TAUNET 17:1 - BUKUIT NE TILIIL Sireet ne Dutero Kanon

¹ Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

Bukuit Ne Tilil

¹ Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

BUKUIT NE TILIL

¹ Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

TAUNET 17:1 Referencias Cruzadas

TAUNET 12:1

Ki leenji anyun `Kamuktaindet ne Toroor Abram, “Ui inyee eng' emeng'ung', eng' kaptilyonutiguk ak eng' kootap kwandang'ung' agoi emet ne amache aboorun.

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

TAUNET 16:16

Ki po Abram kenyiisyek tamanwogik sisiit ak lo, ye kingo sikyin `Hagar Abram Ishmael.

TAUNET 18:1

Kimong'ji `Kamuktaindet ne Toroor Abraham eng' ye neegitee keetiigap Mamre kotebyei eng' kurgeetap emainnyi ko kang'wanit asiista.

TAUNET 18:14

Tos mi kiy age tugul ne temenee Kamuktaindet ne Toroor? Aweekyiningei peetuusyek che uu chu eng' kenyiit ne nyoonei, eng' peetuut ne kaachop, ak sichei `Sarah weeriit.”

TAUNET 24:40

Ago ki leenjo, ‘Iyogu Kamuktaindet ne Toroor ne awendotee tainnyi malaikaiyannyi obe tuwai, ak kosuldeun pandang'ung'. Ak iwe imutyi weeriinnyu chepto eng' kaptilyonutikyuk ak eng' kaptilyonutigap abba kotun.

TAUNET 26:2

Yeityo komong'ji `Kamuktaindet ne Toroor ineendet ak koleenji, “Amerekte iwe Misiri; tebee emet neta aboorun.

TAUNET 28:3

Ingoberuurin Kamuktaindet Ne po Kamuktaet, ak koberuurin eng' iyoteet ak kobarain, si kobiit iegu tuiyetap piik che chaang'.

TAUNET 35:11

Ak koleenji Kamuktaindet, “Aa Kamuktaindet Ne po Kamuktaet. Ii ak itesage, tuun mong'unenen inyee pororyet ak chaang'indap pororyosyek, ak mang'unen laitorinik.

TAUNET 43:14

Ingorireenak Kamuktaindet Ne po Kamuktaet, eng' taitap chiichooto, si kobiit kotyakwok weeriit ne otupche nin linda, ak Benjamin. Ak ngo peteno lagokyuk ko kagobetyo.”

TAUNET 46:3

Koleenji Kamuktaindet, “Aa Kamuktaindet, Kamuktaindet ne po kwandang'ung'. Meiywei, ichoortegei iwe Misiri; amu ayain iegu pororyet ne oo eng' olooto.

TAUNET 48:15

Ki iberuur Joseph, ak kole, “Kamuktaindet ne kibendotee tainnyi kwanisyekyuk Abraham ak Isak, Kamuktaindet ne ki paata atkinye tugul agoi kora,

TAUNET 48:3

Ak ki leenji `Jakobo Joseph, “Kimong'jo Kamuktaindet Ne po Kamuktaet eng' Luz eng' emetap Kanaan, ak ki iberuura,

TAUNET 5:22

Ki pendat Enok ak Kamuktaindet eng' kenyiisyek pogol somok ye kingo kagosich Methuselah ak ki sich weeriik alak ak tiibiik.

TAUNET 5:24

Kibendoti Enok ak Kamuktaindet; ak ki mata kiro amu ki imut ineendet `Kamuktaindet!

TAUNET 6:9

Chu isubi ko ooreetap kap Noah. Ki chiito Noah ne po imanda ak kogesunotkei eng' ibindanyi. Kibendoti ineendet ak Kamuktaindet.

1 LAITORINIK 2:4

si kobiit koogimiit Kamuktaindet ne Toroor ng'olyoondennyi ne ki mwa agobo anee, kole, Ngot koriip lagoguk ortinwekwak, kobendat eng' tainnyu eng' imanit eng' mugulelwekwak tugul ak eng' saboonwekwak tugul, koma petenen chiito ne tebee ng'echereetap laitornatet eng' Israel.

