaptisisyet, ne yamegei ak keruutik aeng' che po kesweek.
Keer anyuno, ole kagogeerundawech, kobwa komaandech eng' poroteng'ung', ne ki igoonech kobunjech.
Tos ma ioon inyee, ee Kamuktaindennyo, piik che ki menyei emoni eng' taitap piiguk Israel, ak igoochi kobunji iyoteetap Abraham chorweng'ung' koigeny?
Yeityo kotonon anyun `Jeshua weeriitap Josadak ak tupchosyekyik tisiik, kobooto Zerubabel weeriitap Shealtiel, ak tupchosyekyik, ak koteech kaptisisyet ne po Kiptaiyat Kamuktaindetap Israel, si kogoitoe kagoochinoik che kibeelei ko uu ye siraat eng' Ng'atuutyetap Musa chiitap Kamuktaindet.
Ki sir Musa ng'aleek tugul che po Kamuktaindet ne Toroor ak king'eet karon ko tuui ak koteech kaptisisyet eng' tulweet keel. Kiteeche koik tolochik taman ak aeng' ko uu ortinwek taman ak aeng' che po Israel.
Ibwaat Abraham, Isak, ak Israel, otwogiguk che ki iyasyechi inyegei, ileenji, ‘Abaroi iyoteng'wong' kotenit kecheigap kipsengwet ak agoochini iyoteng'wong' emoni komugul ne ki amwaiwok ak kobunji icheek koigeny.’ ”
Ki leenji `Kamuktaindet ne Toroor Musa, “Oba otogoste eng' oli, inyee ak piik che ki imutu komang'une emetap Misiri agoi oit emet ne ki ayosyechi Abraham, Isak ak Jakobo ale agoochini iyotennywa.
Ki among'ji Abraham, Isak ak Jakobo, ko aa Kamuktaindet Ne po Kamuktaet agot nga ki ma naa icheek eng' kainennyu Kamuktaindet ne Toroor.
Ki agimiit kayomisennyu kobooto icheek, ale agoochi emetap Kanaan, ole ki menyei icheek ko kiprutoin.
Eng' peetuusyechooto, ko tuun pendoti kootap Judah ak kootap Israel, tuun pwoonei tuwai komong' eng' emet ne po murot kaataam kobwa emet ne ki agoochi kwanisyekwok kobunji.
‘Amu ma isubwo icheek eng' kagesunatetapkei, koma mi iman eng' piik che ki punu Misiri kobooch che po kenyiisyek tiptem ak kwo tai ne imuuchi kogeer emet ne ki ayosyechi Abraham, Isak ak Jakobo.’
Ki ma igoochi ineendet poroteet eng' olooto, acha, agot ole indoi keldanyi; ak ki iarorchi kole tuun igoochin ineendet ak iyotennyi eng' let, nganda kitom kosich lakwa.
Nooto anyun, icheek koma lagogap poorto che lagogap Kamuktaindet; ago lagogap arorutyet che kiiti koek keswoot.
Ki kimwachi anyun Abraham arorutichooto, ak keswondennyi. Ma mwaei kole, “Igoochin kesweekyik,” ko uu ye kachang'a; ago ko uu agenge, kole, “Ak eng' keswondeng'ung',” nooto ko Kristo.
Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.
Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”
Yeityo koleenji `Kamuktaindet ne Toroor, “Emoni ne ki ayosyechi Abraham, Isak ak Jakobo aleenji, ‘Agoochini iyoteng'ung'.’ Kaagoonin anyun igeer eng' konyeguk ago melandoi oliindo.”
Ak ye kagomutin Kamuktaindet ne Toroor Kamuktaindeng'ung' iwe emet ne ki iyasyechi kwanisyeguk Abraham, Isak ak Jakobo kole koonin nganasook che eecheen ak ko myachen, che ki ma iteeche
Ma eng' imandang'ung' anan atebeeng'ung' ne myee, ne kagoonin inam emennywa. Ago oonei `Kamuktaindet ne Toroor Kamuktaindeng'ung' pororyosyechu eng' taing'ung' amu sogornatennywa, si kobiit kogimit Kamuktaindet ne Toroor ng'olyoot ne ki iyasyechi kwanisyeguk Abraham, Isak ak Jakobo.
Ki pek chuuto tugul eng' kayaneet, ama taach arorutichooto, ago kiga kogeer ak koboiboitu kota komi ole loo, ko kagong'aany kole ki toek ak ko kiprutoinik eng' ng'wony.
Ki kas iit Abraham eng' kayaneet ye ki ngeguur, ak kimanda kwo koma ingen ole wendi, kwo komosta ne tuun taachei koek poroteet.
Kimitu ak inyiganitu amu igoochini pichu konam emet ne ki ayosyechi kwanisyekwak ale agoochini.
Ye kingo it emet ne neegit Jordan, ne mi emetap Kanaan, lagogap Reuben, Gad ak kebebertap pororyetap Manasseh, koteech kaptisisyet ne oo ne taagu eng' olooto, eng' ye po Jordan.
Kiteekyi anyun `Joshua Kamuktaindet ne Toroor, Kamuktaindetap Israel, kaptisisyet eng' tulweetap Ebal,
Koteekyi Gideon anyun Kamuktaindet ne Toroor kaptisisyet eng' yooto, ak koguure “Kamuktaindet ne Toroor ko kaalyeet.” Miitei agoi kora eng' Ophrah ne po Abiesrik.
Kiweekyingei Ramah, amu kimi koonnyi yooto ak ki irwookyi Israel eng' olooto, ak kiteekyi Kamuktaindet ne Toroor kaptisisyet eng' yooto.