TAUNET 13:17 - BUKUIT NE TILIIL Sireet ne Dutero Kanon

¹⁷ Ng'eet, marar kooindap emoni ak tebeesindanyi, amu awendi agoonin kobunjiin.”

Bukuit Ne Tilil

¹⁷ Ng'eet, marar kooindap emoni ak tebeesindanyi, amu awendi agoonin kobunjiin.”

BUKUIT NE TILIL

¹⁷ Ng’eet, wendote koindab emoni, ak tebeesindanyi, amu agonin emoni kobunjin.

TAUNET 13:17 Referencias Cruzadas

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

TAUNET 13:15

amu agoonin emet tugul ne igeere kobunjiin ak iyoteng'ung' agoi koigeny.

TAUNET 15:7

Yeityo koleenji ineendet, “Aa Kamuktaindet ne Toroor anee ne ki amutun imang'une Ur emetap Kaldeik ak inyoo agoonin emoni kobunjiin.”

TAUNET 17:8

Agoonin inyee ak lagoguk che piitu let emoni tugul po Kanaan, ni oo kiprutoin koek neng'wong' koigeny, ak aegu Kamuktaindennywa.”

TAUNET 28:13

Ki tonon Kamuktaindet ne Toroor eng' ye neegitee ineendet ak kole, “Aa Kamuktaindet ne Toroor, Kamuktaindet ne po kwandang'ung' Abraham ak Kamuktaindetap Isak. Agoonin emoni imi, kobooto lagoguk.

TAUNET 50:24

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

2 LAITORINIK 13:23

Ago ki iboorchi Kamuktaindet ne Toroor myeeindonyi icheek, koriiree ak kogonyit icheek, amu kayomisennyi ne ki iyomiskei ak Abraham, Isak ak Jakobo. Ma cham kobar anan koon icheek eng' tainnyi agoi rani.