TAUNET 12:8 - BUKUIT NE TILIIL Sireet ne Dutero Kanon

⁸ Kiu kwo eng' olooto kotokyigei emetap tuloonook eng' komostap kong'asiis ne po Bethel, ak koteech emainnyi, si eng' komostap cherongo, ko ki mi Bethel, ko eng' komostap kong'asiis, ko Ai. Ki teekyi kaptisisyet Kamuktaindet ne Toroor eng' olooto, ak ki kuur kainetap Kamuktaindet ne Toroor.

Bukuit Ne Tilil

⁸ Kiu kwo eng' olooto kotokyigei emetap tuloonook eng' komostap kong'asiis ne po Bethel, ak koteech emainnyi, si eng' komostap cherongo, ko ki mi Bethel, ko eng' komostap kong'asiis, ko Ai. Ki teekyi kaptisisyet Kamuktaindet ne Toroor eng' olooto, ak ki kuur kainetap Kamuktaindet ne Toroor.

BUKUIT NE TILIL

⁸ Ak kiu kwo eng’ oloto agoi koit tulwet eng’ komostab kong’asis ne bo Betel, ak kiteech emainnyi, kimi Betel komostab cherongo, ak kimi Ai komostab kong’asis: ak kiteekyi kaptisisiet Jehovah eng’ oloto, ak kiguur kainetab Jehovah.

TAUNET 12:8 Referencias Cruzadas

TAUNET 13:18

Kiu anyun Abram kwo komeny ye neegitee keetiik che po Mamre, che mi Hebron, ak kiteekyi Kamuktaindet ne Toroor kaptisisyet eng' olooto.

TAUNET 13:3

Ki wo kouuot eng' pandanyi, kong'eete Negeb agoi Bethel, agoi koit kwenutap Bethel ak Ai ole ki mi emennyi eng' tai.

TAUNET 13:4

Ak ki testai kwo agoi ole ki mi kaptisisyet ne kigateech eng' tai. Eng' yooto koguur Abram kainetap Kamuktaindet ne Toroor.

TAUNET 21:33

Ki miin Abraham keetit eng' Beer-sheba ak ki kuur eng' olooto kainetap Kamuktaindet ne Toroor, Kamuktaindet ne po Koigeny.

TAUNET 22:9

Ye kingo it koronooto ole kiga koarorchi Kamuktaindet, koteech Abraham kaptisisyet eng' olooto. Kitet kweenik, yeityo korat weeriinnyi Isak, ak konde ineendet kweenik parak eng' kaptisisyet.

TAUNET 26:25

Ki teech anyun kaptisisyet eng' olooto ak koguur kainetap Kamuktaindet ne Toroor. Ki teech emainnyi eng' olooto, ak ki pal otwogikyik keriingetap peek.

TAUNET 28:19

Kitoochi yooto kainet koguure Bethel, ago ki kiguure nganasanooto eng' tai Luz.

TAUNET 31:25

Ki it anyun Laban ole mi Jakobo. Kiga teech Jakobo emainnyi eng' tulweet. Ki nyo koteech Laban ak tupchosyekyik ak icheek tulweetap Gilead.

TAUNET 33:20

Ki teech kaptisisyet eng' olooto, ak koguure kaptisisyonooto El-eloe-Israel.

TAUNET 35:3

Ong'eetyee anyun, keebe ketogoste Bethel, si awo ateekyi Kamuktaindet kaptisisyet eng' oliindo, ineendet ne ki wolwo eng' peetuutap pichiindanyu ak ki mi kobooto eng' pandanyu.”

TAUNET 35:7

Ki teech kaptisisyet eng' olooto, ak koguure olooto El-bet-el, amu yooto ko ye king'aang'jinegei Kamuktaindet, ye kingo mwee ng'eetap kamet.

TAUNET 4:26

Ki sich Seth agine weeriit ne kiguure Enos. Kong'etee yooto anyun kotoi piik koguur kainetap Kamuktaindet ne Toroor.

