Kata Fílib 1:27 - Jola-Kasa

²⁷ Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 1:27 Referencias Cruzadas

Máciya 12:25

Bale Yéesu li ahaas uyinoolawu wooliil, li aaniil: — Jáyii jilakomuu, ban bukanabuku kata jo li kutiikoo ló, fan jiyiisoo. Bukan kata ésuk, mantee foof kata butoŋ kujamoolutumuu, ésukayi let efiyo to, butoŋabu foof let bufiyo to.

Bakaanelabu 2:46

Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.

Bakaanelabu 24:24

Muñeˈe li baj kunak, Féeliis buko li aseekool Dúlisil ammuu asuwif.

Bakaanelabu 4:32

Muñeˈe káyinenumuu li Yéesu li kujokoo loon an ano, min kubaj kayinoo kano, li hulim hano. Bajut an li buko aane wahawu wan abajumuu woola balewool, bale wahawu wan kubajumuu wooliil foofiil feh.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 1:9

Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul

Kata Lom 10:8

Kama Bakiicelabu buu bulobe? Bonsoon: «Hulimahu hata Ateemit hunhu téetiyi, hunhu li butumabu booli, hunhu foof li buyinumabu buya.» Hulimahu unhu ho hommuu hata káyinenaku kan uwaaleyaalemuu.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

Kata Lom 15:29

Lihaase een nan emmuu li ibil booluul, fan ibil li kásooniyenaku foof ko feh kata Kilisita.

1 Kata Koolent 1:10

Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 9:13

Mín súumiilumuu li majakamu mata bulokabu booluul, mo kusalumuu Ateemit mín jítuulumuu Hulimahu Hásuumaahu hata Kilisita loon jilobemuu. Fan kusal foof Ateemit mata másuumamu mooluul li kagaboolaku kan jigaboomuu wahawu wooluul li buko li kaabuku feh.

Kata Galasi 1:7

Li mal̥egenamu, «hulim hásuume» hakee hubajut, bale lilobuulob loon muñowu mata baje bukan káami li kalillimenuul, min kufañ kutiiw Hulimahu Hásuumaahu hata Kilisita.

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Efées 1:15

Mó mújimuu, ínje foof nan ijamumuu li kulob mata káyinenaku kooluul li Amaaŋenawu Yéesu, li mata húbooliyahu han jíboolimuu bukanabuku feh kata Ateemit,

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Fílib 1:5

mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe.

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Kata Fílib 2:24

Hiitonhiit kaanaku Amaaŋenawu muñeˈe fan akatom min ibil ínje humumom ijukuul.

Kata Fílib 3:18

Lilobeenuul mo iban ñameeŋe, ban boot min ilaañen ilobuul mo muñeˈe li jíl̥ok ló: baje bukan kameeŋe kaloŋe loon kulatoola koom kata ekuluwaayi yata Kilisita.

Kata Fílib 3:20

Bale alolaal, bukan kata Jáyiiyaju jata Ateemit loomaal, májimuu loonowaal li kakob min Afakenaawu oololaal ammuu Amaaŋenawu Yéesu Kilisita abil.

Kata Fílib 4:1

Kutuyom kan iboolaat, síibom ŋáa’ min ilaañen ijukuul. Bukuluul jíjiwommuu li ibaj ésuumahukow, bukuluul jommuu éjambiyayi yúmbaam yata kaheekaku. Kufaalom kan iboolaatumuu, wahawu unwu újimuu joote jítuk lit li Amaaŋenawu.

Kata Kolos 1:10

Alóli jil̥awel̥aw loon muñaˈa mantee bukuluul li jiloŋ loon Amaaŋenawu afañumuu, ban li jinaak jikaan nanoonan wahawu wásuumoolumuu. Bakaane banooban bajake bujow bujuki li buloŋabu booluul, ban li jinaak jihaŋ mahaas Ateemit jiyinno bo.

Kata Kolos 1:4

Jisalesal Ateemit mata jijanjam mata káyinenaku kooluul li Yéesu Kilisita, li mata húbooliyahu han jíboolimuu bukanabuku feh kata Ateemit.

1 Kata Tesalonik 3:6

Bale muñeˈe, Tímote álaañumulomuu booluul, lálobolilob kulim kásuume mata káyinenaku kooluul li húbooliyahu hooluul. Li amit áanoli kama jiloŋe li jíwayil̥owoli jak, ban jifañe min jíjukoli, loon óloli foof jifañumuu min jijukuul.

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

1 Tímote 1:11

Baliikenelabu umbe bumbu li Hulimahu Hásuumaahu hata máyiineniyamu mata Ateemit ata kásooniyen. Ateemit humumool asenom homuu.

1 Tímote 1:19

li káyinenaku ló ban li buyinum babahe. Bukan kukee kuhoohoy kujanten uyinumawu wooliil, mó lí múji káyinenaku kooliil li kújim.

2 Tímote 4:7

Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam.

Eleetalayi yan Fool akiicumuu Tit 2:10

Jakum foof kúkuwetiil wahoowah. Kunaak kúhiis nanoonan kaanaku buko bukan kajake ban li kul̥egen, mantee li kúbinken li wahoowah feh, baliikenelabu bata Ateemit ammuu Afakenaawu oololaal.

Filemoŋ 1:5

Mata lijame bukanabuku li kulob mata húbooliyahu han úboolimuu bukanabuku feh kammuu kata Ateemit, li káyinenaku kan ubajumuu li Amaaŋenawu Yéesu.

Saak 3:18

Bukanabuku kaŋesemuu kásuumaay, tan kommuu kulako fan kubet to sígul sata kásuumaay, ban wahawu wan kommuu kúbajum tó, wo wommuu buloŋ bacole.

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.