1 Tímote 2:10 - Jola-Kasa

¹⁰ Bale kukaan majake, loon kanaalaabuku feh kaanumuu kútuttuul Ateemit kóotimuu kukaan.

1 Tímote 2:10 Referencias Cruzadas

Bakaanelabu 9:36

Muñeˈe li baj li ésukayi yaaneyimuu Jofe anaale an koone Tabita áyinene li Amaaŋenawu. (Tabita ko kanolaku li «Dolukaas» li elobayi yata kata Gilees, yo yommuu «Huyamb»). Bulokool feh kakaan majake, li kalamben kusukateenabuku.

Bakaanelabu 9:39

Fiyeel li ayaan ánabul li buko. Nan áliiŋumuu, li kújowetumool boot li káfitaku kalakomuu haatiya eluufayi. Kanaalaabuku feh kahokumuu kúyiniil li kubil kuyito téeti Fiyeel mo kul̥okemaa. Li kúhiisool wañawu, li kújufowaku kan Dolukaas akikumuu akila li buloŋ.

Kata Efées 2:10

Li mal̥egenamu, Ateemit akaanolaal loon oomaalumuu, lakaanolaakaan búwuwenum buwunkul li hujokoolahu hoololaal li Yéesu Kilisita boot kakaan wah wajake, wan afimmuu min afaleˈe akat to, bájum li ukaanaal wo.

1 Tímote 2:11

Anaale laate anaak alu min ajanten bawaaleyelabu, li kawalenoolo ló.

1 Tímote 2:9

Lifañe foof min kaalaabuku kunaak kukoko búkoko bal̥uule, balewoo to ban li kawalenoolo ló. Jakum kúsangenoolum buhec batiineniye ŋáa’, mantee éwulus li usis, mantee foof wañ waseele.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.

Búhiisenumabu 2:19

Lihaase wahawu wan ukaanemuu. Lihaase húbooliyahu hooli li káyinenaku kooli, bulokabu booli li kahankenaku kooli. Lihaase een bulokabu booli búbanumabe buhaŋe maluuk bútinaalabu.