1 LAITORINIK 3:6

Ak ki le Solomon, “Ki iyachi otwogindeng'ung' Daudi abba myeeindo ne oo, ko uu ye kiwendote taing'ung' eng' imanit, ak eng' imanda, ak eng' lititindap muguleldo eng' inyee; ak ki igonorchi ineendet myeini oo, amu ki igoochi ineendet weeriit kotebee ng'echerennyi ne po laitornatet, ko uu ra.

1 LAITORINIK 8:25

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu; ngot koriip lagoguk ortinwekwak, kobendatee tainnyu ko uu ye ki iwendote tainnyu.’

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 11:7

“Tos imuuchi inyooru Kamuktaindet ngisyach? Tos imuuchi inyooru ole poochin Ineendet Ne po Kamuktaet?

TIENWOGIKAL 115:3

Miitei Kamuktaindennyo kipsengwet; yaei ineendet kiy age tugul ne machei.

TIENWOGIKAL 116:9

Awendotee taitap Kamuktaindet ne Toroor eng' emotinwegap che saptos.

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

KOMONG'U 6:3

Ki among'ji Abraham, Isak ak Jakobo, ko aa Kamuktaindet Ne po Kamuktaet agot nga ki ma naa icheek eng' kainennyu Kamuktaindet ne Toroor.

KALEWANAIK 10:9

Ineendet ne wendote lititindo kowendote chametapkei, ago naoksei ineendet ne imaasi ortinwekyik.

ISAIAH 38:3

kole, ee Kamuktaindet ne Toroor, asaain ale, ibwaat ole ki atepte eng' imanda eng' taing'ung' ak eng' muguleldo ne ititaat, ak ki ayai ne myee eng' taing'ung'. Ak ki riir Hezekiah eng' ng'wanindo.

JEREMIA 32:17

Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

KAITOSYEK 11:23

Ki leenji `Kamuktaindet ne Toroor Musa, “Tos nwach eutap Kamuktaindet ne Toroor? Igeere nguno ingosuldoi anan ngo mesuldoi ng'olyoondennyu agobo inyee.”

KAITOSYEK 24:16

mwaei ineendet ne kasei ng'aleegap Kamuktaindet, ne ingen ng'omnatetap Ne Toroor Miising', ne keerei ng'ang'utyetap Ineendet Ne po Kamuktaet, ak kobutyi ng'wony, ko kayaatogis konyekyik:

MATAYO 19:26

Ago ki keer Jeso icheek ak koleenji, “Ma imugaksei ni eng' piik, ago imugaksei tuguuk tugul eng' Kamuktaindet.”

MATAYO 5:48

Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

POISYONIGAP CHE KIYOKTOI 23:1

Ak kingo keer Paulo kapkirwoogonooto komyee, komwa kole, “Che kitupche, ki atebee kotugul kabwaatet ne myee eng' taitap Kamuktaindet agoi rani.”

POISYONIGAP CHE KIYOKTOI 24:16

Ak achobegei anyun agane eng' ng'olyoondoni atebee kotugul kabwaatet ne ma tinyei kanagut eng' taitap Kamuktaindet ak piik.

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

NG'ATUTIK 10:17

Amu Kiptaiyat Kamuktaindeng'wong' ko Kamuktaindet ne siirei kamuktaik ak ko Kiptaiyatap kiptainik, Kamuktaindet ne oo ne po kamuktaet ak kwong'eet, ne ma tiytiy piik ak koma namei asoya.

NG'ATUTIK 18:13

Egu ne ititaat eng' Kamuktaindet ne Toroor Kamuktaindeng'ung'.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

PILIPIK 4:13

Amuuchi ayai tuguuk tugul eng' ineendet ne igimita.

HEBRANIK 12:28

Nooto anyun, amu kinyooru laitornatet ne ma kimuuchi kitumdum, ko ongeegu che tinyei myeeindo, ne kimuuchi keyae poisyet ne iboiboi Kamuktaindet miising', eng' teegisto ak kayweet:

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.