TAUNET 8:20

Kiteekyi `Noah Kamuktaindet ne Toroor kaptisisyet, ak konam koip eng' tyony age tugul ne tiliil ak eng' toriit age tugul ne tiliil ak kogoito koek konunoik che kibeelei eng' kaptisiisyo.

NEEMIA 11:31

Ki meny lagogap Benjamin ak icheek kobooch Geba ak kwo tai, eng' Mikmas ak Ahija, ak eng' Bethel ak nganasookyik;

TIENWOGIKAL 116:4

Ki aguur anyun kainetap Kamuktaindet ne Toroor: “Ee Kamuktaindet ne Toroor, asaain ale, sarwo saboondanyu.”

KOMONG'U 17:15

Ki teech Musa kaptisisyet, ak koguure yooto Kamuktaindet ne Toroor ne iterteerwa.”

ISAIAH 10:28

kagoit Ayaat, kagosiir Migron, kagonoree tuguukyik Mikmas;

JOEL 2:32

Ak tuun kisaru age tugul ne kuurei kainetap Kamuktaindet ne Toroor: amu tuun miitei che chilildos eng' tulweetap Zion ak Jerusalem, ko uu ye ki komwa Kamuktaindet ne Toroor, ak tuun kuurei Kamuktaindet ne Toroor alak eng' icheek che ki ng'et.

POISYONIGAP CHE KIYOKTOI 2:21

Ak age tugul ne kuurei kaineetap Kiptaiyat ko tuun kisaru.’

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

HEBRANIK 11:9

Ki ek eng' kayaneet kiprutoiyot eng' emetap arorutyet, ko uu emet ne ma nenyi, komeng'ooti emaisyek, kobooto Isak ak Jakobo, che ki che namei arorutyonooto kobooto ineendet:

JOSHUA 18:22

Beth-araba, Semaraim ak Bethel;

JOSHUA 22:10

Ye kingo it emet ne neegit Jordan, ne mi emetap Kanaan, lagogap Reuben, Gad ak kebebertap pororyetap Manasseh, koteech kaptisisyet ne oo ne taagu eng' olooto, eng' ye po Jordan.

JOSHUA 7:2

Ki iyookto `Joshua piik eng' Jeriko koba Ai, ne neegitee Beth-aben eng' komostap kong'asiis ne po Bethel komwachi koleenji, “Oba ak osegei emonooto.” Ak ki pa anyun piik kosegei Ai.

JOSHUA 8:12

Ki imut piik `Joshua olo po eliphuusyek muut, ak konde koribisyo eng' kwenutap Bethel ak Ai eng' komostap cherongo ne po nganaseet.

JOSHUA 8:17

Ki ma komi chii ne ki ng'et eng' Ai anan ko Bethel, ne ki ma wo koon Israel. Ak ki pagaach nganaseet ko seng'eng'at yeityo koon Israel.

JOSHUA 8:3

Ki ng'eet anyun Joshua ak piik tugul che po lugeet koba kobookyi Ai. Ki lewen `Joshua piik eliphuusyek sosom, murenik che kiimeen che nyigoonen ak koyookto koba kemoi.

JOSHUA 8:30

Kiteekyi anyun `Joshua Kamuktaindet ne Toroor, Kamuktaindetap Israel, kaptisisyet eng' tulweetap Ebal,

JOSHUA 8:9

Ki iyookto anyun `Joshua icheek koba; ak ki pa koribisyo kotebee kwenutap Bethel ak Ai, komostap cherongo ne po Ai; ago ki ru Joshua ole mi piik kemounooto.

KIRUOGIK 6:24

Koteekyi Gideon anyun Kamuktaindet ne Toroor kaptisisyet eng' yooto, ak koguure “Kamuktaindet ne Toroor ko kaalyeet.” Miitei agoi kora eng' Ophrah ne po Abiesrik.

1 SAMUEL 30:27

Ki iyookyi che ki mi Bethel, che ki mi Ramot ne po murot tai, che ki mi Jatir,