KOMONG'U 32:13 - BUKUIT NE TILIIL Sireet ne Dutero Kanon

¹³ Ibwaat Abraham, Isak, ak Israel, otwogiguk che ki iyasyechi inyegei, ileenji, ‘Abaroi iyoteng'wong' kotenit kecheigap kipsengwet ak agoochini iyoteng'wong' emoni komugul ne ki amwaiwok ak kobunji icheek koigeny.’ ”

Bukuit Ne Tilil

¹³ Ibwaat Abraham, Isak, ak Israel, otwogiguk che ki iyasyechi inyegei, ileenji, ‘Abaroi iyoteng'wong' kotenit kecheigap kipsengwet ak agoochini iyoteng'wong' emoni komugul ne ki amwaiwok ak kobunji icheek koigeny.’ ”

BUKUIT NE TILIL

¹³ Ibwat Abraham, Isak, ak Israel, otwogiguk, che kiiyosiechi inyege, ilenji, Abaroi iyoteng’wong’ kotenit kecheikab kipsengwetisiek, ak agochini iyoteng’wong’ emoni komugul ne kiamwawok, ak kobunji ichek koigeny.

KOMONG'U 32:13 Referencias Cruzadas

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

TAUNET 15:18

Eng' peetuunooto, ko ki iyomiskei Kamuktaindet ne Toroor ak Abram, kole, “Kaagoochi iyoteng'ung' emoni, kong'etee aineetap Misiri agoi aineet ne oo, aineetap Yufrets,

TAUNET 15:5

Ki imaanda ineendet kwo saang' ak koleenji, “Kaigai keero, inyal parak kipsengwet, ak iit kecheik ngot imuuchi.” Ak ki testai koleenji, “Tuun ko tenitu chooto lagoguk.”

TAUNET 15:7

Yeityo koleenji ineendet, “Aa Kamuktaindet ne Toroor anee ne ki amutun imang'une Ur emetap Kaldeik ak inyoo agoonin emoni kobunjiin.”

TAUNET 17:8

Agoonin inyee ak lagoguk che piitu let emoni tugul po Kanaan, ni oo kiprutoin koek neng'wong' koigeny, ak aegu Kamuktaindennywa.”

TAUNET 22:16

koleenji, “Kayosyechigei aneege, mwaei Kamuktaindet ne Toroor, amu keyai kii, ma ieteno weeriing'ung' ne ineegei.

TAUNET 22:17

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak;

TAUNET 24:7

Kamuktaindet ne Toroor, Kamuktaindet ne po kipsengwet, ineendet ne ki imoong'wa eng' kootap abba ak eng' emet ne ki kisikyino, ineendet ne ki ng'alaalwo ak koyasyeiwo, kole, ‘Agoochini lagoguk emoni’; ko iyooktoi `ineendet malaikaiyandennyi kondoun, si imutyi weeriinnyu kwondo eng' oliindo.

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

KOMONG'U 13:11

“Ye tuun iitak Kamuktaindet ne Toroor emetap Kanaanik ko uu ye ki iyasyeun ak kwanisyeguk kole koonok,

KOMONG'U 13:5

Ye kagomutak Kamuktaindet ne Toroor oit emetap Kanaanik, Hitik, Amorik, Hibik ak ne po Jebusik; emet ne ki iyasyechi `ineendet kwanisyeguk kole tuun koonok emet ne nyiitaat cheego ak komi kumyat eng' chaang'indo. Amu nooto anyun, kanyoolu oriip ak oyai igoorita eng' kenyiit age tugul eng' arawaniito.

KOMONG'U 33:1

Ki leenji `Kamuktaindet ne Toroor Musa, “Oba otogoste eng' oli, inyee ak piik che ki imutu komang'une emetap Misiri agoi oit emet ne ki ayosyechi Abraham, Isak ak Jakobo ale agoochini iyotennywa.

ATEPTAP LAWIK 26:42

abwaat anyun kayomisennyu ne ki ayomisyi Jakobo; kayomisennyu agine ne kayomisyi Isak ak abwaat agine kayomisennyu ne ki ayomisyi Abraham, ak abwaat emet.

NG'ATUTIK 1:10

Ki kotesaak `Kamuktaindet ne Toroor Kamuktaindeng'wong', ak oo sere rani ko uu kecheigap kipsengwet.

NG'ATUTIK 7:8

Ago amu ki chamaak Kamuktaindet ne Toroor ak koriip kayasyoet ne ki iyasyechi kwanisyekwok, komoong'wok anyun ineendet eng' euut ne kiim ak kotyachak eng' kootap otwoknateet, eng' eutap Pharaoh laitoryatap Misiri.

NG'ATUTIK 9:27

Amat igeer uuindap met ne po pichu anan yaityennywa, anan tengektonywa. Ago ibwaat kiboitiniguk Abraham, Isak ak Jakobo.

HEBRANIK 6:13

Amu ye kingo yachi `Kamuktaindet Abraham arorutyet, ko amu ki ma komi age ne oo kosiir ineendet ne ki imuuchi koyasyechi koyasyo agobo kei,