Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»
Kata Lom 16:2 - Jola-Kasa Jiyabool booluul li kajaw kata Amaaŋenawu, loon bukanabuku kata Ateemit kuyaboolemuu booliil, ban li jilambenool li wahoowah wan emmuu jokool li wo li bukuluul. Akila humumool lalambenlamben bukan kameeŋe, lí ínje humumom. |
Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»
Ananiyaas li aan: — Amaaŋen, bukan kameeŋe kulobonlob mata ánayinaawu ummu. Kuhebonheb majakutamu feh man akaanumuu bukanabuku kooli kammuu Yeelusalem.
Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.
Muñeˈe li baj li ésukayi yaaneyimuu Jofe anaale an koone Tabita áyinene li Amaaŋenawu. (Tabita ko kanolaku li «Dolukaas» li elobayi yata kata Gilees, yo yommuu «Huyamb»). Bulokool feh kakaan majake, li kalamben kusukateenabuku.
Fiyeel li ayaan ánabul li buko. Nan áliiŋumuu, li kújowetumool boot li káfitaku kalakomuu haatiya eluufayi. Kanaalaabuku feh kahokumuu kúyiniil li kubil kuyito téeti Fiyeel mo kul̥okemaa. Li kúhiisool wañawu, li kújufowaku kan Dolukaas akikumuu akila li buloŋ.
Fiyeel li átukool li kaŋen min alambenool ayito. Ban, li áhooñul bukanabuku káyinenumuu li Yéesu, li kanaalaabuku kahokumuu kúyiniil, min áŋalul Tabita áhiisiil maloŋe.
Wahawu unwu újimuu, anoowan li bukuluul laate ayab afaalool boola jak loon Kilisita ayabuulumuu foof boot li máyiineniyamu mata Ateemit.
Jisaafom Filolog buko li Súli, Neele buko li áliinool Olenfaas, li bukanabuku feh kata Ateemit kammuu li buko.
Gáyiyis ayabommee boola lasaafuluul. Boola foof ejanguwayi feh ewoogemuu. Elaas ahahenemuu sídalamasu sata ésukayi yata Lom, lasaafuluul. Atuyolaal Kaalitis foof lasaafuluul. [
Jisaafom Ilibeŋ ammuu áfaaloli aloka boot li Amaaŋenawu, buko li Sitakis an íboolimuu ŋáa’.
Bukuluul bukan kata Ateemit joom, mó mújimuu jakum baj li bukuluul húfulo bo muñaˈa, kákaanikoo kanookan kasuuneniye, li efañ sídalam.
Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.
Muñeˈe kama jiyabool li ésuumansuum ló loon atuyuul li Amaaŋenawu. Joote jiluuken bukan loon okila,
Alisitaak an kukul̥oomuu li mano lí ínje, lasaafuluul. Maak, ammuu atuyawu ata Balunabaas, lasaafuluul foof. (Bukuluul jijanjam kulimaku kan ilobumuu mata Maak: abilumuu booluul, li jiyabool jak).
Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.
Ulob kanaalaabuku foof kahallenumuu ooniil, baloŋelabu booliil boote bulako baloŋe bata bukan kasenoolowe boot li Ateemit. Jakum kunaak kúloboo bukan, jakum kunaak kúkaliyenoo. Kunaak kuliiken bukan wah wajake.
Nokoomuu loon lujokonjok loon ínje afaali, uyab Onéesim booli loon óotimuu uyabom booli.
Nokoomuu loon an abile atookuul ban aliikenutuul nab li baliikenelabu umbu bata Kilisita, jakum jiyabool booluul, ban jakum foof jisaafool.