Máciya 25:41 - Jola-Kasa

⁴¹ «Fúlum tómuu, áyiiyawu fan abil aan bukanabuku kammuu kaŋenool kamay: “Jíloyiyom, bukuluul jan Ateemit ajokumuu bukan kajakut! Jijow li sambunasu sáhokoweliitumuu, sakaanimuu boot li Sayitaane li kumalakaaku koola!

Máciya 25:41 Referencias Cruzadas

Máciya 13:40

Mó mújimuu, loon emaanobasuuwayi eluucimuu ban li ebeteni li sambun, mo foof emmuu bil nokoo nan buloŋabu umbe bommuu li buban.

Máciya 13:42

Kumalakaabuku fan kubeteniil li sambun sáamak, dán emmuu baj jíl̥ok li sílaam sáamak.

Máciya 13:50

Banumuu emalakaayi fan ebeten bukanabuku kajakutumuu li sambun sáamak, dán emmuu baj jíl̥ok li sílaam sáamak.

Máciya 18:8

«Li bil nokoo loon kaŋeni, mantee foof kaati kújiyi li ulo li kahoofoo, li ufalen wo ubeten lóyiyi. Kóyume min unoken li buloŋabu bábaneliitumuu li kaŋen kano ló, mantee foof li kaat kano ló, awu babaje uŋen úl̥uba mantee foof woot úl̥uba, ban li ubeteni li sambunasu sáhokoweliitumuu.

Máciya 25:42

Mata bucaa bujokonjok, jisenutom itiñ. Bahob li bujokom, jisenutom ihob.

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Máciya 3:12

Káweyumaku koola kunku li kaŋenool. Fan awuu ekaakayi yoola ejow éfu’ kis, min aheefen edenfeteŋayi, ban li awuu yo ahahen li bulaŋen. Bale búhulabu fan ásu’ bó li sambun sáhokoweliit.

Máciya 4:10

Yéesu li aanool: — Uyinno, Sayitaane! Hulimahu hata Ateemit hoone: «Amaaŋenawu, Ateemitawu uya balewool loote umanen, ban loote ulok boot li akila bale.»

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Máciya 7:23

No unnu, fan ilobiil bújooŋoo eeniil: «ihaasutuul maayeet. Jiyinno téetiwom, bukuluul jájakaati muñowu!»

Hulimahu Hásuumaahu loon Lík akiic homuu 13:27

Bale fan alaañen aanuul: “Ihaasut bay jífulumulo. Jíloyiyom, bukuluul jakaanemuu majakut.”

Hulimahu Hásuumaahu loon Lík akiic homuu 16:24

Muñeˈe ánayinaawu abajaawu li alob butiya aan: «Faafa Abulaham, úyiyenom! Uboñ Laasaal ajow aŋa’ élawulayi yata husiikool ágolul mal, abil asenom íbuken húlellufom, mata ínje umme li sílaam sáamak li sambunasu unse.»

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

2 Kata Tesalonik 1:7

ban bukuluul jammuu li sílaam fan asenuul kayool̥o, li áloli foof. Fan akaan wahawu unwu nan Amaaŋenawu koola ló kata sembe.

2 Kata Tesalonik 1:9

Katekaku kan bukanabuku umbu kommuu li kubaj, ko kommuu sílaam boot nanoonan, lóyi Amaaŋenawu li sembaasu soola sáyiineniyaasu.

Eébulo 6:8

Bale unuunuken wata újenkuun li banuunuken bata úbuja bul̥iilulumuu li yo, ebajut jáliŋ. Ateemit fan áfaahen etaamayi inyu, ban fan ebil ésuli.

2 Fiyeel 2:4

Li mal̥egenamu, Ateemit akatut bo muñaˈa kumalakaaku kalomuu li kahoofoo, bale labeteniibeten li Sambunasu ban li akatiil ló majenke li élimayi, min kukob hunakahu hata batiibabu.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.