Filemoŋ 1:17 - Jola-Kasa

¹⁷ Nokoomuu loon lujokonjok loon ínje afaali, uyab Onéesim booli loon óotimuu uyabom booli.

Filemoŋ 1:17 Referencias Cruzadas

Máciya 10:40

— An ayabuulumuu jak, ínje layabe jak, ban an ayabommuu jak, anawu áboñulommuu layabe jak.

Máciya 18:5

Ban an ayabumuu boola jak jiñiil jatit loon unje mata ínje íji, ínje humumom layabe boola.

Máciya 25:40

Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Bakaanelabu 16:15

Muñeˈe nan kúbatiisemuu Liidi boot li butoŋool ló ban, li áloboli min jijow boot boola áanoli: — Nokoomuu loon jijuujuk kaanaku líyinenyinen li Amaaŋenawu, li jibil jilako búmbaam. Muñeˈe li átuuŋoli min joon éehe’.

2 Kata Koolent 8:23

Tit akila anaboolawom laam, ban áloli fóofoli jóomi li bulokabu boot li bukuluul. Kutuyolaal kaabuku kánabulumuu li Tit, buko sijanguwasu síboñuliil, min kulok boot li kasalaku kata Kilisita.

Kata Efées 3:6

Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

1 Tímote 6:2

Emiikeelayi yabajumuu kunahaan káyinene li Yéesu, jakum kubes kunahaanaku kooliil mata waa kutuyiil koom. Bale koote kuhaŋ malok jak boot li buko, mata kunahaanaku kooliil kammuu li kúbajum wah li bulokabu booliil, bukan káyinene li Yéesu koom, ban Yéesu lafañiifañ ŋáa’. Wahawu unwu lommuu li uliiken bukanabuku ban li ulobiil min kukaan wo.

Filemoŋ 1:10

Lifañe min il̥awi wah boot li Onéesim, ammuu muñeˈe añoolom li káyinenaku láale li hukul̥ahe.

Filemoŋ 1:12

Muñeˈe boot min ílaañenuliwool, okila ammuu bugeb bata ínje humumom.

Filemoŋ 1:18

Nokoomuu foof loon latittil li awu mantee foof laakisaak, li uŋa’ wahawu unwu feh ukaan li kajawaku kúmbaam.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 3:14

Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

1 Saŋ 1:3

Wahawu wan áloli jijukumuu ban li jijam wo, wo jommuu foof li kahebuul, mantee bukuluul li áloli li ujokoolaal min ulakowaal an ano. Hujamoolahu hoololaal ho hommuu hujamoo li Atuubaawu li Añoolool Yéesu Kilisita.