Máciya 25:40 - Jola-Kasa

⁴⁰ Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Máciya 25:40 Referencias Cruzadas

Máciya 10:40

— An ayabuulumuu jak, ínje layabe jak, ban an ayabommuu jak, anawu áboñulommuu layabe jak.

Máciya 10:42

Li mal̥egenamu fan ilobuul, an asenumuu maayeet efot yano yata mal májoobiye akee li bukanabuku umbuku kan káyinenaku kooliil lí ínje kulitutumuu ahob, mata ágoomom laam, akaal̥owut mata manooman Ateemit fan acaamool.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 25:39

Nay jijuki awu másomute, mantee foof awu li hukul̥, li jibili bajuk?»

Máciya 25:45

Ayíiyawu fan aaniil: “Li mal̥egenamu fan ilobuul, nanoonan feh nan jikaanut wahawu unwu akee li umbuku kahaŋumuu matiti li kutuyom, ínje humumom jikaanut wo.”

Máciya 28:10

Muñeˈe Yéesu li aaniil: — Sákoluul! Jijow joon kutuyom kujow boot li etaamayi yata Gálile. Bo kommuu li kujukom.

Maak 9:41

Li mal̥egenamu fan ilobuul, an asenuulumuu efot yata mal jihob mata min jommuu bukan kata Kilisita, akaal̥owut mata manooman Ateemit fan acaamool.

Hulimahu Hásuumaahu loon Lík akiic homuu 19:38

Li kunaak koon: «Ateemit ajow ásooniyen áyiiyawu, abilummuu li kajawaku kata Amaaŋenawu! Kásuumaay kujow kubaj li emitayi, ban máyiineniyamu li mulako li Ateemit, haatiya tiya emitayi!»

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Kata Lom 8:29

Bukanabuku kan Ateemit al̥usumuu yaan no ákibben, lajoojok yaan no foof min akaaniil kunokoo li Añoolool, bájum li alako añiil átiyaa abaje kutuyaay kameeŋe.

2 Kata Koolent 4:5

Li mal̥egenamu, li kawaaleyaku kan áloli jiwaaleˈemuu, let kúkowoli jiyiiŋene, bale Yéesu Kilisita ammuu Amaaŋenawu jiyiiŋene. Alóli kuloka kooluul joom, humum hata Yéesu.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 5:30

mata ololaal foofolaal feh oomaalumuu eniilayi yoola.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Saŋ 4:20

An aanumuu: «Líboolibooli Ateemit» ban li alat atuyool, anawu ummu ámalamiñ. Mata anawu ummu ábooliwutumuu atuyool an ajukemuu, let ábooli Ateemit an ájukeliitumuu.

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»

Búhiisenumabu 19:16

Kajaw laake kakiici li hukaafaahu li huboŋahu hoola. Kajawaku ko kommuu unke: «Ayíiyawu ata kúyiiyaku li Amaaŋenawu ata kumaaŋenaku.»